Mababe

From Wikipedia
Jump to: navigation, search
Mababe is located in Botswana
Location of Mababe

Mababe ke motsana yo mo kgaolong ya bokone bophirima jwa Botswana. Motse o mo botlhaba jwa kgaolo e, gape motse o na le sekole se se potlana. Mo palo bathong ya ngwaga wa 2001 dipalo di ne dile lekgolo le masome a matlhano le bosupa.[1]

Kgaolo ya Maun le metsana ya Mabapi e gatetse pele ka kgwele ya Dinao[baakanya | edit source]

Mababe le dikgaolong ya Maun di akgoletswe tiro e ekgatlisang mo go gateleng pele mo kgwele ya dinaong.Komiti e e tsamaisang metshameko ya banana ya Constituency Tournament ya Maun e galaleditse maphata a a ba thusang segolo jang ka bodiredi, dipagamo le tse dingwe ka dinako tsotlhe fa e kopa dilo tsa go nna jalo. Go buile jalo mothusa molaodi Mme Gaehetswe Maphakwane mo phuthegong ya go lebogela tirisano ya komiti le maphata a a thusang ka didirisiwa ka dinako tsotlhe, a re fa e ne e se ka tirisano eo kgaolo eo e ka bo e sa kgone go bona maduo a e a bonang. Mme Maphakwane a re go le gantsi kgaolo ya Maun ga e ke e tlhoka go tsenelela metshameko eo go twe ga go na dikoloi kana dilo dingwe ka jaana komiti e agilwe ka badirela puso ba maphata ka bontsi ka jalo therisano e nna e le teng.

Phenyo ya Ditlhopha[baakanya | edit source]

Mme Maphakwane o ne a itsese komiti ya gagwe gore tikologo ya bosupa e a simologa mme a re gore ba tswelele ka phenyo ya bone, ke gone gore ba godise tirisano e e ntseng e le teng. O tlhalositse fa bothata jwa kgaolo e le fela gore ga e tsewe sentle kwa e felelang e tshameka teng ka jaana e nna e fenya ka matshwao a a kwa godimo mme go setse go lebega o ka re jaanong ga ba a tshwarana sentle le bagolwane ba dikgaolo tseo. Mogolwane wa Lephata la Metshameko kwa Maun, Rre Othata Dikobe ene o ne a leboga komiti eo, a re e ne ya thusa kgaolo ya Chobe e e neng e na le bothata jwa go simolodisa metshameko eo kwa dikgaolong tsa Sankoyo, Mababe, Khwai le Savuti ka ntlha ya go tlhoka dipagamo. O tlhalositse gore Chobe e mo setlhopheng sa bobedi (Group 2), mme a re e tshwanelwa ke go thusiwa fa e na le mathata, a re o leboga thata gore go fitlha jaanong, go bo go ise go nne le bothata bope kana dingongorego dipe ka maloko mangwe a komiti. Bangwe ba maphata ba ba neng ba tsene pitso eo ba ne ba leboga thata ka ba re se se ba itumedisang segolo bogolo ke gore ga go na dingongorego ka batho ba bone ba ba ba ntshitseng go tsena mo komiting mme ba re ke bosupi jwa tirisano e e tlileng.

Dikgoge tse dingwe[baakanya | edit source]

Botswana


Dipadi tse dingwe[baakanya | edit source]

  1. "Distribution of population by sex by villages and their associated localities: 2001 population and housing census". Archived from the original on 2007-11-24. http://web.archive.org/web/20071124145529/http://www.cso.gov.bw/html/census/dist70_71_72_73.html. Retrieved 2007-12-09. 

Coordinates: 19°10′49″S 23°59′49″E / 19.18028°S 23.99694°E / -19.18028; 23.99694

[[Category:Kgaolo ya Botswana ya Bokone Bophirima

]]