Abiola Ajimobi

Abiola Ajimobi

Isiaka Abiola Adeyemi Ajimobi (16 Sedimonthole 1949 – 25 Seetebosigo 2020) e ne e le radipolotiki wa Nigeria yo o neng a direla jaaka mmusi wa puso ya Oyo go tloga ka 2011 go fitlha ka 2019, e ne e le motho wa ntlha go tlhophiwa mo ofising eno gabedi.

Pele e ne e le Mokaedi Mokaedi/Motsamaisi mogolo wa Kompone ya national oil le chemical marketing, e leng setlamo se se potlana sa Shell Petroleum, kwa Nigeria. O tlogetse lekala la oil ka 2002 morago ga dingwaga di le masome a mabedi le borataro tsa tirelo e e nang le bokgoni mme a tlhophiwa ka 2003 jaaka Senator wa Republic ya Nigeria a emetse Kgaolo ya Senator ya Oyo Borwa mo seraleng sa Alliance for democracy(AD). Morago ga paka e le nngwe mo senateng, o ne a gaisana ka 2007 go nna mo setilong sa mmuso wa Oyo ka fa tlase ga folaga ya All Nigeria People's Party, e leng kgaisano e a neng a e latlhegelwa. O ne a gaisana gape mo ditlhophong tsa go nna mmusi ka Moranang 2011 ka fa tlase ga Action Congress ya Nigeria mme a tlhophiwa go nna Mmusi wa Oyo mo ditlhophong tse di neng di gaisana thata. Ka 2019, o ne a latelelwa ke Engr. Oluwaseyi Makinde. Fa a sena go tlogela tiro, o ne a gaisana le setulo sa Senate sa kgaolo ya gagwe ya bosenate mme a latlhegelwa. Ka Seetebosigo 2020, go ne ga tlhomamisiwa gore o ne a na le COVID-19 mme ga itsisiwe gore o tlhokafetse ka Seetebosigo a le masome a mabedi le botlhano.

Botshelo jwa bogologolo

Abiola Ajimobi
Setshwantsho:Abiola Ajimobi.jpg
Mmusi wa kgaolo ya Oyo
In office 29 Motsheganong 2007 – 29 Motsheganong 2019
Deputy	Moses Alake Adeyemo
Pele Ga Gagwe	Adebayo Alao-Akala
Morago Ga Gagwe	Seyi Makinde
Senator ya Oyo Borwa
In office 3 Seetebosigo 2003 – 5 Seetebosigo 2007
Pele Ga Gagwe	Peter Olawuyi
Morago Ga Gagwe	Kamorudeen Adekunle Adedibu
Ka Ga Ena
O tsetswe	Isiaka Abiola Adeyemi Ajimobi 16 Sedimonthole 1949 Oja'ba, Ibadan, Kgaolo ya Borwa, Nigeria ya Borithane (jaanong e mo mmuso wa Oyo, Nigeria)
O Tlhokafetse	25 Seetebosigo 2020(dingwaga 70) Ikoyi, Lagos, Nigeria
Mokgatlho	All Progressives Congress (2013–2020)
Dikamano tse dingwe tsa sepolotiki	Action Congress of Nigeria (pele ga 2013)
Mo/Bakapelo	Florence Ajimobi ​ (m. 1980)​
Bana	5
Alma mater	Mmadikolo wa mmuso wa New York mmadikolo wa mmuso wa Balaodi
Tiro	Mopolotiki
Maranyane	www.abiolaajimobi.org

O tshotswe ka la bo 16 Sedimonthole 1949 mo lelapeng la ga Ajimobi la Ibadan kwa Oja-Iba, kwa Ibadan. Mmuso wa Oyo. O simolotse dithuto tsa gagwe kwa Sekolong se se Potlana sa Saint Patricks, kwa Oke-Padre kwa Ibadan. O weditse dithuto tsa gagwe kwa Sekolong se se Potlana sa Lekgotla la Toropo ya Ibadan, kwa Aperin. Dihuto tsa gagwe tsa sekolo se segolwane e ne e le kwa Sekolong sa Thutapuo sa Lagelu.

Ajimobi o tsene sekolo kwa mmadikolo kwa United States of America, kwa a neng a ithuta Tsamaiso ya Kgwebo le Matlole gone kwa Mmadikolo wa lefatshe la New York, kwa Buffalo, New York a aloga ka degree ya Bachelor ya maranyane. MBA ya gagwe e ne e le ya Patlisiso ya Ditiro le Papatso e e neng e le mo go tsa Madi kwa Mmadikolo ya Governors State, kwa mmadikolo wa Park, kwa Illinois.

Tiro ya sepolotiki

Ka 2003, Abiola Adeyemi Ajimobi o ne a nna Senator wa Republic ya Nigeria. Ajimobi e ne e le moemedi yo mogolo mo Senateng, a direla jaaka Motlatsa moeteledipele wa Minority wa Senate. Ka 2007, Ajimobi o ne a tsenela ditlhopho tsa go nna mmusi ka fa tlase ga All Nigeria people`s party ba mme a fenngwa. Ajimobi o ne a gaisana gape ka 2011 ka fa tlase ga Action Congree of Nigeria mme a fenya.

O itsewe e le Mogapi wa mmuso Oyo wa sesha wa sesha ,Ajimobi o ne a tsenelela ditlhopho tsaa puso ya bobedi ka kgwedi ya Moranang e tlhola malatsi a le lesome le bongwe ka ngwga wa 2015 ka fa tlase ga All Progressivse Congress mme a fenya. Fa a ka tlhophiwa gape go nna Mmusi, Ajimobi o ne a nna motho wa ntlha go nna mo setulong seno gabedi le ka tatelano. O ne a itsisiwe jaaka mofenyi wa ditlhopho tsa bobusi jwa Oyo State ke Independent National Electroral Commission.

Ajimobi o ne a tlhophiwa go nna ntlhopheng wa ntlha wa All Progressivse Congress Oyo Borwa ka la Lwetse e tlhola malatsi ale masome a mabedi le borobabobedi ka ngwaga wa 2018. O ne a fenngwa ke Kola Balogun wa Peoples Demogratic Party mo ditlhophong tsa 2019 tsa senate .

Ka di 16 Seetebosigo 2020, o ne a tlhomiwa go nna modulasetulo wa bosetšhaba wa namane o sa tshwere wa All Progressivse Congress (APC) ke Komiti ya Bosetšhaba ya Tiro (NWC) ya lekoko.

Botshelo jwa motho le loso

Ka 1980, Ajimobi o ne a nyala Florence Ajimobi; ba ne ba na le bana ba le batlhano.

Ka di 19 Seetebosigo 2020, Ajimobi o ne a amogelwa kwa Bookelong jwa Ntlha jwa Ngaka ya Pelo le Bagakolodi ba Pelo kwa Lagos morago ga go relela mo gare ga botshelo le leso morago ga mathata a COVID-19 ka nako ya leroborobo la COVID-19 kwa Nigeria. O ne a bolelwa fa a tlhokafetse ka di 25 Seetebosigo 2020.