Achta Djibrine Sy

Achta Djibrine Sy
Tsalo	Phalane a le masome mabedi le borobabobedi ngwaga wa 1962 Chad
Tiro	leloko la lekgotla la kagiso
O itsegi ka	Tona wa kgwebo le mehama kwa Chad
Bana	ba le barataro

Achta Djibrine Sy (o o tshotsweng ka Phalane a le masome mabedi le borobabobedi ngwaga wa 1962) ke molweladitshwanelo wa kagiso kwa Chad, o o nnileng tona wa puso wa dikgwebo le mehama ka 2019

Botshelo jwa gagwe

Sy o tshotswe ka 1962, a aloga ka degree ya gagwe ya ntlha kwa University of N'Djamena ka management and economics. Morago ga ntwa ya selegae ya Chad, Sy o ne a bereka le ditlhopha tsa bomme le lekgotla la boutlwelobotlhoko la Britain la Oxfam go busetsa kagiso mo lefatsheng la gaabo. O ne a le leloko la Oxfam kwa Chad. Ka 1993 o ne a kwala ka seabe sa basadi kwa Chad go thusa molao wa Oxfam. Dingwaga di feta lesome, o ne a emetse Intermón kwa lefatsheng la gagwe.

Ka 2005, e ne e le mongwe wa basadi ba le sekete ba ba neng ba tlhageletse mo bukeng ya basadi ba kagiso ba le sekete mo lefatsheng ka bophara.

Ka 2014, khansele ya basadi ya Chad e ne ya tlhamiwa ka thotloetso ya ga mohumagadi Hinda Deby Itno. Sy o ne a nna mothusa tautona wa lekgotla leo, le le neng le lwa kgatlhanong le tlhaolele.Sebaka sa gagwe se fedile ka 2017.

Tlhabololo ya molao wa peeletso wa Chad ka 2019 (Sy kwa molemeng)

O ratiwa thata ke mohumagadi ka ntlha ya go bereka ka thata. Ka Phatwe a le lesome le motso 2019, o ne a thapiwa ke tautona wa Chad, Idriss Deby Itno go nna tona wa dikgwebo le mehama. Sy o ne a tlhomamisiwa mo maemong ao ka Phatwe a le lesome le borobabongwe 2019. Kgwebo ya Chad le dipeeletso tsa mafatshe a sele ka 2019 di ne di eteletswe pele ke lookwane lwa lefatshe leo.

Sy o ntse a bua le lekgotla la mafatshe la bokopano jwa dikgwebo le tlhabololo e le bontlha jwa go tlhabolola molao wa peeletso, go tsamaelana le mekgele ya United Nations. Sy o ne a nyoretswe go bona go fetola itsholelo kwa Chad go itsa lehuma la dijo le go fokotsa go ikaega ka lookwane. Dipeeletso mo go diriweng ga gum ga mmogo le dihutshane, peo ya sesame, shea butter, algae spirulina le manoko e ne e le ditshono tsa dipeeletso.