Albert Kawana

Motlotlegi Albert Kawana Mopalamente
Tona wa selegae, bofaladi le tshireletso
In office Moranang a le masome mabedi le bobedi ngwaga wa 2021 – Mopitlo a le masome mabedi le motso ngwaga wa 2025
President	Hage Geingob Nangolo Mbumba
Pele Ga Gagwe	Frans Kapofi
Tona wa lephata la go tshwara ditlhapi le metswedi ya metsi
In office Ngwanatsele a le lesome le boraro ngwaga wa 2019 – Moranang a le masome mabedi le bobedi ngwaga wa 2021
President	Hage Geingob
Pele Ga Gagwe	Bernhard Esau
Morago Ga Gagwe	Derek Klazen
Moatlhodi mogolo wa Namibia
In office Tlhakole a le malatsi a robabobedi ngwaga wa 2018 – Mopitlo a le masome mabedi le motso ngwaga wa 2020
President	Hage Geingob
Pele Ga Gagwe	Sacky Shanghala
Morago Ga Gagwe	Festus Mbandeka
Tona wa tshiamiso
In office Mopitlo a le masome mabedi le motso ngwaga wa 2015 – Tlhakole a le malatsi a robabobedi ngwaga wa 2018
President	Hage Geingob
Pele Ga Gagwe	Utoni Nujoma
Morago Ga Gagwe	Sacky Shanghala
President	Sam Nujoma
Pele Ga Gagwe	Ngarikutuke Tjiriange
Morago Ga Gagwe	Pendukeni Iivula-Ithana
Tona wa ofisi ya ga tautona
President	Hifikepunye Pohamba
Morago Ga Gagwe	Frans Kapofi
Mothusa tona wa tshiamiso
In office 2000–2003
President	Sam Nujoma
Ka Ga Ena
O tsetswe	Mopitlo a le masome mabedi le borataro ngwaga wa 1956 Katima Mulilo
Mosetshaba wa	Namibian
Mokgatlho	SWAPO
Alma mater	University of Warwick
Tiro	Mmueledi
Tiro	Mopolotiki

Albert Kawana (o o tshotsweng ka Mopitlo a le masome mabedi le borataro ngwaga wa 1956) ke mopolotiki wa kwa Namibia. Ke leloko la SWAPO, Kawana e ne e le leloko la palamente ebile e le tona fa e sale ka 2000 go tsena Mopitlo a le masome mabedi le motso ngwaga wa 2025. Go tswa ka Moranang a le masome mabedi le bobedi ngwaga wa 2021 go tsena Mopitlo a le masome mabedi le motso ngwaga wa 2025 e ne e le tona wa selegae, bofaladi, le tshireletso. Ke mmueledi ka thutego. Kawana o eteletse pele setlhopha sa babueledi ba Namibia ka nako ya kgotlhang ya setlhaketlhake sa Kasikili, e e ngangilweng fa pele ga kgotlatshekelo ya mafatshefatshe.

Botshelo jwa a le mmotlana le thuto

Kawana o tshotswe ka Mopitlo a le masome mabedi le borataro ngwaga wa 1956 kwa Katima Mulilo kwa kgaolong ya Zambezi. O tsene mo polotikig ya Namibia fa a tshabile a le kwa Zambia. Ka 1979 o ne a aloga go tswa kwa United Nations Institute for Namibia (UNIN) ka diploma ya thuto ya tlhabololo le tlhokomelo. O ne a ya go tsweledisa kwa University of Warwick kwa United Kingdom, kwa a neng a amogela L.L.M ka 1983 le PhD KA 1988. Morago ga a sena go aloga, Kawana o ne a boela kwa Zambia, kwa a neng a nna morutabana ka dingwaga tsa bofelo kwa UNIN go tswa ka 1988 go tsena 1990.

Tsa Pereko

Morago ga boipuso jwa Namibia ka Mopitlo 1990, kawana o ne a fudugela kwa Namibia go nna mokwaledi mogolo wa sennela ruri wa ntlha wa tona wa tshiamiso, kw a berekileng teng go fitlhelela ka 2000. A tlhophilwe ke SWAPO go nna mo palamenteng ka 2000, o ne a tlhatlosiwa mameo go nna mothusa tona wa tshiamiso. Morago ga ditlhopho tsa 2004, kawana o ne a tlhatlosiwa mameo go etelela pele lephata la tshiamiso, e le mokwaledi wa ntlha go palamela kwa maemong a a kwa godimo a tona fa e sale ka boipuso.

Kawana o ne a eteletse pele setlhopha sa Namibia sa babueledi ka nako ya kgotlhang ya setlhaketlhake sa Kasikili, e e ngangilweng fa pele ga kgtolatshekelo ya mafatshefatshe. Kgotlatshekelo e ne ya felela e tsaya lotlhakore lwa Botswana.

Ka 2005, o ne a nna tona wa ofisi ya ga tautona, go fitlhelela ka 2015. Kawana o ne a akareditswe le mo palamenteng ya ga Hage Geingob,a tlhomilwe ka Mopitlo 2015, e le tona wa tshiamiso. Ka tswakanyo ya matona ya Tlhakole 2018, o ne a fapaana le Sacky Shanghala a nna molaodi mogolo, e le maemo a a lekanang le a tona. Kawana o ne a nna tona wa go tshwara ditlhapi le metswedi ya metsi morago ga Bernhardt Esau a sena go ithola marapo ka Ngwanatsele 2019 morago ga tlhakatlhakano ya Fishrot. Mo tswakanyong ya matona ya Moranang 2021, o ne a isiwa kwa lephateng la selegae, bofaladi le tshireletso.

Dietsele

Albert Kawana o ne a fiwa tlotla ya o o gaisitseng wa maemo a mabedi ka Phatwe 2024, ke tautona Nangolo Mbumba.