Alexis Thambwe Mwamba

Alexis Thambwe Mwamba
Tautona wa khuduthamaga ya Congo
In office Phukwi a le masome mabedi le bosupa ngwaga wa 2019 – Tlhakole a le malatsi a matlhano ngwaga wa 2021
Pele Ga Gagwe	Léon Mamboleo
Morago Ga Gagwe	Modeste Bahati Lukwebo
Tona wa dithulaganyo le dipaakanyo
In office 2003–2006
Leloko la palamente ya Kindu
Incumbent
Assumed office 2006
Tona wa mafatshe a sele
In office Phalane 2008 – Moranang 2012
Pele Ga Gagwe	Antipas Mbusa
Morago Ga Gagwe	Raymond Tshibanda
Ka Ga Ena
O tsetswe	Motsheganong a le malatsi a marataro ngw aga wa 1943 Longa
Mosetshaba wa	Democratic Republic of the Congo

Alexis Thambwe Mwamba ( o o tshotsweng ka Motsheganong a le malatsi a marataro ngwaga wa 1943) ke mopolotiki wa kwa Congo, o o berekileng mo maemong le diofisi tse di farologaneng tsa sepolotiki fa e sale ka dingwaga tsa 1980, a nna tona wa tsa pereko, tona wa lefatshe, tona wa dipalamo, tona wa dithulaganyo, tona wa mafatshe a sele, le tona wa tshiamiso wa the Democratic Republic of the Congo, maemo a a tseneng mo go one ka Morule 2014.

A tsholetswe kwa Longa,kwa kgaolong ya Manieme, Thambwe Mwamba ke mmueledi wa kwa the Democratic Republic of the Congo,ebile o ka tswa e le mmereki wa puso o o berekileng ka lobaka mo lefatsheng go tswa ka nako ya a thapiwa lantlha go nna tona wa tsa pereko ka 1985 mo pusong ya ga Mobutu Sese Seko.

Ka nako ya ntwa ya bobedi ya Congo, Thambwe Mwamba e ne e le leloko la lekgotla la ditsuolodi la kgololesego ya Congo, le le neng le eteletswe pele ke Jean-Pierre Bemba le laola bokone jwa lefatshe. Makaseterata wa kwa Belgium o ne a tlhotlhomisa Thambwe Mwamba ka dikgang tsa go tlhatswa madi, ka dituelo tse go bolelwang fa a ne a di amogetse go thusa ntwa.

E ne e le tona wa dithulaganto le go aga sesha mo pusong ya phetogo go tswa ka 2003 go tsena 2006. O ne a tlhophilwe e le leloko le le ikemetseng la palamente la kwa Kindu mo ditlhophong tsa 2006, a nna mo pusong ya ga Joseph Kabila. O ne a tlhomiwa tona wa mafatshe a sele.

Ka Phatwe a ya fifing ngwaga wa 2009, go ne ga thuntshiwa kwa lolwapeng lwa gagwe e le matshosetsi a kgatlhanong le go bua kwa tshekong ya kgotlatshekelo ya mafatshefatshe ya Bemba.

Ka Phukwi a le masomemabedi le bosupa ngwaga wa 2019, Alexis Thambwe Mwamba o ne a tlhophiwa go nna tautona wa khuduthamaga. Ka Tlhakole a le malatsi a matlhano ngwaga wa 2021, o ne a ithola marapo mo maemong ao, ka jalo a tila tsamaiso ya go ntshiwa e e neng e solofetswe.