Alpheus ǃNaruseb

Motlotlegi Alpheus ǃNaruseb
Tona wa temothuo
In office 2018–2020
President	Hage Geingob
Pele Ga Gagwe	John Mutorwa
Morago Ga Gagwe	Calle Schlettwein
Tona wa tsa pereko le dipalamo
In office 2015–2018
President	Hage Geingob
Pele Ga Gagwe	Erkki Nghimtina
Morago Ga Gagwe	John Mutorwa
Tona wa tlhabolo le ditsha
In office 2008–2015
President	Hifikepunye Pohamba
Pele Ga Gagwe	Jerry Ekandjo
Morago Ga Gagwe	Utoni Nujoma
Tona wa pereko le selegae
In office 2005–2008
President	Hifikepunye Pohamba
Pele Ga Gagwe	Marlene Mungunda
Morago Ga Gagwe	Immanuel Ngatjizeko
Mothusa tona wa melao
In office 2003–2005
President	Sam Nujoma
In office 1997–2003
President	Sam Nujoma
Ka Ga Ena
O tsetswe	Alpheus |Gou-!na !Naruseb 1954 Mopitlo a le masome mabedi Usakos
Mosetshaba wa	Namibian
Mokgatlho	SWAPO

Alpheus lGou-!na !Naruseb ( o o tshotsweng ka Mopitlo a le masome mabedi ngwaga wa 1954) ke mopolotiki wa kwa Namibia o o berekileng kwa palamenteng ya Namibia ka maemo a a farologaneng. Ke leloko la SWAPO, le le berekileng a le tona fa e sale ka 1997 le mo palamenteng fa e sale 1995.

Botshelo jwa a le mmotlana le thuto

!Naruseb o tshotswe ka Mopitlo a le masome mabedi ngwaga wa 1954 kwa Usakos, kwa kgaolong ya Erongo. Go tswa ka 1970 go tsena 1975, o tsene sekolo se segolwane sa Martin Luther High kwa Okombahe. Morago o ne a ya go berekela Rossing Uranium mo maemong a a farologaneng. O ithutetse molao kwa University of Namibia.

Tsa pereko

!Naruseb o nnile leloko la SWAPO ka 1975 a le dingwaga di le masome mabedi le motso. Ngwaga o o latelang o ne a simolola go bereka e le morulaganyi wa tsa tlhokomelo kwa moepong wa Rossing Uranium kwa Arandis, tiro e a e dirileng go fitlhelela ka 1980. Mo ngwageng oo, o ne a bereka mo ofising ya botsalano jwa mehama kwa moepong, go fitlhelela ka boipuso ka ngwaga wa 1990. Fa go ipaakanyediwa boipuso,ka dingwaga tsa 1980 di ya bokhutlong, e ne e le mokwaledi wa SWAPO wa itsholelo. Morago ga go bereka ka nakwana e le morulaganyi mogolo wa makgotla kwa SWAPO go tswa ka 1990 go tsena 1991, o ne a nna leloko la komiti ya legare ya SWAPO ngwaga oo. Go tswa ka 1992 go tsena 2002, !Naruseb e ne e le moeteledipele wa tsa phatlalatso mafoko mo phathing ya SWAPO. O ne a tlhophiwa gape go nna mopalamente ka 1995.

Ka 1997, !Naruseb o ne a thapiwa go nna mothusa tona wa lephata la go tshwara ditlhapi le didirisiwa tsa metsi, o ne a nna mo maemong ao go fitlhelela a fudugela kwa lephateng la melao go nna mothusa tona wa lone ka 2003. Ka 2005 o ne a tlhatlosiwa maemo go nna tona wa tsa pereko ka fa tlase ga puso ya tautona o mosha Hifikepunye Pohamba. Ka 2008, !Naruseb o ne a fudusediwa kwa maemong a tona wa ditsha, a tlhatlhama Jerry Ekandjo. !Naruseb o ne a supa fa a sa itumelele bonya jo lefatshe le fetolwang ka bone kwa Namibia, a gakolola gore molao o fetolwe go baya kwa pele go fudusiwa ga batlhoki.

Mo pusong ya ga Hage Geingob, !Naruseb o ne a tlhomiwa tona wa tsa mesepele ka Mopitlo 2015. Ka 2018 o ne a fudusediwa kwa maemong a tona wa temothuo, metsi le masimo. O ne a ithola marapo mo sepolotiking ka 2020.

Dietsele

!Naruseb o ne a fiwa tlotla ya o o gaisitseng, ka maemo a bobedi ka tiro e a e dirileng go feta e a e thapetsweng, ka Phatwe 2024 ke tautona Nangolo Mbumba.