Apolline Traoré

Apolline Traoré (o tshotswe ka 1976) ke motsamaisi wa mo Burkinabé, mokwadi wa ditlhamo, le motlhami. O itsege ka difilimi tse di akaretsang Sous la clarté de la lune, Borders (Frontières ), Desrances, le Sira, mofenyi wa FESPACO's Étalon d'argent de Yennenga ka 2023 le go tsena ga Burkina Faso mo setlhopheng sa Best International Feature Film sa 96th Academy Awards.

Dithutego le botshelo jwa pele

O tshotswe ka 1976 kwa Ouagadougou. Go tloga a le dingwaga di le supa, o ne a nna kwa moseja mo Aforika le Yuropa ka ntlha ya tiro ya ga rraagwe ya go nna morongwa. Morago ga go aloga kwa sekolong se segolwane a le dingwaga di le 17, o ne a tsena kwa Emerson College's School of Arts kwa Boston kwa United States. [1][2][3]

Tiro ya gagwe

Filimi ya gagwe e khutshwane ya go aloga, The Price of Ignorance (2000), e ne ya gapa Sekgele sa Jury kwa Pan-African Film and Television Festival ka 2001, e le ya ntlha ya dikgele tse dintsi tse Traoré a neng a di gapa mo dingwageng tse di fetileng kwa FESPACO. E ne e le ka nako eo a kopaneng le Idrissa Ouédraogo, mongwe wa batsamaisi ba ba itsegeng thata ba kwa Burkina Faso. Ouédraogo o ne a tla nna motlhatlheledi le go dirisana mmogo le Traoré mme a mo rotloetsa go boela kwa Burkina Faso. Morago ga go tsamaya go ya le go boa magareng ga Los Angeles le naga ya gaabo go tloga ka 2005 go ya go 2008, kwa bofelong o ne a boela go ya go nna kwa Burkina Faso ka 2008. [1] [5]

O ne a latela The Price of Ignorance ka di short Monia and Rama (2002) le Kounandi (2003). Kounandi, ke tlhamane e e buang ka kamogelo le lorato, e e dirilweng ke Ouédraogo mme ya bontshiwa kwa Sundance Film Festival le kwa Toronto International Film Festival ka 2004.[ 6]

Filimi ya gagwe ya ntlha, Sous la clarté de la lune (2004), e ne ya kwalwa le go tlhagisiwa ke Ouédraogo ka fa tlase ga NDK Productions banner ya gagwe.[ 7][8] Filimi e ne ya fenya Sekgele sa Mmino o o Molemolemo kwa FESPCO ka 2005.[9] Ka 2008, o ne a tsamaisa porojeke ya gagwe ya ntlha ya thelebišene, motseletsele wa diterama tsa Burkinabe Le testament, tirisanommogo e nngwe le Ouédraogo. Ka 2013 o ne a tlhagisa, a tsamaisa le go kwala Moi Zaphira, filimi e ntsho le tshweu e e buang ka mmè yo monnye wa kwa Burkina Faso yo o ganetsanang le dingwao tsa morafe wa gaabo go batlela morwadie botshelo jo bo botoka. Traoré o ne a tlhalosa tiriso ya filimi e e "tsididi" e ntsho le tshweu jaaka tsela ya go romela molaetsa wa go sa itumele ga motho yo go buiwang ka ene. Filimi e ne ya bontshiwa mo kgaisanong ya Sekgele se Segolo kwa Fespaco mo go one ngwaga oo.

Difilimi tsa gagwe

Sira (2023)

Desrances (2019)

Borders (Frontières) (2017)

Moi Zaphira (2013)

La testament (2008)

Sous la clarté de la lune (2004)

Kounandi (2003)

Monia et Rama (2002)

The Price of Ignorance (2000)

Metswedi

[1] Brière, Jean-François (2008-01-01). Dictionnaire des cinéastes africains de long métrage (in French). KARTHALA Editions. ISBN 9782811142506.

[2] "Quatuor complice aux "Frontières"". Libération.fr (in French). 2018-05-22. Retrieved 2019-03-02.

[3]"Burkina : au Fespaco, Apolline Traoré rêve de l'Etalon d'Or" (in French). 2019-02-22. Retrieved 2024-11-13.

[4] "| Berlinale | Archive | Programme | Programme". www.berlinale.de. Retrieved 2024-11-13.

[5] Ertischek, David (2024-02-27). "Alum Apolline Traoré's 'Sira' Shows Brutality, Beauty of Life in Burkina Faso". Emerson Today. Retrieved 2024-11-13.

[6] "Kounandi". BAMPFA. 2014-12-22. Retrieved 2024-11-13.

[7] "Fespaco 2005 | About the films | West Africa films | Sous la Clarte de la Lune | BBC World Service". www.bbc.co.uk. Retrieved 2024-11-13.

[8] "Films | Africultures : Sous la clarté de la lune". Africultures (in French). Retrieved 2024-11-13.

[9] "Apolline Traoré, the successful Burkinabe film director :: AWE - En". africawomenexperts.com. Retrieved 2024-11-13