Ayakha Melithafa

Ayakha Melithafa
Melithafa ka 2020
Tsalo	2001 kgotsa 2002 Eerste River, Kapa Bophirima, Aforika Borwa

Ayakha Melithafa (o o tshotsweng ka 2001 kgotsa 2002) ke molweladitshwanelo tsa tikologo wa kwa Aforika Borwa.

Botshelo jwa a le mmotlana le thuto

Melithafa o tswa kwa Eerste River, kwa Kapa Bophirima. Ke moithuti wa kwa Centre of Science and Technology kwa Khayelitsha.

Go lwela ditshwanelo tsa seemo sa loapi

Melithafa e ne e le mongwe wa bana ba ba lesome le borataro ba akaretsa Greta Thunberg,Alexandria Villasenor,Carl Smith le Catarina Lorenzo ba ba neng ba isa ngongora kwa komiting ya United Nations ya ditshwanelo tsa bana, go bo na reteletswe ke go baakanya seemo se se sa iketlang sa loapi.

Melithafa o nnile le seabe gape mo project 90 by 2030 ya YouLead, e le lekgotla la Aforika Borwa le le itlamileng go fokotsa phefo e e sa siamang ka masome a robabongwe mo lekgolong ka ngwaga wa 2030. O ne a thapilwe ke Ruby Sampson ka Mopitlo 2019 go nna bontlha jwa African Climate Alliance Youth Spokesteam, kwa a neng a fiwa tshono ya go dira dipuisano, go tsenelela dikopano le meletlo e mengwe ya seemo sa loapi. O bereka gape e le o o thapang babereki ba African Climate Alliance.

Melithafa o buelela go akarediwa ga mantswe a a farologaneng mo go lweleng ditshwanelo tsa seemo sa loapi.

"Go botlhokwa gore batho ba ba humanegileng le batho ba mmala ba ye megwantong e ka gore ba babalelwa ke phetogo ya seemo sa loapi go gaisa. Go botlhokwa gore ba nne le lefoko, le gore lentswe la bone le dikopo tsa bone di reediwe -- Ayakha Melithafa.