Barbara Hogan

Barbara Hogan
Hogan ka 2010
Tona wa dikgwebo tsa setshaba
In office Motsheganong a le lesome ngwaga wa 2009 – Phalane a le masome mararo le motso ngwaga wa 2010
President	Jacob Zuma
Pele Ga Gagwe	Brigitte Mabandla
Morago Ga Gagwe	Malusi Gigaba
Tona wa masome mabedi le boraro wa botsogo
In office Lwetse a le masome mabedi le botlhano ngwaga wa 2008 – Motsheganong a le lesome ngwaga wa 2009
President	Kgalema Motlanthe
Pele Ga Gagwe	Manto Tshabalala-Msimang
Morago Ga Gagwe	Aaron Motsoaledi
Ka Ga Ena
O tsetswe	Barbara Anne Hogan Tlhakole a le masome mabedi le borobabobedi ngwaga wa 1952 Benoni Transvaal Aforika Borwa
Mokgatlho	African National Congress
Mo/Bakapelo	Ahmed Kathrada (o tlhokafetse ka 2017)
Tiro	Mopolotiki Molweladisthwanelo kgatlhano le puso ya tlhaolele

Barbara Anne Hogan (yo a bonweng ka Tlhakole a le masome mabedi le borobabobedi ngwaga wa 1952) ke tona wa pele wa botsogo le wa dikgwebo tsa setshaba mo khuduthamageng ya Aforika Borwa.

Botshelo jwa a le mmotlana

Hogan o tsene sekolo kwa St Dominic's Catholic School for Girls, kwa Boksburg, a aloga ka degree kwa University of the Witwatersrand. Hogan o na le dithutego tsa matlotlo le itsholelo.

Ditirelo tsa sepolotiki

Hogan o nnile leloko la African National Congress ka 1976 morago ga mekubukubu ya Soweto, dingwaga di le dintsi morago ga phathi eo e sena go ilediwa ebile e fuduseditse ditirelo tsa yone kwa tlase ga lefatshe. Maikarabelo a gagwe mo letsholong le, e ne e le go gwetlha batho basweu, go tsaya karolo mo matsholong a setshaba a sepolotiki le go bolelela ANC kwa Botswana ka tse di diragalang ka lekgotla la pereko le ditiragalo kwa Aforika Borwa. Hogan o ne a tshwarwa ka 1982 go bo a tsweledisa pele ditirelo tsa lekgotla le le ileditsweng, morago ga a senago botsolosiwa, a bo a bogisiwa, a beilwe a le nosi mo kgolegelong sebaka sa ngwaga, o ne a nna mosadi wa ntlha kwa Aforika borwa go bonwa molato wa thankgolo puso a atlholelwa dingwaga di le lesome mo kgolegelong.

Hogan o ne a gololwa ka 1990 ga mmogo le magolegwa a mangwe a sepolotiki, fa go tlosiwa kiletso ya makgotla a a neng a ileditswe, mongwe wa magolegwa ao e le Nelson Mandela. Fa a sena go gololwa, o ne a nna le seabe se segolo mo go ageng sesha ANC mo maemong a gagwe a bokwaledi jwa ofisi ya kgaolo ya PWV.

Tiro

Fa Kgalema Motlanthe a pagama setilo sa botautona ka Lwetse a le masome mabedi le botlhano ngwaga wa 2008, o ne a thapa Hogan e le tona wa botsogo go tlhatlhama Manto Tshabalala-Msimang. Hogan o ne a nna tona wa botsogo jwa setshaba ka Lwetse 2008 ka a ne a na le boitseanape jwa go okamela madi, jo bo neng bo tlhokega ka potlako kwa lephateng labotsogo, go ya ka puisano le ene ka 2008 mo News24. Le ntswa Hogan e ne e se moitseanape wa botsogo, o ne a re o na le mothusi wa tlhwatlhwa Dr. Molefi Sefularo,o e neng e le ngaka ebile a na le seabe mo mohameng wa botsogo. Hogan o ne a o ne a thusa puso ya Aforika Borwa go rarabolola segajaja sa AIDS mo ma Aforika Borweng morago ga dingwaga di le lesome tsa go ganela le go tlhokomologa ga tona wa pele wa botsogo, Manto Tshabalala-Msimang.

Hogan ke leloko la lekgotla la bogakolodi la Amandla AIDS Fund (AAF), le le tlhamilweng ke lekgotla le le ikemetseng la Artists for a New South Africa (ANSA) ka 2003 ka thuso ya madi ya di dolara di le didikadike tse pedi le botlhano go tswa kwa Carlos and Deborah Santana, a a neng a emetse dipoelo tsotlhe tsa 2003 tsa loeto lwa selemo lwa US lwa Santana Shaman. AAF e thusa maiteko a Aforika Borwa a go thibela AIDS kwa Aforika Borwa ka madi, ga mmogo le go tlhama mananeo. Amandla ke lefoko le le rayang nonofo kgotsa maatla ka seZulu le seXhosa le dipuo tse dingwe tsa Aforika Borwa. Lekgotla la AAF la bogakolodi, le pele modulasetilo wa lone e neng e le Archbishop Desmond Tutu, le akaretsa baitseanape le balweladitshwanelo ba AIDS ba ba thusang go tlhopha makgotla le mananeo a Aforika Borwa go amogela dithuso tsa madi. Ngwaga o o fetileng, AAF e ne e dirisitse sedikadike sa madi a di dolara go buelela, go thibela le go dira mananeo a go alafa HIV/AIDS. ANSA le yone e bereka go atolosa ditshwanelo tsa setho le go sireletsa ditshwanelo tsa go tlhopha kwa US.

Ka Motsheganong 2009, o ne a thapiwa mo lephateng la dikgwebo tsa setshaba, kwa a neng a kgaolwa teng ka 2010 ke tautona Jacob Zuma. Ka Morule 2015, o ne a kgalela tautona go koba tona wa nako eo wa botsogo (Nhalnhla Nene) a gwetlha baagi go ema ka dinao ba re go lekane.

Komiti ya ditshekatsheko ya go thankgola puso ya Zondo

Ka ngwaga wa 2018, Hogan o ne a fa bosupi fa pele ga komiti e e sekasekang magatwe a go thankgola puso, a re tautona wa pele Jacob Zuma o ne a mo pateleditse go thapa Siyabonga Gama e lemookamedi wa Transnet, le ntswa a ne a lebaganwe ke magatwe a go tlhoka go laola sentle.

Ditlotla

Hogan o ne a akareditswe mo Time 100 ya 2009, lenaane la ngwaga le ngwaga la batho ba ba lekgolo ba ba nang le thotloetso mo lefatsheng ka bophara.

Ka Moranang a le lesome le boraro ngwaga wa 2011, Hogan o ne a amogela tlotla ya doctoral degree go stwa kwa University of Kentucky, ene le mopati wa gagwe Ahmed Kathrada.

Botshelo jwa gagwe

Barbara Hogan o kopane le Ahmed Hathrada a sena go gololwa kwa kgolegelong ka 1990.