Bertha Gxowa

Bertha Gxowa
Tsalo	26 Ngwanatsele 1934 Germiston, Aforikaborwa
Leso	19 Ngwanaitseele 2010 (dingwaga di le 75) Johannesburg, Aforika Borwa
Letso	Germiston
Tiro	Molwela ditshwanelo tsa basadi
Title	Bertha Gxowa
Mosadi	Cecil Mntukanti Gxowa
Bana	5

Bertha Gxowa, OLS, (née Mashaba; 26 Ngwanatsele 1934 - 19 Ngwanatsele 2010) e ne e le molweladiphetogo kgatlhanong le tlhaolele le ditshwanelo tsa basadi le mokgatlho wa badiri mo Afrika Borwa.

Baekerafi

Gxowa o tsholetswe kwa Gerimiston.O ne a tsena sekolo se sebotlana sa Thokoza la ntlha mo lefelong leo pele a fetela kwa sekolong se segolwane sa Puso.O ne a romelwa kwa kholetšheng ya kgwebo, koo a neng a fetsa dithuto tsa gagwe tsa go kwala ka mokgwa o o mokhutshwane le go boloka dibuka.[kinolo ya tlhogela]

Tiro

Gxowa o simolotse go dira jaaka mothusi wa ofisi kwa Mokgatlhong wa Badiri ba Diaparo wa Aforika Borwa kwa a neng a nna le dipuisano tsa dituelo le go kokoanya ditlankana tsa madirelo. Gxowa o ne a nna le seabe mo Liking ya Baša ya African National Congress (ANC) le Liki ya Basadi a sa ntse a le monnye.O ne a baya monwana lantlha le ANC ka nako ya letsholo la thuto le le kgatlhanong le Bantu.

Katlego

Gxowa o ne a tsaya karolo mo Letsholong la Defiance ka 1952.Gxowa e ne e le mongwe wa maloko a a simolotseng Mokgatlho wa Basadi ba Aforikaborwa (FEDSAW) .Gape e ne e le mongwe wa barulaganyi ba Mogwanto wa Basadi mo Kagong ya Kopano ka 1956 o o neng o ipelaetsa kgatlhanong le go fetisiwa ga melao. Gxowa, mmogo le Helen Joseph, ba ne ba tsamaya go ralala Aforika Borwa go ya go tsaya ditshaeno mo diphetišeneng di le 20 000 tse di neng tsa tlhagisiwa kwa mogwantong.

O ne a feleletsa a latofaditswe ka boferefere ka 1956 mo Tshekong ya Boferefere mme a nna mo tshekong go fitlha ka 1959.O ne a thibelwa ka fa tlase ga Suppression of Communism Act ka 1960.

]Ka 1994, o simolotse go direla mo Palamenteng jaaka leloko la ANC. O ne a le leloko la Komiti ya Palamente ya Merero ya Selegae le ya Boitekanelo go fitlha ka 2004.

Botshelo le loso

Gxowa o ne a tlhokafala kwa bookelong kwa Johannesburg ka 19 Ngwanatsele 2010. Sepetlele sa kwa Gauteng se reeletswe ka ene. O ne a na le bana ba le batlhano mme o ne a nyetswe ke Cecil Mntukanti Gxowa, yo o neng a tlhokafetse pele ga gagwe. Lebitla la gagwe le ne la neelwa jaaka lefelo la ngwaoboswa ya porofense.

Bona gape

• palo ya batho ba ba neng ba thibetswe go tsena ka fa tlase ga tlhaolele