Jump to content

Bitsa Lenkopane

Go tswa ko Wikipedia
Bitsa Lenkopane
Mopalamente wa kgaolo ya Bokone Bophirima
Assumed office
Motsheganong a le masome mabedi le bobedi ngwaga wa 2019
Ka Ga Ena
O tsetsweLwetse a le masome mabedi le borobabongwe ngwaga wa 1975
Moagi Wamo Aforika Borwa
MokgatlhoAfrican National Congress

Keobiditse Evelyn Bitsa Lenkopane (yo a bonweng ka Lwetse a tlhola malatsi a le masome a mabedi le borobongwe ka ngwaga wa 1975)[1][2]  ke mopolotiki wa kwa Aforika Borwa o o emetseng African National Congress kwa kgaolong ya Bokone Bophirima fa e sale ka 2019. Pele e ne e le mmatoropo wa mmasepala wa Kagisano Molopo go fitlhelela a ntshiwa ka go tlhoka go nna le tshepo mo go ene ka Phukwi 2018.

Lenkopane o berekile e le mokwaledi wa kgaolo ya Bokone Bophirima mo lekgotleng la bomme ba ANC e le modulasetilo wa kgaolo wa lekalana la ga Dr Ruth Segomotsi Mompati. O ne a utlwana thata mo sepolotiking le moeteledipele wa pele Supra Mahumapelo.

Fa a le mmatoropo wa Kagisano Molopo

[fetola | Fetola Motswedi]

Ka Mopitlo 2018, fa Lenkopane e le mmatoropo wa Kagisano-Molopo, kgotlatshekelo ya Ganyesa e ne ya mmona molato go bo a biditse Boipelo Bareng, mokhanselara wa kgotla o a neng a emetse Economic Freedom Fighters. O ne a atlolelwa go duela dikete di le tlhano tsa diranta kgotsa dikgwedi tse thataro mo kgolegelong, mme tsheko ya gagwe e ne ya seegelwa kwa thoko ka sebaka sa dingwaga di le tharo.[1] Ka Phukwi a le lesome le boraro ngwaga oo, khansele e ne ya mo ntsha mo go nneng mmatoropo ka go tlhoka go nna le tshepho mo go ene;[3] Moses Olaotswe wa ANC o ne a tlhomamisiwa go mo tlhatlhama.[4] ANC e ne ya re go ntshiwa ga gagwe e ne e le maiteko a go tsosolosa tshepho ya setshaba mo phathing le go tokafatsa ditirelo.[5]

Ka nako ya fa a ntshiwa mo ofising ya mmatoropo, Lenkopane e ne e le mokwaledi wa lekalana la Bokone Bophirima la lekgotla la bomme.[1] Fa godimo ga foo, beke morago ga a sena go ntshiwa, o ne a tlhophiwa modulasetilo wa lekanala la ANC la Dr Ruth Segomotsi Mompati.[1] Tlhopho ya gagwe e diragatse ka ditsela tse di ganeditsweng, baganetsi, ba akaretsa Mmoloki Cwaile, ba ne ba re Supra Mahumapelo o nnile le seabe mo tsamaisong ya tlhopho go thibela baganetsi ba gagwe go tsaya karolo.[6] Mahumapelo ka nako eo e ne e le modulasetilo wa kgaolo ya Bokone Bophirima wa ANC a sa tswa go ntshiwa e le moeteledipele wa Bokone Bophirima.

Ngwaga morago ga a sena go ntshiwa e le mmatoropo, ka Motsheganong 2019, Lenkopane o ne a atlholwa kwa kgotlatshekelong ya Ganyesa mabapi le maotshwaro a gagwe fa e santse e le mmatoropo. O ne a lebisiwa molato wa go dirisa koloi ya mmasepala kwa ntle ga tetla; fa a dirisa koloi eo ka 2018, o ne a begiwa fa a nnile le kotsi ya koloi, e mo go yone mmereki wa gagwe wa mo ntlong a neng a tlhokafala.[7]

Leloko la palamente ya kgaolo

[fetola | Fetola Motswedi]

Lenkopane o ne a ema e le ntlhopheng mo ditlhophong tsa 2019 tsa lefatshe, a le mo maemong a lesome le motso mo lenaaneng la ANC la kgaolo ya Bokone Bophirima.[8] Lenkopane o ne a re tsamaiso ya phiro mo ANC e mo letla go ema e le ntlhopheng le ntswa a na le ditsheko - ya 2018 ya go betsa motho o mongwe, le ya tsietso, fa godimo ga e e tsweletseng kwa Ganyesa.  Le fa go ntse jalo, ka Mopitlo a le fa gare, ANC e ne ya re go akarediwa ga gagwe mo lenaaneng la phathi ke maduo a phoso ya setho le gore o tla a ntshiwa ka ntlha ya ditsheko tsa gagwe[9]. Lenkopane le fa go ntse jalo o ne a tswelela a le mo lenaaneng, a tlhophiwa e le mopalamente wa Bokone Bophirima.[8]

Dikatlholo

[fetola | Fetola Motswedi]

Ka Firikgong 2021, Lenkopane le mapalmente a mangwe a le mane a ne a lebisiwa molato wa go berekisana le diphathi tsa kganetso ka nako ya palamente e Priscilla Williams a neng a tlhophiwa modulasetilo wa dikomiti mo kgaolong. Williams o ne a tlhophiwa mo maemong ao morago ga go fenya Lenah Miga ka sebakanyana fela, o e neng e le ene a batliwang kwa ANC mo tlhophong ya sephiri. Lenkopane le le maloko a mangwe a le mane a ANC, Williams, Aaron Motswana, Job Dliso le Job Mokgoro ba ne ba supiwa ka monwana go tlhopha go dirisa tlhopho ya sephiri le ntswa phathi ka motlhokomedi wa yone Paul Sebegoe e ne e laotse go ema nokeng go tlhopha mo pontsheng.[10][11] Ka Firikgong a le masome mararo le motso, phathi e ne ya itsise fa Lenkopane le le ba bangwe ba bane ba tlaa seegelwa kwa thoko mo bolokong jwa phathing, go fitlhelela ba sekisiwa.[10] Le fa go ntse jalo, boloko jwa bone bone jwa busediwa fa baeteledipele ba phathi ba retelelwa ke go ba sekisa ka nako e e neng e beilwe ke molaomotheo.[12]

Mkragonyana ngwaga one oo, Lenkopane o ne a lebanwa ke tsheko e nngwe gape fa ene le Mahumapelo ba lebisiwa molato wa go baka kgaogano mo phathing. Ba ne ba lebisiwa molato wa go nyatsa boeteledipele jwa nakwana jo bo neng bo tlhatlhame Mahumapelo e le boeteledipele jwa ANC jwa Bokone Bophirima jwa nakwana ka 2018; mo dilong tse dingwe, ba ne ba rulagantse mogwanto wa sepolotiki dimithara fela kgakajana le moletlo wa ANC wa semmuso ka tlhopho ya poeletso ka 2020.[13][14] Ka Moranang, komiti ya molao ya ANC ya kgaolo eo modulasetilo wa yone e le Wendy Matsemela, e ne ya ba bona molato wa go tlhoka go itshwara sentle.[14] Ba ne ba seegelwa kwa thoko mo phathing dingwaga di le tlhano, phathi  e ne ya re ba tlaa ntshiwa mo go nneng baemedi ba ANC. Fa godimo ga moo, Lenkopane o ne a laelwa go tsenelela dithuto tsa dingwaga tse tlhano tsa go rutiwa ka sepolotiki ke lebutswapele la ANC Barbara Masekela, fa Mahumapelo ene a tla tsenelela dithuto tsa dingwaga tse tharo ka fa tlase ga ga Thabo Mbeki.[14] Lenkopane o ne a re o tlaa ema kgatlhanong le tshwetso eo,[15] ka Lwetse 2922 tshwetso e ne ya boelwa morago ke komiti ya molao ya ANC, modulasetilo wa yone e le Nocawe Mafu. Komiti ya lefatshe e ne e rile tsamaiso ya molao e ne e sa diriwa sentle kwa kgaolong, ka jalo a laela phathi go e dira sesha.[16]

Diofisi tsa phathi

[fetola | Fetola Motswedi]

Ka Firikgong 2022, mokwaledi wa kgaolo wa lekgotla la ANC la bomme kwa Bokone Bophirima, Bridgitte Tlhomelang, o ne a seegelwa kwa thoko mo ofising go fitlhelela a sekisediwa magatwe a tsietsi, Lenkopane o ne a nna motshwarelela mokwaledi.[17] Moragonyana ngwaga yone eo, baeteledipele ba lekgotla leo botlhe ba ne ba rolwa marapo, se se fedisa sebaka sa ga Lenkopane e le mokwaledi, le fa go ntse jalo, ka Phatwe o ne a tlhophiwa go etelela pele setlhopha sa nakwana sa barongwa ba ba neng ba romilwe go etelela pele lekgotla la kgaolo go fitlhelela le tshwara ditlhophlo tse disha tsa baeteledilepele.[18] Go thapiwa ga gagwe go ne ga ganediwa ke baganetsi ba ba neng ba re o na le lenaneo la lekgamu ebile o tsamaisana le Lindiwe Sisulu le ba bangwe.[18]

Malatsi a sa tshware lesome le bone morago, kwa bokopanong jwa ANC jwa tlhopho jwa kgaolo, Lenkopane o ne a tlhophiwa go emela ditlhopho e le mothusa mokwaledi wa kgaolo wa ANC kwa Bokone Bophirima, a eme kgatlhanong ls Viola Motsumi le Motlalepula Rosho.[19] Motsumi o ne a tlhophiwa mo maemong ao.[20]

Puso ya kgaolo

[fetola | Fetola Motswedi]

Morago ga ditlhopho tsa 2024, Lenkopane o ne a tlhomiwa mokhanselara wa tlhabololo itsholelo, tikologo le tshomarelo bojanala ke moeteledipele Lazarus Mokgosi.[21]

  1. 1 2 3 4 Montsho, Molaole (24 July 2018). "ANC places suspended Kagisano Molopo mayor 'on leave'". IOL. Retrieved 27 November 2025
  2. ↑ "ANC fires 7 Mayor's in one province". Algoa FM. 5 December 2018. Retrieved 27 November 2025
  3. ↑ "VBS looting: ANC mayors linked to banking scandal refuse to step down". The Mail & Guardian. 6 December 2018. Retrieved 27 November 2025
  4. ↑ "Mayor denies 'girlfriend' crashed state vehicle". Sowetan. 30 July 2018. Retrieved 27 November 2025
  5. ↑ "North West to fire six mayors, one already axed". Sowetan. 4 December 2018. Retrieved 27 November 2025
  6. ↑ "Supra accused of fuelling regional conference chaos". Sunday Times. 22 July 2018. Retrieved 27 November 2025
  7. ↑ "ANC Women's League deputy secretary in N West to appear in court". SABC News. 27 May 2019. Retrieved 27 November 2025
  8. 1 2 "Keobiditse Evelyn Bitsa Lenkopane". People's Assembly. Retrieved 27 November 2025
  9. ↑ "ANC NW drops candidate for convictions". SABC News. 19 March 2019. Retrieved 27 November 2025.
  10. 1 2 Ndaba, Baldwin (1 February 2021). "ANC to monitor North West Premier Job Mokgoro after suspending his party membership". IOL. Retrieved 27 November 2025
  11. ↑ Tau, Poloko (31 January 2021). "ANC suspends North West Premier Job Mokgoro". City Press. Retrieved 27 November 2025
  12. ↑ Ndaba, Baldwin (7 September 2021). "ANC veteran Bushy Maape elected North West premier in easy victory over DA". IOL. Retrieved 27 November 2025
  13. ↑ Madia, Tshidi (23 April 2021). "Mahumapelo, Lenkopane want ANC disciplinary committee to recuse itself". EWN. Retrieved 27 November 2025
  14. 1 2 3 "Mahumapelo suspended for sowing division as ANC cracks down". The Mail & Guardian. 28 April 2021. Retrieved 27 November 2025
  15. ↑ Madia, Tshidi (29 April 2021). "NW ANCWL's Lenkopane: I found out about my suspension through media". EWN. Retrieved 27 November 2025
  16. ↑ Mavuso, Sihle (1 September 2021). "Supra Mahumapelo and Bitsa Lenkopane walks free after ANC disciplinary committee rule in their favour". IOL. Retrieved 27 November 2025
  17. ↑ "Three ANCWL members suspended over 'R2m fraud' in North West". Sunday Times. 20 January 2022. Retrieved 27 November 2025
  18. 1 2 Masungwini, Norman (4 August 2022). "North West ANC Women's League task team accused of being pro-RET". City Press. Retrieved 27 November 2025
  19. ↑ Makhafola, Getrude (14 August 2022). "Maape, Maloi vie for ANC North West top post". The Citizen. Retrieved 27 November 2025
  20. ↑ "ANC North West elects Supra Mahumapelo-endorsed top 5". Sowetan. 15 August 2022. Retrieved 27 November 2025
  21. ↑ "Collen Maine returns as MEC as NW premier names new cabinet". Jacaranda FM. Retrieved 27 November 2025
Retrieved from "https://tn.wikipedia.org/w/index.php?title=Bitsa_Lenkopane&oldid=46821"