Boitumelo Moiloa

Boitumelo Moiloa
Mokhanselara wa Bokone Bophirima wa ditlhabololo
In office Motsheganong a le masome mabedi le borobabobedi ngwaga wa 2019 – Phukwi a le lesome le motso ngwaga wa 2023
Premier	Bushy Maape Job Mokgoro
Pele Ga Gagwe	Fennye Gaolaolwe
Morago Ga Gagwe	Lazarus Mokgosi
Leloko la khansele ya kgaolo ya Bokone Bophirima
In office Phatwe a le lesome le boraro ngwaga wa 2013 – Motsheganong a le masome mabedi le borobabobedi ngwaga wa 2024
Ka Ga Ena
Mosetshaba wa	mo Aforika Borwa
Mokgatlho	African National Congress South African Communist Party
Tiro	Leloko la khansele
Tiro	Mopolotiki

Boitumelo Theodora Moiloa ke mpolotiki wa kwa Aforika Borwa go tswa kwa Bokone Bophirima o o berekileng jaaka leloko la khansele ya ditlhabololo tsa selegae go tloga ka Motsheganong 2019 go fitlha ka Motsheganong 2024. O tlhomamisitswe e le leloko la palamente ya kgaolo ka Phatwe 2013. Moiloa ke leloko la phathi ya African National Congress le South African Communist Party.

Pereko ya gagwe mo sepolotiking

Moiloa o simolotse go nnamolweladitshwanelo tsa sepolotiki ka nako ya fa a santse a tsena sekolo ka dingwaga tsa 1980 le 1990. E ne e le molweladitshwanelo wa African National Congress. Morago o ne a nna leloko la South African Communist Party, a bereka e le motshwara madi wa phathi mo kgaolong ya Dr Ruth Mompatsi. Moiloa o berekile gape mo lekgotleng la ANC la kgaolo. O ne a tlhophiwa go nna mo komiting ya ANC ya kgaolo ka 2011.

Moiloa o ne a tlhomamisiwa e le leloko la kgaolo ya Bokone Bohirima ka Phatwe a le lesome le boraro ngwaga wa 2013, a tlhatlhama Veronica Kekesi. O ne a tlhophiwa sebaka se se tletseng mo ditlhophong tsa kgaolo tsa 2014. Ka Moranang 2018, Moiloa o ne a bua kgatlhanong le moeteledipele Supra Mahumapelo a re a ithole marapo. Morago ga go tlhophiwa gape mo dilthophong tsa kgaolo ka Motsheganong a robabobedi ngwaga wa 2019, moeteledipele Job Mokgoro o ne a mo tlhopha go nna leloko la khansele kgolo ya ditlhabololo tsa selegae ka Motsheganong a le masome mabedi le borobabobedi ngwaga wa 2019. O ne a tlhomamisiwa letsatsi lone leo, a tlhatlhama Fenny Gaolaolwe.

Ka Motsheganong a le masome mararo le motso ngwaga wa 2023, Moiloa le moeteledipele wa lephata la ditlhabololo Relebohile Mofokane ba ne ba seegelwa kwa thoko ka nakwana ba neelwa malatsi a boikhutso a sebaka sa kgwedi mo lephateng. Moiloa o ne a rolwa marapo a lephata la dilthabololo ka Phukwi a le lesome le motso ngwaga wa 2023.