Bona Mugabe

Bona Mugabe
Tsalo	Moranang a le lesome le borobaobedi nwgaga wa 1988 Harare, Zimbabwe
Thuto	Dominican Convent High School
Alma mater	City University of Hong Kong (MBA) Management Development Institute of Singapore (MSc)
Mosadi	Simba Chikore
Bana	Ba le bararo
Batsadi(s)	Robert Mugabe Grace Marufu Mugabe
Masika	Robert Mugabe Jr.

Nyepudzayi Bona Mugabe (o o tshotsweng ka Moranang a le lesome le borobabobedi ngwaga wa 1988) ke mogwebi wa kwa Zimbabwe. Ke morwadie tautona wa pele wa Zimbabwe Robert Mugabe le Grace Mugabe, ba ba nang gape le bana ba basimane ba le babbedi (Chatunga le Robert Jr.) O reeletswe ka mmaagwe Robert Mugabe.

Thuto

Bona Mugabe o tsene sekolo se sebotlana le se segolwane sa Dominican Convent kwa Harare, Zimbabwe.

Ka 2008, Bona Mugabe o ne a busediwa gae a tswa Australia fa a tsena sekolo teng, a na le bana ba bangwe ba matona puso ya ga Mugabe ba le supa.Puso ya Australia e ne e re ga e batle bana ba batho ba ba tsuololang ditshwanelo tsa setho kwa Zimbabwe go ithuta mo ngwana o mongwe wa Zimbabwe a sa kgoneng go go bona. O ne a amogelwa ka dikgakolo tsa 2008 ka leina le eseng la gagwe kwa City University kwa Hong Kong, le ntswa dipego tsa pele di ne di re o amogetswe kwa University of Hong Kong. Go nna kwa Hong Kong ga gagwe go ne ga lemogiwa ke babegadikgang fa mmaagwe, Grace Mugabe a sena go betsa mmegadikgang wa Britain, Richard Jones, go bo a ne a mo tsaya dinepe fa a le kwa mabentleng kwa Tsim Sha Tsui ka Firkgong 2009. Pego e e ne ya gwetlha leloko la khansele ya hong kong Emily Lau Wai-hing go kopa tshekatsheko ya tshwetso ya go amogela Bona Mugabe.

Dikgang tsa gore Bona Mugabe o tsena sekolo kwa Hong Kong di gorogile kwa Zimbabwe ka nako e madi a thuto a neng a okediwa, go fetolelwa ledi kwa go la dolara, le go itsisiwe ga koketso ya madi a ditlhatlhobo go ya kwa go $400. Megwanto e ne ya simolola kwa University of Zimbabwe ka Tlhakole a simologa, mo dibekeng tse di latelang, mapodisi a ne a dirisa gase e e putsaputsang dikeledi go leka go ba emisa go goroga kwa Harare kwa tlase. Kwa phelelong, baithuti ba ka nna masome a marataro ba ne ba tshwarwa. Mokgatlho wa baithuti ba Zimbabwe o ne wa isa kopo kwa ofising ya kemedi ya China kwa Harare ba ba kopa go bsuetsa Bona Mugabe gae gore a patelesege go tsena sekolo kwa gae. Mokgatlho o o ne wa kopa gape gore sekolos e mo kobe le fa puso e ka se mmuse.

Ka Tlhakole a le lesome le bosupa, sekolo se segolwane sa hong Kong University se ne sa ikgaoganya le mekubukubu e, se latosa pego ya gore ke moithuti koo. Pego ya sekolo e ne e re "ga re na moithuti wa leina la Bona Mugabe mo lenaaneng la roba, ebile ga re na moithuti wa mosetsana o o tsang Zimbabwe o o mo lenaneong la rona kgotsa a le dingwaga di le masome mabedi. Dipego tse di salang morago di ne tsa supa fa ka nnete Bona a tsena sekolo ko City University of Hong Kong, e supa fa a ne a kgotsofatsa tse di neng di tlhokega, le gore kamogelo ya gagwe ga e a rotloediwa ke botsadi jwa gagwe. Ka ntlha ya se se neng se direga, lolwapa lwa gagwe lo ne lwa thapa mongwe wa matona a puso a pele go mo kata le go mo sireletsa fa a le kwa Hong Kong.

Ka 2009, ba ba disang Bona Mugabe ba ne ba lebisiwa molato wa go betsa babegadikgang gaufi le lolwapa lwa ga Bona Mugabe kwa Hong Kong, mme ba ne ba seka ba lebisiwa molato ope. Ka 2011, Bona Mugabe o ne a aloga ka honours degree ya matlotlo le tsamaiso. Rraagwe o ne a nna teng kwa moletlong wa kaloso ka Ngwanatsele fa a le mo tseleng go ya dipuisanong le lefatshe la Beijing, o ne a galaletsa puso ya Hong Kong go bo e mo sireleditse mo babegadikgang ba Britain. O ne a aloga gape ka master's degree ya madi le dibanka go tswa kwa Management Development Institute of Singapore.

Tsa Pereko

Ka Mopitlo 2015, fa mmaagwe a lwala, Bona Mugabe e ne e le bontlha jwa setlhopha sa Zimbabwe mo loetong lwa Japan, o ne a nna go bapa le rraagwe mo bokopanong le tonakgolo wa Japan Shinzo Abe. Go nna teng ga gagwe go ne ga kgalwa ke Movement for Democratic Change - Tsvangirai, phathi e tona ya kganetso ya kwa Zimbabwe.

Ka Motsheganong 2017, o ne a thapiwa go nna leloko la lekgotla la ba ba dirang palo batho, le lekgotla la banka ya Empower e e neng e eteletswe pele ke lekgotla la itsholelo la Zimbabwe.

Ka Morule 2017, pampiri ya dikgang ya Daily Telegagraph e ne ya bega fa Bona Mugabe a thapile baagi ba China go mo agela ntlo ya matlotlo mo lefatsheng la puso le le neng le seegwetswe kwa thoko go aga sekolo ke khansele ya toropo ya Harare.

Botshelo jwa gagwe

Ka 2014, Bona Mugabe o ne a nyalwa ke Simba Chikore, a thapiwa go nna mookamedi wa Air Zimbabwe. Lonyalo lo nnetse kwa lolwapeng lwa ga rraagwe kwa Harare, lo lopile didikadike di le nne tsa madi a US$. Ka Moranang 2016, bobedi joo ba ne ba nna le ngwana wa ntlha, wa mosimane a bidiwa Simbanashe Chikore, kwa sepateleng sa Singapore. Simbanashe Chikore ke ngwana wa ngwana wa ntlha wa ga Robert Mugabe. Morago ga dingwaga di robabongwe tsa lonyalo, Bona Mugabe o ne a tlhala Chikore ka Mopitlo 2023.

Chikore o ne a ithola marapo kwa Air Zimbabwe morago ga thankgolo puso ya 2017. Go ya ka Zimbabwean Independent, Bona Mugabe, monna wa gagwe, le ngwana wa bone, ba ne ba ya Malaysia morago ga go ithola marapo ga ga rraagwe, le gore o ne a solofetse ngwana wa bobedi.

Ka Seetebosigo a le malatsi a supa ngwaga wa 2018, mapodisi a Zimbabwe a ne a tshwara Chikore ka ba re o ne a tsere motho ka dikgoka, morago ga gore go begiwe gore o lotleletse mmueledi wa Air Zimbabwe Bertha Zakeyo mo ofising ya gagwe a re o rekisa dintlha tse di sephiri tsa difofane tseo, a di rekisetsa ditlhopha tsa pereko. O lebisitswe melato ya go tshwara babereki makgwakgwa le go fitlha dintlha tse di tsamaelanang le sefofane se se neng se tswa Malaysia sa bewa fatshe se sa tsamae ka ntlha ya bothata jwa setegeniki. Ka Seetebosigo 2021, makaseterata wa Harare o ne a tsholola melato ya ga Simba Chikore.

Fa Bona Mugabe a ne a tlhala monna wa gagwe Simba Mutsahuni Chikore ka Mopitlo 2023, dipampiri tsa kgotlatshekelo tsa tlhalo di ne di supa fa a na le mafelo a bonno a le masome mabedi le botlhano, a akaretsa ya matlotlo kwa Dubai, e e lopang didikadike di le masome a robabobedi.