Bonewamang Padi Sechele

Bonewamang Padi Sechele
Tsalo	1926
Leso	1978 (a le dingwaga di le masome matlhano le motso kgotsa bobedi.)
Title	Mogogi wa ditso tsa Bakwena
Term	1970 go tsena 1978
Predecessor	Neale Sechele
Successor	Mack Sechele
Bana	Kgari Sechele III
Batsadi(s)	Padi (father)

Bonewamang Padi Sechele (1926 - 1978) e ne e le mogogi wa ditso tsa Aforika wa morafe wa Bakwena go tswa ka ngwaga wa sekete makgolo a robabongwe, masome a supa (1970) go fitlhelela a tlhokafala ka ngwaga wa sekete makgolo a robabongwe, masome a supa le borobabobedi (1978). O tlhomilwe ke puso go emela kgosi morago ga go ithola marapo ga ga Neale Sechele.

Botshelo Jwa Pele

Bonewamang Padi Sechele o tshotswe ka ngwaga wa sekete makgolo a robabongwe, masome a mabedi le borataro (1926), a tsholwa ke Padi, o o tlhokafetse ka ngwaga wa sekete makgolo a robabongwe, masome a mabedi le borobabongwe (1929). Bonewamang e ne e le ngwana wa ngwana wa ga kgosi Sechele II wa Bakwena. Bonewamang o tsene sekolo sa Tiger Kloof Educational institute, mme o ne a seka a dira sentle mo go tsa thuto. O ne a le dingwaga di kwa tlase fa malomaagwe ebong Kgosi Sebele II a ne a tlosiwa mo setilong a sena mojaboswa ka ngwaga wa sekete makgolo a robabongwe, masome a mararo le motso(1931), ka jalo o ne a sa bonwe a ka mo tlhatlhama, mme Kgari Sechele II a nna kgosi. Fa Kgari a ne a supa fa a batla go ithola marapo, o ne a supa fa a eletse go tlhatlhamiwa ke Bonewamang. Bonewamang o nnile dikgwedi di le lesome le botlhano mo kgolegelong morago ga a sena go lebisiwa molato wa go gapela batho dithoto ka ngwaga wa sekete makgolo a robabongwe, masome a matlhano le bosupa (1957), a lebisiwa molato o gape ka ngwaga wa sekete makgolo a robabongwe, masome a marataro le bobedi (1962).

Go Bosa/ Tsa Bogosi

Bonewamang e ne e le kgosana kwa Letlhakeng. Fa Kgari a tlhokafala, Bonewamang le morwa Sebele ebong Moruakgomo e ne e le bone ba go akanyediwang ba ka neelwa setilo. Baema nokeng Bonewamang ba ne ba re Moruakgomo ga a tshwanela ka batsadi ba gagwe ba ne ba sa feleletsa ditirelo dingwe tsa lenyalo, mme bontsi jwa nna kgatlhanong le Moruakgomo ka mmaagwe a ne a tlhakantse ditso. Ba ba kgatlhanong le Bonewamang ba ne ba re mojaboswa o ka se tlhophiwe a feta kgosi ya pele ka dingwaga, le ntswa se se ne se kile sa diragala pele. Kgang e ne ya isiwa kgotlatshekelong, go ne ga tsewa tshwetso ya gore Neale Sechele a nne kgosi go rarabolola kgang.

Bonewamang o ne a tlhomiwa go nna molaodi wa ditso wa kgaolo morago ga gore Neale a patelediwe go ithola marapo ka ngwaga wa sekete makgolo a robabongwe le masome a supa (1970). Kgwedi ya Tlhakole wa ngwaga oo latelang, Bonewamang o ne a lebisiwa molato wa go utswa leruo mme molaodi a buisana gore a seka a atlholwa. Bonewamang o tlhokafetse ka kotsi ya koloi ka ngwaga wa sekete makgolo a robabongwe, masome a supa le borobabobedi (1978). Morwa wa gagwe Kgari Sechele III o ne a mo tlhatlhama go nna kgosi, mme Mack Sechele a tshwarelela bogogi jwa ditso.