Bongi Ntuli (Mopolotiki)

Bongi Ntuli
Mothusa tona wa ditlhabololo
In office Ngwanatsele a rogwa ngwaga wa 2010 – Motsheganong a le masome mabedi le botlhano ngwaga wa 2014
Minister	Bathabile Dlamini
Morago Ga Gagwe	Hendrietta Bogopane-Zulu
Mothusa tona wa ditiro le madirelo
In office Motsheganong a le lesome le motso ngwaga wa 2009 – Phalane a le masome mararo le motso ngwaga wa 2010 Serving with Thandi Tobias
Minister	Rob Davies
Mopalamente
In office Motsheganong 1994 – Motsheganong a le masome mabedi le botlhano ngwaga wa 2014
Ka Ga Ena
O tsetswe	1939 kgotsa 1940
O Tlhokafetse	Phalane a le masome mabedi le bobedi ngwaga wa 2016
Moagi Wa	mo Aforika Borwa
Mokgatlho	African National Congress

Bongi Maria Ntuli (o o tlhokafetseng ka Phalane a le masome mabedi le bobedi ngwaga wa 2016) ke mopolotiki wa kwa Aforika Borwa o o emetseng African National Congress (ANC) kwa palamente go tswa ka 1994 go tsena 2014. Ka fa tlase ga ga tautona Jacob Zuma, o ne a bereka e le mothusa tona wa ditlhabololo go tswa ka 2010 go tsena 2014, pele ga foo o ne a bereka e le mothusa tona wa lephata la ditiro le madirelo go tswa ka Motsheganong 2009 go tsena Phalane 2010.

Thuto le tshimologo ya tiro

Ntuli o tshotswe ka 1939 kgotsa 1940, o ne a na le bachelor's degree ya information systems go tswa kwa University of the Western Cape. O tsere karolo mo bokopanong jwa Aforika Borwa wa puso ya batho ka batho ka dingwaga tsa 1990 di simologa.

Tiro ya molao

O ne a tlhophilwe go ya palamenteng kwa ditlhophong tsa ntlha tsa Aforika Borwa morago ga puso ya tlhaolele ka 1994 a iponela tlhopho la bobedi, a emetse kgaolo ya botlhophi ya Mpumalanga ka 1999 le ka 2004. O ne a na le seabe mo lekgotleng la basadi la ANC, a bereka komiting ya lone e kgolo, le mo komiting ya lekanala la phathi kwa Nkalanga.

O ne a tlhophiwa gape kwa palamenteng ka ditlhopho tsa 2009, a le mo lenaaneng la ANC. Fa godimo ga foo, morago ga ditlhopho tautona o mosha o a neng a sa tswa go tlhophiwa Jacob Zuma o ne a itsise fa a thapilwe e le mongwe wa bathusa tona ba babedi ba lephata la ditiro le madirelo; o ne a bereka le Thandi Tobias ka fa tlase ga ga tona Rob Davies. O nnile mo maemong ao go fitlhelela ka Phalane a le masome mararo le motso ngwaga wa 2010, fa mo tswakanyong ya matona ga ga Zuma, a ne a fudusediwa kwa maemong a masha e le mothusa tona wa ditlhabololo.

Mo ditlhophong tse di latelang tsa 2014, Ntuli o ne a le mo maemong a masome a robabongwe le borataro mo lenaaneng la ANC, a iponela tlhopho gape go ya palamenteng. Le fa go ntse jalo, moragonyana fela fa a sena go tlhomamisiwa, ka Motsheganong a le masome mabedi le botlhano, Zuma o ne a itsise matona a gagwe a bobedi; Ntuli o ne a tlhatlhamilwe mo maemong a mothusa tona wa ditlhabololo ke Hendrietta Bogopane-Zulu, o ne a ithola marapo mo palamenteng letsatsi lone leo.

Botshelo jwa gagwe le loso

Ntuli e ne e le moKeresete a na le bana ba basimane ba le babedi le wa mosetsana. O ne a tlhokafala ka Phalane a le masome mabei le bobedi ngwaga wa 2016, a le dingwaga di le masome a supa le borataro, fa a goroga kwa sepateleng sa Pretoria Heart, pelo ya gagwe e ne ya emisa go isa madi mo mmeleng. Tautona Zuma o ne a mo direla thulaganyo ya phitlho ya semmuso e e faphegileng.