Botswana kwa Metshamekong ya Diolimpiki

Botswana e kile ya nna le seabe mo Metshamekong ya Diolimpiki ya Selemo e le lesome le bobedi fa e sale e simolola ka ngwaga wa sekete,makgolo a robabongwe le masome a robabobedi . Lefatshe leno ga le ise e ko e nne le seabe mo Metshamekong ya Diolimpiki ya Mariga.

Botswana e ne ya gapa metlele ya ntlha kwa Diolimpiking tsa Selemo tsa ngwaga wa dikete tse pedi le lesome le bobedi ka Nijel Amos a bona selefera mo lebelong la dimetara tse makgolo a robabobedi. Setlhopha sa banna sa 4 × 400 se ne sa gapa sekgele sa boronse kwa Metshamekong ya Di-Olympic ya Selemo ya ngwaga wa dikete tse pedi le masome a mabedi.

Ka ngwaga wa dikete tse pedi le masome a mabedi le bone, motshameki Letsile Tebogo o ne a gapa seetsele sa gauta sa ntlha sa Botswana kwa metshamekong ya Olympic morago ga go fenya mo kgaisanong ya banna ya dimetara di le makgolo a mabedi, gape a nna Moaforika wa ntlha go gapa sekgele seo.

Tshedimosetso ka metshameko ya Olimpiki

Mmogo le dinaga tse dingwe tsa Afrika, Botswana ga e ise e tsenele metshameko ya Diolimpiki tsa Mariga.

Diolimpiki tsa Selemo tsa 1980

Botswana e ne ya simolola go tshameka kwa Diolimpiking tsa Selemo tsa ngwaga wa sekete,makgolo a robabongwe le masome a robabobedikwa Moscow. Ba ne ba romela banna ba le supa mme go se na basadi go tsaya karolo mo metshamekong ya Diolimpiki tsa Selemo tsa ngwaga wa sekete,makgolo a robabongwe le masome a robabobedi.Ba ne ba se ka ba gapa metlele o le mongwe kwa Metshamekong ya Diolimpiki ya Selemo ya ngwaga wa sekete,makgolo a robabongwe le masome a robabobedi. Baatlelete botlhe ba ne ba tsenela metshameko ya diatleletiki.