Brandon Wilson (Motshamiki wa kgwele ya Dinao wa Botswana)

Brandon James Wilson (o tshotswe ka kgwedi ya Ferikgong e thola masome a mabedi le borobabobedi ka ngwaga wa sekete, makgolo a robabongwe le masome a robabongwe le bosupa (1997) ke motshameki wa kgwele ya dinao wa moitsanape yo o tshamekang jaaka motshameki wa mo gare wa tshireletso mo setlhopheng sa Super League Bali United.

Wilson o ne a fudugela kwa Australia a sa le mmotlana mme moragonyana a fudugela kwa England go tshamekela Burnley pele a tshamekela Stockport County. Ka ngwaga wa dikete tse pedi le lesome le borataro (2016), o ne a boela kwa Australia go tshamekela Perth Glory.

Botshelo jwa gagwe jwa pele

Wilson o tsholetswe kwa Gaborone, Botswana ke batsadi ba Maesemane mme o goletse kwa Doncaster, England go tloga a le dingwaga di le pedi. O ne a fudugela kwa Western Australia a le dingwaga di le lesome.

Tiro ya go tshameka

Wilson o ne a tshamekela setlhopha sa Burnley ka ngwaga wa dikete tse pedi le lesome le boraro (2013). O ne a adimelwa kwa Stockport County ka ngwaga wa dikete tse pedi le lesome le borataro (2016).

Ka kgwedi ya Phukwi ka ngwaga wa dikete tse pedi le lesome le borataro (2016), Wilson o ne a boela kwa Western Australia a baya monwana tumelano le setlhopha sa Perth Glory go tshameka mo A-League. O ne a simolola go tshamekela Perth Glory ka kgwedi ya Phatwe e thola lesome ka ngwaga wa dikete tse pedi le lesome le borataro (2016) fa ba ne ba fenya Brisbane Roar 2-0 mo Sejaneng sa FFA sa ngwaga wa dikete tse pedi le lesome le borataro (2016). Wilson o ne a tshameka jaaka motshameki wa kwa bogareng, mme a supa fa a kgona go dira dilo tse dintsi ka go tshameka jaaka motshameki wa kwa morago wa kwa Melbourne Victory ka kgwedi ya Sedimonthole.

Ka kgwedi ya Tlhakole e thola masome a mabedi le borobabobedi ka ngwaga wa dikete tse pedi le masome a mabedi le bobedi (2022), Newcastle Jets e ne ya itsise gore Wilson o beile monwana tumelano le setlhopha ka tumalano ya nakwana go fitlha kwa bokhutlong jwa ngwaga wa dikete tse pedi le masome a mabedi le bongwe (2021) go fitlha ka ngwaga wa dikete tse pedi le masome a mabedi le bobedi (2022) mo A-League Men.

Tiro ya boditšhabatšhaba

Ka kgwedi ya Lwetse ka ngwaga wa dikete tse pedi le lesome le botlhano (2015), Wilson o ne a bidiwa mo setlhopheng sa Australia sa ba baya ka fa tlase ga dingwaga di le masome a mabedi (20) go ya kwa Laos go tsenela dikgaisano tsa ngwaga wa dikete tse pedi le lesome le borataro (2016) AFC U-19 Championship. O ne a tshamekela setlhopha sa gagwe sa ntlha ka go fenya Laos. 9Gape o na le tshwanelo ya go emela Botswana le Engelane kwa maemong a maemo a a kwa godimo.

Ka kgwedi ya Ngwanatsele wa ngwaga wa dikete tse pedi le lesome le boferabongwe (2019), e ne e le mongwe wa batshameki ba le bane ba ba neng ba kgaotswe ke Australia U23 ka ntlha ya "boitshwaro jo bo sa siamang".

Ka kgwedi ya Ngwanatsele ka ngwaga wa dikete tse pedi le masome a mabedi le boraro (2023), o ne a bitswa go tshameka mo setlhopheng sa bo setšhaba sa Botswana mme ga a ise a kgone go tshameka ka ntlha ya mathata a go bona boagi jwa Botswana le go amogela phaseporoto ya Botswana jaaka moagi wa Australia, ka Botswana ga jaana e sa letlelele boagi jwa bobedi. Le fa go ntse jalo, Wilson o tsere karolo mo dikampeng tsa katiso le setlhopha.

Ditlotla

Perth Glory

A-League: Ditona 2018-2019