Brenda Mathevula

Brenda Mathevula
Moemedi wa sennelaruri go Lekgotla la Bosetšhaba la Diporofense go tswa kwa Limpopo.
In office 1 Sedimonthole 2016 – 24 Phalane 2023
Ka Ga Ena
O tsetswe	Brenda Tirhani Mathevula Motse wa Mageva ,Dzumeri
Mosetshaba wa	Moaforika borwa
Mokgatlho	Balwela Kgololesego ya Itsholelo
Tiro	Leloko la Palamente

Brenda Tirhani Mathevula ke mopolotiki wa Aforika Borwa yo o emetseng Limpopo mo Khanseleng ya Bosetšhaba ya Diporofense. Ke leloko la Balwela Kgololesego ya Itsholelo. O ne a nna Leloko la Palamente ka Sedimonthole 2016, morago ga gore Emmanuel Mtileni a tlogele go nna leloko la lekoko la gagwe.

Ka nako ya fa a ne a le mo NCOP, o ne a ganetsa molao wa bosetšhaba wa dituelo tse kwa tlase wa 2018, a re a mannye thata mme a ka se fokotse botlhokatiro le lehuma.

Mathevula o goletse kwa Mageva, motsana o o mo kgaolong ya Dzumeri; dikilometara di ka nna masome a mararo le bone go tswa kwa Giyani ka tsela ya R529. O tsene kwa Sekolong se se potlana sa Ukuthula mme a tsenelela kwa Sekolong se Segolo sa Nghonyama. Mmaagwe ke sangoma yo o itsegeng.

Ka Phukwi 2023, Mathevula o ne a buiwa phatlalatsa le go tlhabisiwa ditlhong le go thibelwa go tsenela meletlo ya ngwaga wa bo lesome wa EFF ka ntlha ya go palelwa ke go beeletsa dibese go tsamaisa baemanokeng ba mekgatlho mo kgaolong ya gagwe go ya kwa tiragalong eo. O ne a gopolwa jaaka moemedi wa EFF mo kgweding e e latelang.