Brenda Ngxoli
Brenda Ngxoli | |
|---|---|
| Tsalo | Bongiwe Brenda Ngxoli 3 July 1981 |
| Alma mater | University of Cape Town |
| Tiro | Actress, Model, Dancer, Director |
| Dingwaga tsa a le mo tirong | 2000–present |
| O itsegi ka | Home Affairs, The Queen, Ses'Top La |
Bongiwe Brenda Ngxoli (o tshotswe ka letsatsi la boraro Phukwi 1981), ke modiragatsi wa Aforika Borwa, motlelara, sebini le mokaedi.[1] O itsege thata ka dikarolo tsa gagwe mo difiliming tsa thelebishene; Home Affairs, Ses' Top La le Hustle.[2][3]
Botshelo jwa gagwe
[fetola | Fetola Motswedi]Ngxoli o tshotswe ka Phukwi a le gararo ka 1981 kwa Kapa Botlhaba, Aforika Borwa. O goletse kwa Kalk Bay, e leng torotswana ya Motsekapa. Ka 1997, o ne a dira materiki kwa Muizenberg.[2] Mme ka 2000, o ne a aloga ka dikirii ya gagwe ya BA mo Diplomeng ya Bobogelo le Badiragatsi mo Puong le Drama go tswa kwa Yunibesithing ya Motsekapa.[4]
Go tloga ka 2013 go ya pele, o ne a tsaya boikhutso jwa dingwaga di le supa mme a tswa kwa Johannesburg go ya go simolola polase kwa Kapa Botlhaba.[5]
Tiro
[fetola | Fetola Motswedi]O simolotse go diragatsa mo bobogelong, kwa a neng a diragatsa mo metshamekong e le mmalwa ya serala jaaka, Pick Ups, I-Klips, Yes Medem, Docs Wife, le Sacred Thorns. Morago ga moo, o ne a tlhagelela mo dipapatsong, "Polka" le "MTN". Ka 2004, o ne a kaela drama ya serala ya Through Thick and Thin kwa Bobogelong jwa Market.[2] Morago ga moo o ne a tlhagelela mo pontshong ya Strictly Come Dancing ka 2008 e le ene fela sebini se se tumileng se se neng sa kgona go tsena mo setlheng sa bone mmogo le molekane wa gagwe Quintus Jansen.[4]
Ka 2005, o ne a dira tiro ya gagwe ya ntlha mo thelebišeneng ka motseletsele wa drama wa SABC1 wa Home Affairs. Mo motseletseleng ono, o ne a tshameka karolo ya "Vuyo Radebe" dingwaga di le tharo ka go tuma thata.[2] Fa go ntse jalo, o ne a tlhophiwa go bona SAFTA Golden Horn ya Modiragatsi yo o Gaisang mo setlhopheng sa Drama ya TV mo dingwageng di le tharo: 2006, 2007 le 2011 kwa Dietseleng tsa Difilimi le Thelebišene tsa Aforika Borwa (SAFTA). Ka 2007, o ne a tlhophiwa gape go bona seetsele sa Tiragatso e e Gaisang ya Modiragatsi kwa Dietseleng tsa bo masome mararo le botlhano tsa Boditšhabatšhaba tsa Emmy.[6][7]
Ka 2010, o ne a dira filimi ya gagwe ya ntlha ka filimi ya ntlha ya setlhopha sa Spud ka seabe sa "Innocence". O ne a tswelela go tshameka karolo mo difiliming tsotlhe tse tharo: Spud (2010), Spud 2: The Madness Continues (2013) le Spud 3: Learning to Fly (2014). Ka 2013, o ne a tlhagelela mo motseletseleng wa thelebishene wa Rockville. O fentse Seetsele sa Modiragatsi yo o Gaisang wa Motshegetsi mo setlhopheng sa Drama ya TV kwa SAFTA ka 2015 kwa a neng a tlhophiwa go bona seetsele se se tshwanang kwa SAFTA le ka 2016.[2] Ka 2014, o ne a tshameka mo motseletseleng wa difilimi tsa Ses’ Top La mme a gapa ditlhopho tsa Modiragatsi yo o Gaisang wa Motshegetsi mo setlhopheng sa Metlae ya TV kwa SAFTA 2016 gape.[2] Ka 2017, o ne a nna le seabe se segolo mo motseletseleng wa drama ya e.tv ya Hustle mme a tlhophiwa go ka bona Seetsele sa Modiragatsi yo o Gaisang mo Drameng ya TV kwa SAFTA.[6]
Morago ga gore batshwayadiphoso ba le mmalwa ba akgole dikarolo tsa gagwe, o ne a tsenelela soapie ya iThemba ka 2019, ka go tshameka karolo ya "Nomonde".[2] Kwa SAFTA 2020, o ne a gapa Sekgele sa Modiragatsi yo o Gaisang wa Motshegetsi mo setlhopheng sa Drama ya TV ka ntlha ya seabe seo.[6] Morago ga boikhutso jwa gagwe ja dingwaga di le supa, o ne a tsenelela thelebišene ya Mzansi Magic Queen ka 2020, e leng telenovela ya ntlha mo tirong ya gagwe.[8][9] Mo motseletseleng ono, o tshameka karolo ya "Kgosigadi ya Noma "Noma" Matshikiza".[5] Le fa go ntse jalo, o ne a amogela karabo e e sa siamang go tswa mo balateding le batshwayadiphoso ka ntlha ya seabe seno.[10][11]
Bodiragatsi
[fetola | Fetola Motswedi]| Ngwaga | Filimi | Karolo | Genre | Ref. |
|---|---|---|---|---|
| 2005 | Home Affairs | Vuyo Radebe | TV series | |
| 2006 | Tsha tsha | Mimi | TV series | |
| 2008 | Dirt | Nonks | TV movie | |
| 2009 | The No. 1 Ladies' Detective Agency | Florence Peko | TV series | |
| 2010 | Spud | Innocence | Film | |
| 2011 | Lucky | Lindiwe | Film | |
| 2013 | Spud 2: The Madness Continues | Innocence | Film | |
| 2014 | Spud 3: Learning to Fly | Innocence | Film | |
| 2014 | Rockville | Florence Peko | TV series | |
| 2015 | Ses' Top La | Pinky | Film | |
| 2016 | Hustle | Kitt Khambule | TV series | |
| 2018 | Sew the Winter to My Skin | Mole | Film | |
| 2018 | The River | Dambisa Dikana | TV Series | |
| 2019 | iThemba | Nomonde | Film | |
| 2020 | The Queen | NomaPrincess "Noma" Matshikiza | TV series |
Metswedi
[fetola | Fetola Motswedi]- ↑ "Brenda Ngxoli opens up about being sexually harassed by fellow actors". ZAlebs. 23 February 2017. Retrieved 28 Phalane 2025.
- 1 2 3 4 5 6 7 "Brenda Ngxoli: TVSA". www.tvsa.co.za. Retrieved 28 Phalane 2025.
- ↑ "Brenda Ngxoli thanks the Fergusons for her first-ever private 'dressing room'". TimesLIVE. 16 September 2020. Retrieved 28 Phalane 2025.
- 1 2 Tabalia, Jedidah (12 November 2019). "Know your celebrity: Brenda Ngxoli biography". Briefly. Retrieved 30 Phalane 2025.
- 1 2 "Brenda Ngxoli leaves farming to scratch 7-year acting itch with new role in The Queen". www.iol.co.za. Retrieved 30 Phalane 2025.
- 1 2 3 "Brenda Ngxoli accolades". IMDb. Retrieved 3 Phalane 2025.
- ↑ "10 Things you didn't know About Brenda Ngxoli". Youth Village. 27 January 2015. Retrieved 30 Phalane 2025.
- ↑ "Brenda Ngxoli on her role in The Queen: 'This is my first telenovela, I'm excited'". Channel. 10 May 2020. Retrieved 30 Phalane 2025.
- ↑ "Brenda Ngxoli thrilled about joining The Queen". SowetanLIVE. Retrieved 30 Phalane 2025.
- ↑ "The Real Reason Brenda Ngxoli Joined The Queen". iHarare News. 24 October 2020. Retrieved 30 Phalane 2025.
- ↑ "How The Queen is Ruining Brenda Ngxoli Career". iHarare News. 14 January 2021. Retrieved 30 Phalane 2025.