Bridget Masango

Bridget Masango
Tona wa tshwantsho wa ditlhabololo
In office Phalane a le malatsi a mararo ngwaga wa 2015 – Seetebosigo a le lesome le bone ngwaga wa 2024
Deputy	Lindy Wilson Thandi Mpambo-Sibhukwana Alexander Abrahams
Leader	John Steenhuisen Mmusi Maimane
Pele Ga Gagwe	Patricia Kopane
leloko la palamente ya Aforika Borwa
Incumbent
Assumed office Phalane a le malatsi a marataro ngwaga wa 2015
Constituency	Gauteng
Moemedi wa sennela ruri wa khansele ya dikgaolo
In office Motsheganong a le masome mabedi le bobedi ngwaga wa 2014 – Phalane a le malatsi a matlhano ngwaga wa 2015
Ka Ga Ena
O tsetswe	Tlhakole a le masome mabedi le boraro ngwaga wa 1962 Kwambonambi
Mosetshaba wa	mo Aforika Borwa
Mokgatlho	Democratic Alliance

Bridget Staff Masango (o o tshotsweng ka Tlhakole a le masome mabedi le boraro ngwaga wa 1962) ke mopolotiki wa Aforika Borwa wa Democratic Alliance go tswa kwa Gauteng, o e nnileng leloko la palamente fa e sale ka Phalane 2015.  Mo palamenteng ya tshwantsho ya DA, o ne a bereka e le tona wa tshwantsho wa ditlhabololo tsa selegaego tswa ka Phalane 2015 go tsena Seetebosigo 2024. Go tswa ka Motsheganong 2014 go tsena Phalane 2015, Masango o ne a bereka e le moemedi wa sennela ruri kwa khanseleng ya dikgaolo.

Tse di diragetseng pele

Masango o tsholetswe kwa Kwambonambi kwa bokone jwa kgaolo e e neng e le Natal pele (kwa KwaZulu-Natal.) Ke ngwana wa borataro mo go ba ferabongwe. O ne a fudugela kwa kgaolong ya Transvaal, kwa rraagwe a neng a thapilwe teng e le mokata dikago.

O ne a berekela Group 5, kwa a kopaneng teng le lepolotiki la pele la Democratic Alliance Michael Moriarty. Masango e ne e le leloko la phathi ga Inkatha Freedom Party, pele ga a nna matlhagatlhaga mo DA, o ne a bereka e le mookamedi wa ditlhaeletsanyo kwa lekgotleng la Nelson Mandela Children's Foundation.

Khansele ya dikgaolo (2014 - 2015)

Pele ga ditlhopho tsa 2014, o ne a le mo maemong a a kwa tlase mo manaaneng a DA ka bobedi.O ne a seka a tlhophiwa go ya palamenteng ka ntlha ya seo. Le fa go ntse jalo, DA e ne ya mo tlhopga go emela phathi kwa khanseleng ya dijgaolo. Ka Motsheganong a le masome mabedi le bobedi ngwaga wa 2014, Masango o ne a tlhomamisiwa semmuso jaaka moemedi wa sennela ruri wa NCOP wa Gauteng.

Ka Phalane a le malatsi a mararo ngwaga wa 2015, moeteledipele wa DA Mmusi Maimane, o ne a mo thapa go nna tona wa tshwantsho wa ditlhabololo tsa selegae. O ne a ithola marapo kwa NCOP ka Phalane a le malatsi a matlhano.

Dithomo tsa komiti

• Komiti ya thuto le itloso bodutu
• Komiti ya tsa selegae
• Komiti ya ditlhaeletsanyo le dikgwebo
• Komiti ya ditsha le ditswammung

Palamente

Ka Phalane a le malatsi a marataro ngwaga wa 2015, masango o ne a tsena mo palamenteng. O ne a nna leloko la komiti ya ditlhabololo ka Phalane a le lesome le botlhano. Ka 2016, Masango o ne a botsa gore ke mang o o duelelang boroko jwa di ranta di le diktete di le lekgolo le lesome jwa ga tona wa nako eo wa ditlhabololo Bathabile Dlamini kwa The Oyster Box.

Ka Tlhakole a le lesome le botlhano ngwaga wa 2017, o ne a buisa palamente e le lantlha kwa dipuisanong tsa seemo sa lefatsehe tsa ngwaga le ngwaga. Masango o ne a tlhophiwa gape kwa ditlhophong tsa lefatshe tsa 2019. Ka Seetebosigo 2020, Masango o ne a re tautona Cyril Ramaphosa a ntshe Lindiwe Zulu mo maemonga tona wa ditlhabololo.

Ka Morule 2020, Masango o ne a busediwa mo maemong a gagwe a palamente ya tshwantsho ke moeteledipele wa DA, John Steenhuisen.

Masango o ne a tlhophiwa gape go boela kwa palamenteng ka ditlhopho tsa 2024. Morago o ne a tlhophiwa go nna modulasetilo wa komiti ya ditlhabololo.

Thomo ya komiti

• Komiti ya ditlhabololo

Botshelo jwa gagwe

Masango o ne a nyetswe a na le ngwana wa mosetsana a le esi. Kgaitsadie o mongwe fela o tlhokafetse ka Motsheganong 2015.