Chantal Stanfield
Chantal Stanfield | |
|---|---|
| Tsalo | Chantal Stanfield 8 July 1983 Cape Town, South Africa |
| Thuto | Muizenberg High School |
| Alma mater | University of Cape Town |
| Tiro | Actress, Singer, Voice-artist, Dancer, Puppeteer |
| Dingwaga tsa a le mo tirong | 2005–present |
| Bolele | 1.69 m (5 ft 7 in) |
| Mosadi | RJ Benjamin |
| Bana | 1 |
Chantal Stanfield (o tshotswe Phukwi a ferabobedi1983), ke modiragatsi wa Aforika Borwa, seopedi, motaki wa lentswe, sebini le motshameki wa bompopi.[1][2] O itsege thata ka dikarolo tse a di tshamekang mo difiliming tsa thelebišene jaaka; Geraldina die Tweede, 7de Laan le Montana.[3]
Botshelo jwa gagwe
[fetola | Fetola Motswedi]Stanfield o tshotswe ka Phukwi a ferabobedi 1983 kwa Motsekapa, Aforika Borwa.[4] O weditse dithuto tsa gagwe kwa sekolong se segolwane sa Muizenberg. Ka 2005, o ne a aloga ka BA mo Bobogelong le Bodiragatsi ( e e Lekanang le Honours) kwa Yunibesithing ya Motsekapa (UCT).[5]
O nyetse RJ Benjamin, motlhagisi wa mmino.[6][7] Banyalani ba ba na le morwa a le mongwe.[8]
Tiro
[fetola | Fetola Motswedi]Ka 2006, o ne a dira tiro ya gagwe ya ntlha ya bodiragatsi ka drama ya serala ya Mixed Metaphors e e neng e kaelwa ke Jaco Bouwer. Gape ke seopedi se se tumileng, koo a neng a tlhama dipontsho tsa mmino wa go tlotla tse di jaaka Rhythm’s Gonna Get You kwa Bobogelong jwa On Broadway le 80’s All-Stars, kwa e neng ya etela Menorca, kwa Spain gone.[1] Ka 2007, o ne a dira thelebišene la ntlha ka drama ya kykNET ya Geraldina die Tweede ka seabe sa "Florys". Mme ka 2009, o ne a dira karolo ya "Moamogedi" mo motseletseleng wa ditiragalo tsa NBC wa The Philanthropist.[5]
Ka 2009, o ne a kopanela le batshameki ba motseletsele wa drama ya SABC1 ya Montana mme a tshameka karolo ya "Dalene Phillips". Seabe se ne sa ratwa thata, moo a neng a tswelela go tshameka seabe se le mo pakeng ya bobedi. Ka 2012, o ne a tsenelela motshameko wa metlae wa Mzansi Magic S.I.E.S., mme a tshameka karolo ya "Prudence Plaitjies". Ka 2015, o ne a dira karolo ya tshegetso ya "Maxine" mo drameng ya SABC3 ya Roer Jou Voete.[1] Ka 2017, o ne a tlhagelela mo pakeng ya bobedi ya motseletsele wa kykNET Getroud met rugby ka seabe sa "Lindy". Go sa le jalo, o ne a tlhagelela gape jaaka "Cecile" mo motshamekong wa SABC2 wa 7de Laan ka 2017.[9] Ka 2018, o ne a boeletsa karolo eo mo motseletseleng o. Mme ka 2020, o ne a tsenelela paka ya bolesome le borataro ya motshameko wa kykNET wa Seburu wa Binnelanders ka seabe sa "Sasha".
Kwa ntle ga thelebišene, o ne a tshameka mo difiliming tse dintsi tse di tlhamaletseng mo bidiong jaaka; Die Staat se Bul, n Hondelewe, le Die Skandaal. Ka 2018, o ne a tlhagelela mo filiming e e tlhageletseng ya Farewell Ella Bella e e neng e kaelwa ke Lwazi Mvusi. Ka one ngwaga oo, o ne a golola pina ya gagwe ya ntlha ya "Walk It Off". Mo filiming o ne a tshameka karolo ya "Sheri". Mme go tloga ka Sedimonthole a le lesome le boferabongwe go fitlha ka Firikgong a le garataro 2018, o ne a tsamaisa pontsho ya motho a le mongwe, metlae e e tshegisang From Koe'siestes to Kneidlach kwa Baxter Theatre.[10] Pontsho e ne ya amogela ditshwaelo tse di siameng go tswa mo batshwayadiphosong.[11][12] Ka 2020, o ne a tlhagelela mo bidiong ya DHL Stormers le Ditsala, mo pineng ya "The Crossing.[13] Ka 2021, o ne a tsenelela difilimi tse pedi: filimi ya masaitsiweng ya SABC2 ya Swartwater paka ya boraro le drama ya metlae ya SABC2 ya "Ak'siSpaza".[5]
Bodiragatsi
[fetola | Fetola Motswedi]| Ngwaga | Filimi | Karolo | Genre | Ref. |
|---|---|---|---|---|
| 2007 | Geraldina die Tweede | Florys | TV series | |
| 2009 | The Philanthropist | Receptionist | TV series | |
| 2009 | Montana | Dalene Phillips | TV series | |
| 2012 | S.I.E.S. | Prudence Plaaitjies | TV series | |
| 2014 | Die Staat se Bul | Rebecca | TV movie | |
| 2015 | n Hondelewe | Lientjie April | TV movie | |
| 2015 | Roer Jou Voete | Maxine | TV series | |
| 2017 | Getroud met rugby | Lindy | TV series | |
| 2017 | 7de Laan | Cecile Whittaker | TV series | |
| 2018 | Farewell Ella Bella | Sheri | Film | |
| 2019 | Die Skandaal | Frezia van der Walt | TV movie | |
| 2020 | Binnelanders | Sasha | TV series | |
| 2021 | Swartwater | Wenitha | TV series | |
| 2021 | Ak'siSpaza | Jade | TV series | |
| TBD | Grow | Fiona | TV series |
Metswedi
[fetola | Fetola Motswedi]- 1 2 3 "APM: Chantal Stanfield". Artistes Personal Management. Archived from the original on 30 July 2017. Retrieved 29 Phalane 2025.
- ↑ "Chantal Stanfield shares his 80s and 90s inspired playlist". 702. Archived from the original on 17 August 2021. Retrieved 29 Phalane 2025.
- ↑ "Chantal Stanfield Tells and Does it Her Way In Koe'siestes to Kneidlach". De Beer Necessities. 15 June 2018. Archived from the original on 27 February 2021. Retrieved 29 Phalane 2025.
- ↑ "A Conversation with Chantal Stanfield". Sarafina Magazine. 20 December 2017. Archived from the original on 2 March 2021. Retrieved 29 Phalane 2025.
- 1 2 3 "Chantal Stanfield: TVSA". www.tvsa.co.za. Archived from the original on 20 November 2021. Retrieved 29 Phalane 2025.
- ↑ "RJ Benjamin and Chantal Stanfield in love". www.tvsa.co.za. Archived from the original on 19 April 2015. Retrieved 29 Phalane 2025.
- ↑ "Actress Chantal Stanfield And Music Producer Husband RJ Benjamin Are Pregnant!". OkMzansi. 21 February 2019. Retrieved 29 Phalane 2025.
- ↑ "Actress Chantal Stanfield Welcomes Her First Child!". OkMzansi. 18 July 2019. Archived from the original on 14 February 2020. Retrieved 29 Phalane 2025.
- ↑ Venge, Tinashe (28 April 2017). "Gallery: Newest '7de Laan' residents". All4Women. Archived from the original on 20 November 2021. Retrieved 29 Phalane 2025.
- ↑ "#MusicExchange: Chantal Stanfield". www.bizcommunity.com. Archived from the original on 20 January 2018. Retrieved 29 Phalane 2025.
- ↑ "From Koe'sisters to Kneidlach review". The Citizen. 21 June 2018. Retrieved 29 Phalane 2025.
- ↑ Rutter, Karen (23 December 2017). "Review: 'Koe'siestes to Kneidlach'". WeekendSpecial. Archived from the original on 27 February 2021. Retrieved 29 Phalane 2025.
- ↑ "Chantal Stanfield: My ultimate SA music playlist". www.iol.co.za. Archived from the original on 25 February 2021. Retrieved 29 Phalane 2025.