Colette Kress

Colette Kress (o tshotswe ka ngwaga wa 1967 kgotsa ka ngwaga wa 1968) ke motsamaisi wa kgwebo wa kwa Amerika. Ga jaana ke motlhankedi mogolo wa matlotlo (CFO) wa Nvidia. Badiri ba gagwe ba ba fetileng ba akaretsa Microsoft, Cisco, le Texas Instruments.

Go tloga ka kgwedi ya Ngwanatsele ka ngwaga wa 2025, Forbes e fopholetsa gore madi a gagwe a ka nna $1 billion.

Botshelo le thuto

Kress o na le dikerii ya bachelor go tswa kwa Yunibesithing ya Arizona le Master of Business Administration (MBA) degree go tswa kwa Southern Methodist University Cox School of Business.

Tiro

Kress o ne a dira ditiro tse di farologaneng kwa Texas Instruments kwa tshimologong ya tiro ya gagwe.

O ne a bereka dingwaga di feta lesome kwa Microsoft. O ne a le CFO wa Server le Tools Division kwa Microsoft ka dingwaga di le nne.Morago ga Microsoft, o ne a dira kwa Cisco jaaka CFO wa Business Technology le Operations Finance.

Kress o ne a tsenela Nvidia jaaka CFO ya yone ka ngwaga wa 2013.

O ne a tlhophiwa jaaka CFO wa Ngwaga wa 2016 ke Silicon Valley Business Journal, kgatiso ya American City Business Journals.

Kress mmogo le mookamedi wa thekiso ya Nvidia Jay Puri jaanong ke dibilioneire.Nvidia e ne e na le babeeletsi le batsamaisi ba dibilione ba le supa ka kgwedi ya Phalane ka ngwaga wa 2025 fa tlhotlhwa ya Nvidia e ne e tlhatlogela kwa godimo ga $200, go ya ka Forbes.

Kress ke mongwe wa dibilioneire tsa CFOs/ba-CFO ba maloba ba ba akaretsang Safra Catz wa Oracle le John Reece wa Ineos.

O ne a le mo maemong a bo 44 mo lenaaneng la Fortune la Basadi ba ba Maatla go Gaisa ka ngwaga wa 2025. Kress o ne a le mo maemong a bo 55 mo Forbes World's Most Powerful Women 2024 List.

Botshelo jwa gagwe

Kress o nyetswe ke David Kress mme o na le barwa ba le babedi. O nna kwa Saratoga, California.