Congo: Ditso tse di makatsang tsa batho

Congo: Ditso tse di makatsang tsa batho

Setshwantsho:Congo The Epic History of a People.jpg
Mokwadi	David Van Reybrouck
Setlhogo sa yone	Congo. Een geschiedenis
Teme	Dutch
Modiri	De Bezige Bj
Letsatsi le dirilweng ka lone	2010
Published in English	2014
Media type	e e gatisitsweng
Pages	makgolo marataro, masome a mararo le borataro
ISBN	978-0-06-220011-2

Congo: Ditso tse di makatsang tsa batho ke buka e e seng ya ditlhamane ya ditsebe di le makgolo a marataro, masome a mararo le borobabongwe e e kwadilweng ke David Van Reybrouck, e gatisitswe lantlha ka ngwaga wa 2010. E tlhalosa ditso tsa lefatshe la Democratic Republic of the Congo go tswa motlheng wa bogologolo go tsena gompieno, boremelelo jwa yone e le motlha wa bokolone jwa Belgium go fitlhelela buka e ntshiwa. Buka e e ne e gatisitswe pele ke De Bezige Bij ka Motsheganong a le malatsi a a mararo ngwaga wa 2010. Fa ngwaga wa 2012 o ya bokhutlong e ne e rekisitswe makgetho a le dikete di le makgolo a mararo ka puo ya Dutch. Thanolo ya yone ya sekgowa e ne e dirwa ke Sam Garrett.

Diteng

Van Reybrouck o bolela ditso tsa lefatshe la Democratic Republic of the Congo go tswa ka nako ya kgwebo ya bokgoba go tsena nako ya dipatlisiso le bokolone jwa mafatshe a Europe ka fa tlase ga Congo Free State le Belgian Congo, boipuso, dipharagobe tsa Congo, bobusaesi jwa ga Mobutu, dintwa tsa selegae tse pedi, le nako ya fa lefatshe le banni ba lone ba neng ba itlwaetsa maemo a mašha mo lefatsheng. Buka e ke ditlamorago tsa tshekatsheko ya dingaga tse thataro, mokwadi o tsere maeto a le lesome go ya Congo a nna le dipuisano di le makgolo a matlhano le banni ba Congo, ba maemo a a fa godimo le beng gae. Van Reybrouck o tlhatlhoba morafe wa Congo wa gompieno kwa Guangzhou kwa bagwebi ba ka nna dikete di le mmalwa ba neng ba romela ditanka kwa gae ka lewatle di rwele dithoto tsa thekiso. Kwa phelelong mokwadi o gwetlha kakkanyo e e tlwaelesegileng ya gore lefatshe leo ke lefelo la dikhumo tsa tlholego tse di thusitseng itsholelo ya lefatshe ka bophara, le gore ditso tsa lone di felela fela mo gae, di tletse ditoro le meriti. O supa gore tiriso botlhaswa ya raba e bakile nngwe ya matsholo a ditshwanelo tsa setho a matona mo ditsong, masole a Congo a ne a na le seabe mo phenyong ya botlhokwa mo Aforika mo dintweng tsoo pedi, ntwa ya United States le Soviet Union mo Aforika e simolotse kwa Congo, jaaka go diragetse le ka tsenelelo ya United Nations, le gore dintwa tsa selegae di gwetlhile letsholo la go dira kagiso le letona ebile le tura go fetisa selekanyo.

Mo bathobng ba Van Reybrouck a buisantseng le bone go na le Etienne Nkasi, o a neng a nna mo mokhukhung kwa Kinshasa. "Digalase tsa gagwe di ne di bofeletswe mo tlhogong ka sekgomaretsi sa raba. Kwa morago ga galase e e kima ebile e kgobogile, ke ne ka bona matlho a a tletseng dikeledi." Nkasi o ne a mmolelela gore o tshotswe ka ngwaga wa 1882. Van Reybrouck o ne a tlhola gore a go a kgonagala gore a bo a le dingwaga di le lekgolo, masome a a mabedi le borataro, a fitlhela a itse maina a barongwa ba nako tseo ebile a itse Simon Kimbangu ka sebele, o a neng a le mmotlana a tsholetwe mo motseng o o gautshwane. Nkasi o tlhokafetse ka ngwaga wa 2010 a le dingwaga di ka nna lekgolo, masome a mabedi le borobabobedi.

Kamogelo

Stephen W. Smith (wa pampiri ya dikgang ya The Guardian) o supile fa tumalano e le gore buka e e balega jaaka padi ya itloso bodutu, mme e le matsetseleko jaaka ditso tsa thuto. O akgola mokwadi go dira ditso tsa Congo gore di kgone go balwa ke batho ba tshwana le rona. Nicholas van de Walle (wa Foreign Affairs) a re buka e e sekasikilwe ebile o rata dinepe tse di nang le tlhotlheletso tsa batho ba ba tshwanang le nna le webna. Chris Hartman (wa pampiri ya The Chrstian Science Monitor) o dumela fa buka e ka bo e tswetswe ke mosola tshekatsheko ya segajaja sa AIDS, mme o supa fa Van Reybrouck a kopantse sekao se se tsepameng mo dikwalong tse di fetileng ka tlhaselo ya bokolone. J M Legard wa new York Times o tlhalosa buka e batlisitswe thata, ebile e le maleba mo mongwe le mongweng o o nang le keletso ya gore ditso di amana jang le bokamoso jwa rona.

Dithanolo

• Sekgowa: Congo: Ditso tse di makatsang tsa batho,HarperCollins, 2014. ISBN 9780062200112

Dietsele

• 2010: AKO Literatuurprijs (kwa Netherlands le Flanders.
• 2010: Libris History Prize (kwa Netherlands le Flanders
• 2012: Prix medicis essa (kwa France)
• 2012: Prix du Meilleur Livre Etranger (kwa France)
• 2012: NDR Kultur Sachbuchpreis (kwa Germany)
• 2013: Prix Aujourd'hui (kwa France)
• 2014: nngwe ya tse thataro tse di neng di tlhophilwe, eble e le nngwe ya tse tharo tsa ntlha ka seetsele sa Cundill.