Cremilda de Lima
Maria Cremilda Martins Fernandes Alves de Lima (o belegwe ka 25 Mopitlo 1940 kwa Luanda) ke mokwadi wa dibuka tsa bana wa kwa Angola. 1]
Botshelo jwa gagwe
[fetola | Fetola Motswedi]Cremilda de Lima o belegwe ka 25 Mopitlwe 1940 kwa motsemogolo wa kolone ya Portugal ya Angola, Luanda. Morago ga thuto ya gagwe o ne a tsenela dikhoso di le mmalwa tsa go katisa barutabana, la ntlha go tloga ka 1962 go ya go 1963 kwa Bié, go tswa foo go tloga ka 1963 go ya go 1964 kwa Luanda. Morago ga moo, Lima o ne a simolola go dira jaaka morutabana wa sekolo sa poraemari, la ntlha kwa Malanje. Ka 1965 o ne a simolola go ruta kwa sekolong sa poraemari kwa Luanda.[ 2]
Fa Angola e sena go bona boipuso ka 1975, go ne ga bulega ditshono tse disha tsa go thapisa le go bereka kwa Lima. O ne a tsenela komiti ya Lefapha la Thuto ka 1977, e e neng e dira ka tlhabololo ya kharikhulamo le tlhabololo ya dibuka tsa sekolo. E ne e le leloko la komiti go fitlha ka 1991. Ka 1987, o ne a aloga mo thutong ya saense le thuto kwa Escola Superior de Educação de Setúbal, le mo thutong ya Sepotokisi kwa Yunibesithing ya Lisbon. Seno se ne sa latelwa ke khoso ya thuto kwa Instituto Superior de Ciências da Educação kwa Luanda go tloga ka 1992 go fitlha ka 1993 le e nngwe mo thutong go fitlha ka 2003 kwa Escola Superior de Educação kwa Leiria ya Sepotokisi.[ 2]
Lima o simolotse go kwala dibuka tsa gagwe tsa ntlha tsa bana a sa le monnye mme a tsenela Mokgatlho wa Bakwadi ba Angola (União dos Escritores Angolanos) ka 1984.[ 2] Ka fa letlhakoreng le lengwe, Lima o gatisitse dibuka di le dintsi tsa bana mme ke mongwe wa bakwadi ba dibuka tsa bana ba ba itsegeng thata kwa Angola. O ne a ngongorega ka go sa anamisiweng ga dibuka tsa bana mme a bolela gore bana ba le bantsi ba Angola "ga ba ise ba ko ba bone buka". Lima o ne a kopa gore go tlhamiwe "National Literature Plan".[ O ne a re mafapha a setso le thuto a tshwanetse go dira mmogo go godisa kgatlhego ya go bala mo basheng ba Angola.[ 3]
Dietsele tsa gagwe
[fetola | Fetola Motswedi]Cremilda de Lima o ne a tlhophiwa gabedi go nna mofenyi wa Astrid Lindgren Memorial Award (2008 le 2009). Tuelo eno e ne ya tlhomiwa ke puso ya Sweden mme e neelwa batho ba ba dirileng ka natla le ba ba itsegeng ka go kwala dibuka tsa bana le tsa basha. Ka 2008, o ne a tlotliwa ke Lefapha la Setso la Angola ka setifikeiti sa tlotlo ka ditirelo tsa gagwe mo dibukeng tsa bana ba Angola. Ka 2016, Lima o ne a amogela Sekgele sa Bosetšhaba sa Setso le Botsweretshi mo setlhopheng sa dibuka. Moporesidente wa jury António Fonseca o ne a mmitsa "mongwe wa babulatsela" ba dibuka tsa bana ba Angola. 5]
Metswedi
[fetola | Fetola Motswedi][1] Adebayo Oyebade (2007). Culture and Customs of Angola. Greenwood Publishing Group. pp. 64–5. ISBN 978-0-313-33147-3.
[2] "Cremilda de Lima". União dos Escritores Angolanos (in Portuguese). Archived from the original on November 6, 2013. Retrieved 28 October 2016.
[3] Alexandre Lourenço (29 September 2016). "Escritora Cremilda de Lima preocupada com o percurso da literatura infantil em Angola". Novo Jornal (in Portuguese). Retrieved 28 October 2016.
[4] "Escritora Cremilda de Lima defende criação de plano nacional de literatura". Angop – Agência Angola Press (in Portuguese). 15 June 2015. Retrieved 28 October 2016.
[5] "Cremilda de Lima vence Prémio de Cultura e Artes na categoria de literatura". sapo.ao. 25 October 2016. Retrieved 28 October 2016.