David Dafinone

David Dafinone OFR
Setshwantsho:David Dafinone.jpg
Senator wa Bendel Borwa ka nako ya Repaboliki ya Bobedi ya Nigeria.
In office 1979–1983
Ka Ga Ena
O tsetswe	12 Mopitlo 1927(dingwaga 97) Sapele, Nigeria
O Tlhokafetse	30 Lwetse 2018
Mokgatlho	National Party of Nigeria (NPN) (Defunct)
Thuto	Sekolo saAbeokuta Grammar

David Omueya Dafinone OFR (12 Mopitlwe 1927 - 30 Lwetse 2018) e ne e le ramatlotlo wa kwa Nigeria le radipolotiki, yo e neng e le mosenetara wa Bendel South ka nako ya Rephaboliki ya Bobedi ya Nigeria. E ne e le leloko la National Party of Nigeria (NPN). Dafinone o ne a dira mo dikomiting tse di farologaneng tsa go batlana le dintlha ka nako ya puso ya sesole ya ga Yakubu Gowon.

Botshelo

David Dafinone o belegwe ka Mopitlwe e na le malatsi ale lesome le bobedi ka 1927, kwa Sapele, Nigeria. Morwa wa ga Thomas Omueya le Agbami (nee Onomor) Dafinone. Dafinone o feditse thuto ya gagwe tse dikgolwane kwa sekolong saAbeokuta Grammar , morago a nna modiri wa tirelo ya bocoloniala dira kwa Northern Secretariat kwa mmusong wa Kaduna . Dafinone o ne a dira kwa Lephateng la Direkoto le go Kwadisiwa ga Dikgang mme fa mookamedi wa gagwe a ne a tlhatlosiwa, o ne a tlhomiwa go nna mookamedi wa tsamaiso mo lephateng la tsa madi. Kwa lephateng la tsa madi, tiro ya gagwe e ne e le go dira tekanyetso ya matlotlo ya ditlhokego tsa madi tsa balaodi ba selegae mo kgaolong ya Bokone.

Fa a boela kwa Nigeria o ne a dira jaaka motsamaisi wa Delloittes, kwa Lagos, go tloga ka 1963 go fitlha ka 1966. Ka 1966, Dafinone o ne a tlhoma D.O. Dafinone & Co (e jaanong e leng Howarth Dafinone), e leng kompone ya diakhaonte. Ka 1997 o ne a nna mogakolodi wa kgwebo.

O ne gape a direla jaaka motshereganyi wa puso ka fa tlase ga Port Amendment Decree ya 1969 e e neng ya bula tsela ya go reka le go duelela ditlamelo tsa boemakepe tse di neng di le tsa kompone ya United Africa kwa Warri le Calabar. Ngwaga morago ga moo o ne a le mo komiting e nngwe, kgotlatshekelo e e neng ya tlhongwa go sekaseka dikgang tsa porojeke ya tsela ya Apapa. Tiro e nngwe e Dafinone a neng a e dira e ne e le go tlhophiwa ke Lephata la Merero ya Selegae ka 1971 go batlisisa ditiro tsa bonweenwee kwa Niger Pools e e itsegeng semmuso jaaka kompone ya Nigerian Pools , e leng khampani e e leng ya Puso ya Federal. Kwa tshimologong o ne a tlhophiwa go nna Molaodi a le nosi. Pego ya gagwe, e ne ya senola ditatofatso tse di seng ka fa molaong tse di jaaka go dira dipampitshana tsa go fenya morago ga gore go itsisiwe dipholo. Patlisiso eno e ne ya dira gore kompone e tswalwe le gore badiri bangwe ba tshwarwe.

Ka ngwaga wa 2003, puso ya Nigeria e ne ya mo naya nngwe ya dimpho tsa tlotlo tse di kwa godimo, e leng Officer of the Order of the Federal Republic (OFR).

O ne a tlhophiwa gape ka paka e nngwe ya dingwaga tse nne, e e neng ya khutshwafadiwa ke go wa ga Repaboliki ya Bobedi, le go tla ga puso ya sesole, ka 31 Sedimonthole 1993, dikgwedi di le tharo fela mo pakeng.

O tlhokafetse ka 30 Lwetse 2018.