Dawid Boois

Dawid Boois (yo a bonweng ka Ferikgong a tlhola malatsi a le lesome le boraro ngwaga wa 1952 kwa Berseba) ke mopolotiki le morutabana wa kwa Namibia.

Boois o tsene sekolo kwa St. Theresa kwa Tses le sekolo se segolwane sa Augustineum kwa Windhoek. Morago o ne a nna morutabana le mogokgo wa seskolo sa Ecumenical kwa Berseba.

Boois e ne e le leloko la SWAPO le mopalamente go tswa ka 2000 pele ga a tlhomiwa molaodi wa kgaolo ya IKaras ka 2004. Fa e sale jalo o ne a lwela bopalamente jwa kwa Berseba, kwa a neng a nna mokhanselara ka 2004 morago ga go fenya mo ditlhophong tsa lefatshe tsa 2004 ka ditalama di le sekete, makgolo a supa, masome a mabedi le bone jwa batlhophi ba le dikete tharo, makgolo a matlhano, masome a robongwe le motso. O ne a tlhophiwa gape mo ditlhophong tsa 2010 ka ditalama di le sekete, makgolo amabedi, masome a mabedi le botlhano, le ka 2015 ka di le sekete, makgolo a supa, masome a supa le bone.

Boois o ne a le mo kganetsanong mabapi le makgamu a a farologaneng a boeteledipele jwa setso jwa ǀHaiǀKhaua (Berseba Orlam) jwa morafe wa Nama. O ne a le mo lotlhakoreng lwa setlhopha se se neng se botsolosa ka go boelana ga merafe, ba leka go atolosa kgaogano ya dingwaga tse di masome a matlhano ya Berseba kwa Orlam. Boois o ne a felela a ema nokeng go kopana ga morafe ka go agisana le moeteledipele wa IKARAS Stephanus Goliath ka 2011.

Go ya ka dipego tse di ntshitsweng ka 2003 fa Boois e le leloko la palamente, Boois ke moeteledipele wa go kompone ya go tshwara ditlhapi ya Kaiseb Fishing. O na le seabe sa 8% mo komponeng eo. O na gape le diabe di le dikete di le lesome le botlhano kwa borwa jwa Namibia, a berekisana le opolotiki wa SWAPO Willem Konjore. O ne gape a na le lefelo le le rekisang dijo le la boroko kwa kgaolong ya IKaras.