Desbo Mohono

Desbo Mohono
Motsamaisa dipuisano tsa palamente ya Bokone Bophirima
Incumbent
Assumed office Seetebosigo a le lesome le bone ngwaga wa 2024
Pele Ga Gagwe	Sussana Dantjie
Leloko la khansele ya Bokone Bophirima ya Temothuo le tlhabololo magae
Premier	Job Mokgoro Bushy Maape
Pele Ga Gagwe	Manketsi Tlhape
Morago Ga Gagwe	Madoda Sambatha
Leloko la palamente ya kgaolo ya Bokone Bopirima
Premier	Thandi Modise
Pele Ga Gagwe	Boitumelo Tshwene
Morago Ga Gagwe	Manketsi Tlhape
Leloko la khansele ya Bokone Bophirima ya bojanala
Premier	Supra Mahumapelo Job Mokgoro
Pele Ga Gagwe	Motlalepula Rosho
Morago Ga Gagwe	Wendy Nelson
Ka Ga Ena
O tsetswe	Phalane a le masome mabedi le borobabobedi ngwaga wa 1970 Chaneng, Rustenberg
Mokgatlho	African National Congress
Dikamano tse dingwe tsa sepolotiki	South African Communist Party

Sebonta Desbo Mohono (o o tshotsweng ka Phalane a le masome mabedi le borobabobedi ngwaga wa 1970) ke mopolotiki wa kwa Aforika Borwa o e leng motsamaisa dipuisano tsa palamente ya kgaolo ya Bokone Bophirima. Fa e sale ka 2009, o berekile ka lobaka mo palamenteng ya Bokone Bophirima le khansele ya Bokone Bophirima, e le tona wa bojanala go tswa ka 2014 go tsena 2018, le e le tona wa temothuo le tlhabololo magae go tswa ka Morule 2018 go tsena Seetebosigo 2024.

Ke morutabana ka thuto, o ne a tlhatloga mo maemong a sepolotiki ka lekgotla la barutabana la Aforika Borwa le bokopano jwa makgotla a babereki kwa Aforika Borwa. Ke leloko la African National Congress, ka 2022 o ne a tlhophiwa go nna mo komiting ya kgaolo sebaka sa dingwaga di le nne.

Botshelo jwa pele le pereko

Mohono o tshotswe ka Phalane a le masome mabedi le borobabobedi ngwaga wa 1970 kwa motseng wa Chaneng gaufi le Rustenburg, kwa gompieno e leng bontlha jwa kgaolo ya Bokone Bophirima ya Aforika Borwa. O tsene sekolo kwa kgaolong eo mme a aloga kwa Seabe High School kwa e leng Mpumalanga gompieno. Ka ngwaga wa 1993, morago ga go fetsa dithuto tse dikgolwane tsa thuto, o ne a simolola go bereka e le morutabana. Fa a le morutabana, o ne a tlhatloga maemo mo lekgotleng la barutabana mo kgaolong, le le berekisanang le bokopano jwa makgotla a babereko (COSATU), e ne e le leloko la COSATU kwa Bokone Bophirima go tswa ka 2004 go tsena 2009.

Tiro ya sepolotiki

Mohono o tlogetse borutabana ka 2009 fa a ne a tlhophiwa e le leloko la palamente ya Bokone Bophirima, a emetse African National Congress (ANC). Ka Motsheganong a le malatsi a robabobedi ngwaga wa 2009, o ne a tlhophiwa mo khanseleng ya Bokone Bophirima ke Maureen Modiselle, moeteledipele o mosha wa Bokone Bophirima, o ne a nna leloko la khansele ya matlo. Ka Ngwanatsele 2010,Modiselle o ne a tlhatlhamiwa ke Thandi Modise, o a neng a fetola le go atolosa lephata la ga Mohondo go nna lephata la bonno, tshireletsego le tirisanommogo. O ne a nna mo maemong ao go fitlhelela ka Motsheganong a le malatsi a mararo ngwaga wa 2012, fa Modise a ne a tswakanya matona a gagwe a dira Mohono tona wa temothuo le tlhabololo magae.

Ka ditlhopho tsa 2014, Mohobo o ne a tlhophiwa gape go boela mo setilong sa gagwe sa palamente, a le mo maemong a lesome le boraro mo lenaaneng la ANC kwa Bokone Bophirima. Supra Mahumapelo, o a neng a tlhophilwe moeteledipele mo ditlhophong tseo, o ne a tlhoma Mohono tona wa bojanala, maemo a a nnileng mo go one ka lobaka lo Mahumapelo a nnileng mo ofising eo. Ka Morule a le malatsi a marataro ngwaga wa 2018, motlhatlhama Mahumapelo, Job Mokgoro, o ne a itsise fa a tlaa tswakanya matona, Mohono a boela kwa maemong a gagwe a pele, a a neng a fetolwa leina ka nakwana go nna tlhabololo magae, tikologo le temothuo.

Ka ditlhopho tsa 2019, o ne a tlhophiwa e le laboraro, jaanong a le mo maemong a borobabongwe mo lenaaneng la ANC. O ne a nna mo maemong a a tshwanang le a pele kwa khanseleng  le morago ga go tlhopha Bushy Maape go nna moeteledipele wa Bokone Bophirima ka 2022.

Morago ga ditlhopho tsa 2024, o ne a tlhophiwa motsamaisa dipuisano tsa palamente ya kgaolo.

Diofisi tsa phathi ya sepolotiki

Ka 2011 le 2022, Mohobo o ne a tlhophiwa mo komiting ya Bokone Bophirima sebaka sa dingwaga tse nne. Ka 2018, boeteledipele jwa ANC bo ne jwa mo tlhopha mo setlhopheng sa nakwana se se neng se tlhametswe go etelela pele phathi ya kgaolo morago ga gore modulasetilo wa ANC wa kgaolo Supra Mahumapelo a rolwe marapo. Ke leloko gape la lekgotla la bomme la ANC le South African Communist Party.