Desirée Cormier Smith

Desirée Cormier Smith ke moemedi wa puso wa mo America o o berekileng e le moemedi o o faphegileng wa tekatekano ya bong le tshiamo kwa lephateng la lefatshe, la United States go tswa ka Seetebosigo a le lesome le bosupa ngwaga wa 2022 go tsena Firikgong a le masome mabedi ngwaga wa 2025.

Thuto

Cormier Smith o alogile kwa Stanford University ka degree ya Bachelor of Arts ya sepolotiki le tlhaloganyo le go tswa kwa Harvard Kennedy School ka Master of Public Policy.

Tiro ya boemedi

Go tswa ka 2010 go tsena 2012, Cormie Smith o ne a romelwa kwa ofising ya diteseletso tsa mesepele kwa ofising ya boemedi ya semolao kwa Tijuana. O ne a supa fa a itemogetse tlhaolele ya lotso le mmala, go tswa mo bakoping le babereki ba melelwane ba ba neng ba botsa ka lotso lwa gagwe le maemo. O berekile ditiro tsa tlalelelso tsa mafatshe a sele kwa Aforika borwa le Washington D. C go tswa ka 2015 go tsena 2020, Cormier Smith e ne e le mookamedi mogolo wa Africa Practice kwa Albright Stonebridge Group.

Moemedi o o faphegileng wa tekatekano ya lotso le tshiamo

Cormier Smith ke motho wa ntlha go bereka mo ofising e, a filwe tiro ya go lwantsha kgethololo ya lotso le mmala mo lefatsheng ka bophara. E ne e le bontlha jwa barongwa ba ba neng ba ile US, baya monwana maitlamo a go leka gore go nne le tekatekano ya lotso le mmala le mafatshe a Mexico le Canada kwabokopanong jwa 2023 jwa baeteledipele wa America Bokone. Ka Tlhakole 2023, Comier Smith o ne a buisana le tona wa Brazil wa tekatekano ya ditso Anielle Franco, o a neng a batla go tlhamiwa sesha ga leano le le tlhakanetsweng ke mafatshe oo mabedi go fedisa kgethololo ya lotso morago ga kopo ya makgotla a mafatshe a batho bantsho ba Brazil. Ka Moranang 2024, o ne a emela United States kwa bokopanong jwa boraro jwa United Nations jwa batho ba Aforika. Ka Lwetse a le lesome le botlhano ngwaga wa 2025, Comier Smith o ne a re go thata go tsaya tshwetso ya go sa ithola marapo, ka go ema le Gaza.

Botshelo jwa gagwe

Ka Phukwi ngwaga wa 2021, Comier Smith e ne e le moemisi kwa French Riviera kwa lonyalong lwa tsala ya gagwe, modiragatsi Issa Rae, le mogwebi Louis Diame.