Desiree Ellis

Desiree Ellis

Ellis in 2019
Motshameki wa kgwele ya dinao
Leina ka botlalo	Desiree Ellis
Letsatsi la tsalo	(1963-03-14) 14 March 1963
Lefelo la tsalo	Salt River, Cape Town, South Africa
Maemo	Midfielder
Club information
Current team	South Africa (manager)
Youth career
–	Saban United
Tiro ya gagwe*
Dingwaga	Setlhopha	Metsh	(Dinno)
1978–1984	Athlone Celtic	126	(51)
1985–1986	Wynberg St Johns	44	(22)
1987–1988	Joyces United	46	(28)
1989–1990	St. Albans City	54	(36)
1991–2002	Spurs Ladies	330	(231)
Total		600	(368)
Setlhopha sa setshaba
1993–2002	South Africa	32	(6)
Teams managed
2006–2016	Spurs Ladies
2016–	South Africa Women
*Metshameko ya gagwe le dinno, correct as of 15 August 2014

Desiree Ellis OIG (yo o tshotsweng Mopitlo a le lesome le bone 1963) ke motsamaisi wa kgwele ya dinao wa Aforika Borwa le motshameki wa pele. Ga jaana o katisa setlhopha sa bosetšhaba sa basadi sa Aforika Borwa.

Jaaka motshameki, Ellis o ne a tshameka kgwele ya dinao ya setlhopha dingwaga di le masome mabedi le bone le ditlhopha tsa kgwele tsa Aforika Borwa, Ireland le Enyelane, bogolo jang a tshameka jaaka motshamiki wa bogare. Nako ya gagwe e telele go gaisa tsotlhe e ne e le kwa Spurs Ladies, e a neng a tshameka kwa go yone dingwaga di le lesome le motso ka kakaretso. Mo boditšhabatšhabeng, o ne a emela le go nna leloko le le simolotseng setlhopha sa bosetšhaba sa basadi sa Aforika Borwa, se se neng sa tlhamiwa semmuso ka 1993 morago ga kamogelo ya SAFA mo FIFA ka 1992. Fa a le dingwaga di le masome mararo, o ne a simolola go tshamekela Aforika Borwa jaaka mothusa mokapotene wa motshameko wa ntlha wa semmuso wa setlhopha, mo phenyong ya dinno tse lesome le boraro go lefela kgatlhanong le Eswatini (e pele e ne e bitswa Swaziland). Ellis o ne a tswelela go tshameka kgwele ya dinao dingwaga di ferabongwe tse di latelang, mme a rola tiro ka 2002 a le dingwaga di le masome mararo le boferabongwe.

Jaaka mokatisi wa setlhopha sa bosetšhaba sa basadi sa Aforika Borwa go tloga ka 2016, o ne a katisa Banyana Banyana go fitlhelela maemo a bobedi kwa Sejaneng sa Ditšhabatšhaba sa Basadi sa Aforika (WAFCON) sa 2018, mme seo sa ba bonela patlha kwa kgaisano ya bone ya ntlha ya Sejana sa Lefatshe sa Basadi, e leng Sejana sa Lefatshe sa Basadi sa FIFA sa 2019. Ka 2022, o ne a katisa setlhopha seo go bona sekgele sa bone sa ntlha sa WAFCON, se gape se neng sa dira gore ba bone phatlha kwa kgaisanong ya bone ya bobedi ya Sejana sa Lefatshe sa Basadi. Kwa Sejaneng sa Lefatshe sa Basadi sa 2023, setlhopha seo se ne sa iponna phatlha kwa dikgaisanong tsa go kgaola tsa kgaisano eo lekgetlho la ntlha mo ditsong tsa sone, mme sa tswela ntle mo Tikologong ya lesome le boraro morago ga go lebagana le Netherlands.

Ka ntlha ya diphitlhelelo tsa gagwe le Banyana Banyana, o abetswe ditlotla tsa Mokatisi wa Basadi wa Ngwaga wa CAF ngwaga le ngwaga go tloga ka 2018 go fitlha ka 2023, mme palogotlhe ya dikabelo tse di le nne. Ka Moranang 2023, Ellis o ne a abelwa Sekgele sa National Order of Ikhamanga ke Puso ya Aforika Borwa ka ntlha ya diphitlhelelo tsa gagwe mo kgweleng ya dinao.