Dianne Kohler Barnard

Mopalamente Dianne Kohler Barnard
Tona wa sepodisi wa tshwantsho
In office 2006–2015
Leader	Tony Leon Helen Zille Mmusi Maimane
Tona wa botsogo wa tshwantsho
In office 2005–2006
Leader	Tony Leon
Tona wa botaki le ngwao wa tshwantsho
In office 2004–2005
Leader	Tony Leon
Mopalamente wa KwaZulu-Natal
Incumbent
Assumed office Motsheganong a le masome mabedi le motso ngwaga wa 2004
Ka Ga Ena
O tsetswe	Morule a le malatsi a mabedi ngwaga wa 1955 Port Elizabeth Kapa Union of South Africa
Mokgatlho	Democratic Alliance

Dianne Kohler Barnard ke mopolotiki wa pele, mmega dikgang le mopalamente wa Democratic Alliance (DA) kwa Aforika Borwa. Ka Phalane ngwaga wa 2015, o ne a kobiwa mo phathing ke komiti kgolo ya DA. Ka Morule 2015, tshwetso ya go mo koba e ne ya boelwa morago ka ikuelo mo komiting ya molao ya DA.

O tsholetswe kwa Port Elizabeth, o nna kwa KwaZulu-Natal, kwa a emetseng kgaolo ya botlhophoi ya borwa jwa Durban.

Tiro ya gagwe ya bobegadikgang

Kohler Barnard o feditse dingwaga di le masome mabedi le boraro a bereka e le mmegadikgang wa seromamowa le dipampi tsa dikgang. O ne a berekela mo diofising tsa seromamowa sa SAfm kwa KwaZulu-Natal, a gasa thulaganyo ya dikgang tsa motshegare e e neng e bidiwa The Editors.

Kohler Barnard gape ke modulasetilo wa pele wa lekgotla la babereki ba kgaso, maranyane le badiri ba ba kopaneng kwa KwaZulu-Natal, e ne e le leloko la komiti ya SABC ya HIV/AIDS fa le tlhamiwa.

Polotiki

Kohler Barnard o ne a tsena mo sepolotiking a tsibogela go oketsega ga go itshunya nko ga puso mo bookameding jwa SABC. O ne a tlhophiwa go ya palamenteng a le mo phathing ya DA ka 2004, pele e ne e le mmueledi wa botaki le ngwao.

Morago o ne a thapiwa go nna mmueledi wa kganetso wa botsogo, a kgala tona wa nako eo wa botsogo Manto Tshabalala-Msimang, bogolo jang ka kemo nokeng ya gagwe mo morekising wa kwa Germany wa di vitamin Matthias Rath o go neng go ngangiwa thata ka ene. Rath o ne a leka go sekisa Kohler Barnard go bo a mo supile e le motsietsi, a leka le go sekisa dipampiri tsa dikgang tse di neng di tshwaela jalo.

Morago Kohler Barnard o ne a thapiwa e le tona wa tshwantsho wa sepodisi. E ne e le moemedi wa DA mo thomong ya SADC ya go lebelela ditlhopho tse pedi tsa bofelo kwa Zimbabwe.

Morago ga tlhakatlhakano, o ne a fudusediwa kwa maemong a mothusa mmueledi wa ditiro tsa setshaba ka 2015. O ne a busediwa kwa lephateng la sepodisi, jaanong e le mothusa tona wa tshwantsho, ka Phatwe 2017.

Ka a ne a kile a bereka e le tona wa tshwantsho wa ditlhaeletsanyo le botegeniki, Kohler Barnard o ne a thapiwa e le tona wa tshwantsho wa tshireletso ka Moranang a le masome mabedi le motso ngwaga wa 2023.

Manganga

Kohler Barnard o ne a kile a rata go kobiwa mo DA ka Phalane 2015, fa go upololwa gore o tsentse gape mokwalo mo Facebook wa mongwe o sele o a neng a kwadile gore botshelo kwa Aforika Borwa bo ne bo le botoka mo pusong ya ga tautona wa tlhaolele P W Botha. O ne a e sutlha e sena go nna mo tsebeng ya gagwe bosigo jotlhe. E ne ya tlhagelela mo maranyaneng a twitter morago ga dibeke e tsentswe ke ba ANC. Moeteledipele wa DA Hellen Zille o ne a bolelela Kohler Barnard go sutlha mokwalo oo, le ntswa ka nako eo a ne a setse a o sutlhile. Kohler Barnard o ne a ikopa maitshwarelo go dira jalo, a fokodiwa maemo go nna mothusa tona wa ditiro tsa setshaba.

Moeteledipele o mosha wa DA Mmusi Maimane o ne a nnamo kgatelelong ya go mo koba mo phathing. lekgotla la kgalemo le ne la gakolola gore Kohler Barnard a atlholwe madi a a kanang ka dikete di le masome a mabedi, a ntshiwe mo maemong otlhe a a tlhophilweng mo go one mo DA, a duelele kopo maitshwarelo mo dipampiring tsa dikgang di le tlhano, a bo a tsenelele dithuto tsa go okamela maranyane a ituelela. Morago ga se, boloko jwa ga Kohler Barnard jwa DA bo ne jwa emisiwa ke mookamedi wa lekgotla la DA. O ne a ikuela ka tshwetso e e tserweng ke komiti, mme go kobiwa ga gagwe ga seegelwa kwa thoko dingwaga di le tlhano.

Manganga a, go bolelwa fa a ne a utlusa sekao sa DA botlhoko, e e neng e leka go itshupa e le phathi e e kgatlhanong le puso ya tlhaolele, a ne a baka le kgotlhang mo phathing, ka bangwe ba ne ba bona tshwetso e e neng e tserwe pele e le setlhogo.

Pego ya motswedi wa dikgang ka 2016 e ne ya supa gore Kohler Barnard o ka tswa a sa diragatsa dikotlhao tse a neng a di neetswe ka letsatsi le le beilweng.

Ka 2025, mookamedi wa sepodisi sa KwaZulu-Natal Nhlanhla Mkhwanazi o ne a re Kohler Barnard o ntshitse tshedimosetso ya tlotlo molao e e faphegileng.