Dikeledi Magadzi

Dikeledi Magadzi
Mothusa tona wa metsi le kgopo leswe
In office Phatwe a le malatsi a matlhano ngwaga wa 2021 – Mopitlo a le malatsi a marataro ngwaga wa 2023
President	Cyril Ramaphosa
Morago Ga Gagwe	Judith Tshabalala
Mothusa tona wa dipalamo
In office Motsheganong a le masome mararo ngwaga wa 2019 – Phatwe a le malatsi a matlhano ngwaga wa 2021
President	Cyril Ramaphosa
Pele Ga Gagwe	Sindisiwe Chikunga
Morago Ga Gagwe	Sindisiwe Chikunga
Modulasetilo wa komiti ya dipalamo
In office Seetebosigo a le masome mabedi le bone ngwaga wa 2014 – Motsheganong a le malatsi a supa ngwaga wa 2019
Morago Ga Gagwe	Mosebenzi Zwane
Mopalamente wa Aforika Borwa
In office Motsheganong a le masome mabedi le motso ngwaga wa 2014 – Mopitlo a robabongwe ngwaga wa 2023
Pele Ga Gagwe	Nozabelo Ruth Bhengu
Morago Ga Gagwe	Phori Phetlhe
Ka Ga Ena
O tsetswe	Dikeledi Phillistus Magadzi
Mokgatlho	African National Congress
Bana	Ba le batlhano

Dikeledi Phillistus Magadzi ke mopolotiki wa kwa Aforika Borwa wa phathi ya African National Congress o e neng e le mopalamente go tswa ka 2014 go tsena 2023. O berekile e le modulasetilo wa komiti ya dipalamo go tswa ka 2014 go tsena 2019, e le mothusa tona wa dipalamo go tswa ka 2019 go tsena 2021 le e le mothusa tona wa metsi le kgopo leswe ka 2021 go tsena 2023. Magadzi pele o ne a berekile e le mokhanselara wa kgaolo ya Limpopo.

Botshelo jwa gagwe

Magadzi ke leloko la African National Congress. Go tswa ka 1994 go tsena 1998, o ne a bereka e le mokhanselara wa ditiro tsa setshaba kwa kgaolong ya Limpopo. O ne a ya go bereka e le mokhanselara wa temothuo go tswa ka 2004 go tsena 2009 le e le mokhanselara wa tshireletso go tswa ka 2009 go tsena 2010. Magadzi e ne e le leloko la lekgotla la bomme  la African National Congress go tswa ka 1990 go tsena 1996, leloko la lekgotla la thuto, botsogo le lekgotla la babereki go tswa ka 1987 go tsena 1994, le leloko la United Democratic Front (UDF) go tswa ka 1985 go tsena 1990. Go tswa 2007 go tsena 2022, o ne a bereka mo komiti kgolo ya ANC. Magadzi o na le bana ba le batlhano le bana ba bana ba le babedi.

Ka 2014, Magadzi o ne a tlhophilwe go ya palamenteng e le mongwe wa mapalamente a a makgolo mabedi, masome a mane le borobabongwe. O ne a tlhophilwe go nna modulasetilo wa komiti ya dipalamo.

Morago ga a sena go tlhophiwa gape ka 2019, o ne a thapiwa e le mothusa tona wa dipalamo. Ka Phatwe 2021, Magadzi o ne a thapiwa go nna mothusa tona wa metsi le kgopo leswe.

Magadzi o ne a seka a tlhophiwa mo ditlhophong tsa komiti kgolo kwa bokopanong jwa ANC jwa masome a matlhano le botlhano ka Morule 2022. O ne a ntshitswe e le mothusa tona a tlhatlhama Judith Tshabalala mo tswakanyong ya khuduthamaga ka Mopitlo a le malatsi a marataro ngwaga wa 2023. Ka Mopitlo a le lesome le botlhano ngwaga wa 2023, Magadzi o ne a ithola marapo mo bo palamenteng.