Dimbulukeni Nauyoma

Dimbukuleni Nauyoma
Mokwaledi mogolo wa mokgatlho wa baithuti ba Namibia
In office 2015–2017
Ka Ga Ena
O tsetswe	1992 Windhoek, Namibia
Alma mater	Namibia Institute of Bankers University of Namibia

Dimbulukeni Dee Nauyoma (o o tshotsweng ka 1992) ke molweladitshwanelo wa monana kwa Namibia, o ga mmogo le Job Amupuanda le George Kambala, ba tlhamileng lekgotla la banana le le itsegeng ka leina la Affirmative Repositioning ka Ngwanatsele ngwaga wa 2014. Pele ga ba tlhama lekgotla le, o ne a bereka mo lekgotleng la banana la SWAPO go fitlhelela ka 2014. Go tswa ka 2015 go tsena 2018, o ne a bereka e mokwaledi mogolo wa mokgatlho wa baithuti ba Namibia.

Botshelo jwa gagwe

Nauyoma o tsene sekolo se segolwane sa ithutelo ditiro sa University of Namibia. O na le dithutego tsa diploma e e tseneletseng ya dibanka, madi le dikoloto go tswa kwa Namibian Institute of Bankers (IOB), kwa a berekileng e le tautona wa baemedi ba baithuti. E ne e le mongwe wa baeteledipele ba lekgotla la banana la SWAPO ba ba neng ba seegelwa kwa thoko mo phathing go bo ba nna kwa setsheng sengwe kwa Windhoek.

Seabe sa gagwe mo polotiking ya baithuti

Nauyoma o nnile leloko la mokgatlho wa baithuti ba Namibia ka 2008 a le kwa sekolong se segolwane. O ne a ya go nna modulasetilo wa NANSO wa kgaolo ya Khoma. Ka 2015, o ne a tlhophiwa go nna mokwaledi mogolo kwa bokopanong jwa mokgatlho oo. Morago ga letsholo la FeesMustFall le le simolotsweng ke Mcebo Dlamini le Chumani Maxwele kwa Aforika Borwa, Nauyoma o ne a etelela pele baithuti kwa sekolong se segolwane sa ithutelo ditiro sa University of Namibia le the Namibia University of Science and Technology mo go gwetlheng go fokolediwa ditlhwatlhwa ka 2016.

Ka 2016, o ne a kopa NSFAF go thusa go letla baithuti ba ba dikobo dikhutshwane go kgona go tsena sekolo ka go ba fa diteseletso tsa ikwadiso morago ga gore dikolo tse pedi tsa University of Namibia le Namibia University of Science and Technology di supe fa di tlhoka teseletso go tswa kwa lephateng la thuto pele ga ba ka letla go tsena mo sekolong.

Affirmative Repositioning

Ka Ngwanatsele 2014, baeteledipele ba banana ba bararo ba AR ebong Amupanda, Kambala le Nauyoma ba ne ba tsaya setsha kwa lefelong la maemo a a kwa godimo kwa Klein Windhoek e le tsela ya go gwetlha ditsha mo mmasepaleng wa toropo ya Windhoek. Ba ne ba bitsa setsha sa Erf 2014 go tsamaelana le ngwaga wa tiragalo.

Ka 2016, puso ya Namibia e ne ya itsise ka maano a yone a go aga palamente e ntsha. Morago Affirmative Repositioning e ne ya simolola go gwetlha banana go gwanta ka Seetebosigo a le lesome le borataro kgatlhanong le tshwetso ya go aga palamente, ba re didirisiwa di ka dirisiwa mo dilong tsa botlhokwa tse lefatshe le nang le dikgwetlho mo go tsone.

Diphathi tsa polotiki

Nauyoma o nnile leloko la SWAPO, AR le Namibian Economic Fighters. E ne e le tlhogo ya letsholo la ntlhopheng o o ikemetseng Ally Angula, o a neng a retelelwa go ikwadisa go tsaya karolo mo ditlhophong tsa botautona tsa 2024. Ka Ngwanatsele 2024, Nauyoma o ne a nna leloko la SWAPO gape kwa mogwantong wa bofelo kwa Windhoek, malatsi a le mmalwa fela pele ga ditlhopho tsa Namibia tsa 2024.