Dipuo Letsatsi-Duba

Dipuo Letsatsi-Duba
Mopalamente
In office Motsheganong a le masome mabedi le motso ngwaga wa 2015 – Seetebosigo a le malatsi a matlhano ngwaga wa 2019
President	Cyril Ramaphosa
Deputy	Ellen Molekane
Pele Ga Gagwe	Bongani Bongo
Morago Ga Gagwe	Ayanda Dlodlo
Tona wa tshiereletso setshaba
In office Tlhakole a le masome mabedi le borataro ngwaga wa 2018 – Motsheganong a le masome mabedi le borobabongwe ngwaga wa 2019
President	Jacob Zuma
Minister	Faith Muthambi
Pele Ga Gagwe	Gratitude Magwanishe
Morago Ga Gagwe	Chana Pilane-Majake
Mothusa tona wa ditirelo tsa setshaba le tsamaiso ya tsone
In office Mopitlo a le masome mararo le motso ngwaga wa 2017 – Tlhakole a le masome mabedi le borataro ngwaga wa 2018
Motsamaisa Dipuisano tsa palamente	Baleka Mbethe
Pele Ga Gagwe	Peter Maluleka
Morago Ga Gagwe	Lungi Gcabashe
Modulasetilo wa komiti ya dikgwebo tsa setshaba
In office Seetebosigo a le masome mabedi le botlhano ngwaga wa 2014 – Mopitlo a le masome mararo le motso ngwaga wa 2017
leloko la ofisi ya peo molao kwa Limpopo
In office Motsheganong a le malatsi a marataro ngwaga wa 2009 – Motsheganong a le malatsi a marataro ngwaga wa 2014
Ka Ga Ena
O tsetswe	Dipuo Bertha Letsatsi Lwetse a le masome mabedi le botlhano ngwaga wa 1965 Katlehong Transvaal Aforika Borwa
Mokgatlho	African National Congress
Mo/Bakapelo	Mose Jacob Duba (o tlhokafetse ka 2008)

Dipuo Bertha Letsatsi-Duba (o o tshotsweng ka Lwetse a le masome mabedi le botlhano ngwaga wa 1965) ke mopolotiki wa kwa Aforika Borwa o o berekang e le moemedi wa Aforika Borwa kwa Turkey. O berekile e le tona wa tshiereletso lefatshe go tswa ka Tlhakole 2018 go tsena Motsheganong 2019. Pele ga foo, e ne e le mothusa tona wa ditirelo tsa setshaba le tsamaiso go tswa ka Mopitlo 2017 go tsena Tlhakole 2018.

Ke leloko la African National Congress (ANC), Letsatsi-Duba o berekile mo ofising ya peo molao ya Limpopo go tswa ka 2009 go tsena 2014, a le mo maemong a mararo mo khanseleng ya Limpopo ka fa tlase ga baeteledipele Cassel Mathale le Stan Mathabatha. Morago ga foo, go tswa ka 2014 go tsena 2019, o ne a bereka mo palamenteng, kwa a neng a le modulasetilo wa komiti ya palamente ya dikgwebo tsa setshaba go fitlhelela tautona Jacob Zuma a mo thapa go nna mothusa tona ka 2017. O ne a ithola marapo go tswa mo palamenteng ka Seetebosigo a simologa ngwaga wa 2019 morago ga go retelelwa ke go thapiwa mo khuduthamageng ya setlha sa bobedi sa ga Cyril Ramaphosa.

A tsholetswe kwa Gauteng, Letsatsi-Duba o ne a tsenela polotiki ka nako ya puso ya tlhaolele, e le bontlha jwa Umkhonto we Sizwe ba ba tshabileng. O sale a nna leloko la komiti ya ANC ka Morule 2012.

Botshelo jwa a le mmotlana le tiro

Letsatsi-Duba o tshotswe ka Lwetse a le masome mabedi le botlhano ngwaga wa 1965 kwa Katlehong, motsana o o kwa botlhaba jwa Johannesburg kwa e neng e le Transvaal pele. Ka 1982, fa a le dingwaga di le lesome le borobabobedi o ne a tshabile le African National Congress (ANC) e e neng e ileditswe, a na leloko la lekgotla la phathi eo la sesole la Umkhonto we Sizwe. O feditse sekolo sa gagwe se segolwane kwa Luanshya Girls High School kwa Luanshya, Zambia, morago a ya go dira diploma di le pedi, tse dingwe kwa Cuba ka 1987, tse dingwe kwa Zimbabwe ka 1992. Tiro ya gagwe mo ANC e ne e akaretsa go bereka mo makgotleng a matlhale a phathi eo.

Ka ngwaga wa 1992, ka nako ya dipuisano tsa go fedisa puso ya tlhaolele, Letsatsi-Duba o ne a boela Aforika Borwa. Go tswa ka nako eo go fitlhelela ka 1994, o ne a bereka go kopanya phathi le metswedi ya dikgang kwa ofisingkgolo ya ANC kwa Shell House. E ne e le mogatisi mogolo wa Voice of Women, pampiri ya semmuso ya lekgotla la bomme ba ANC. Morago o ne a fudugela Limpopo, kwa a neng a tsena mo kgwebong. Le fa go ntse jalo, o ne a tswelela a tsaya karolo mo ANC: o ne a tlhophiwa go ya komiting ya kgaolo ya Limpopo ka 2007, le ka Phukwi 2008, o ne a tlhophiwa go nna motshwara madi wa kgaolo, a bereka ka fa tlase ga modulasetilo wa kgaolo Cassel Mathale. O ne a tswelela a le motshwara madi go fitlhelela ka Morule 2011, fa a tlhatlhamiwa ke Pinky Kekana.

Puso ya kgaolo: 2009 go tsena 2014

Fa a bereka e le motshwara madi wa ANC wa kgaolo, Letsatsi-Duba o ne a ema e le ntlhopheng wa ANC ka ditlhopho tsa lefatshe tsa 2009, a tlhophiwa mo mannong a ofisi ya peo molao ya Limpopo. Fa godimo ga foo, Cassel Mathale, mo maemong a gagwe e le moeteledipele wa Limpopo, o ne a mo thapa e le mokhanselara wa khansele ya Limpopo wa temothuo. Mathale o ne a mo fudusetsa kwa lephateng la metshameko, botaki le ngwao ka Mopitlo 2012. Fa a le mo maemong ao, Letsati-Duba o ne a tsenelela bokopano jwa masome matlhano le boraro jwa ANC ka Morule 2012 a fenya tlhopho ya go nna leloko la komiti mo setlheng sa dingwaga tse tlhano.

Fa Stan Mathabatha a tlhatlhama Mathale jaaka moeteledipele ka Phukwi 2012, Letsatsi-Duba e ne e le mongwe wa matona a mabedi a Mathabatha a neng a tswelela le one, o mongwe e le Dickson Masemola. Mathabatha o ne a mo thapa go nna mokhanselara wa botsogo, maemo a a nnileng mo go one go fitlhelela ka ditlhopho tsa 2014.

Puso ya lefatshe:2014 go tsena 2019

Komiti ya dikgwebo tsa setshaba: 2014 go tsena 2017

Mo ditlhophong tsa 2014, Letsati-Duba o ne a tlhophiwa go emela ANC kwa palamenteng. Morago ga ditlhopho, ANC e ne ya itsise gore e tlaa mo tlhopha go nna mo komtiitng ya dikgwebo tsa setshaba.

Sebaka sa ga Letsatsi-Duba mo komiting, se diragetse ka nako e go neng go ntshiwa dikgang mabapi le go gapiwa ga lefatshe, bogolo jang tse di amang dikompone tsa puso. Morago ka Tlhakole 2021, o ne a bidiwa go itshupa fa pele ga komiti ya Zondo go fa bopaki ka go retelelwa ga komiti. O ne a bodiwa ka go gana go tlhama - jaaka go ne go gakolotswe ke mopolotiki wa kganetso Natasha Mazonne - komiti e e sekasekang ditumalano tsa lolwapa loora Gupta le makgotla a puso.

Mothusa tona wa ditirelo tsa setshaba le tsamaiso ya tsone

Morago ga bosigogare Mopitlo a le masome mararo le motso ngwaga wa 2017, tautona Jacob Zuma o ne a itsise fa go tlaa nna le tswakanyo ya khuduthamaga ya gagwe, Letsatsi-Duba o ne a tlhomiwa mothusa tona wa ditirelo tsa setshaba le tsamaiso ya tsone. O ne a thusa tona o mosha Faith Muthambi. Ka Morule 2017, kwa bokopanong jwa ANC jwa masome a matlhano le bone, o ne a tlhophiwa gape go ya komiting ya ANC.

Tona wa tshireletso ya lefatshe: 2018 go tsena 2019

Ka Tlhakole a le masome mabedi le borataro ngwaga wa 2018, Letsatsi-Duba o ne a tlhatlosiwa maemo go tlhatlhama Bongani Bongo e le tona wa tshiereletso ya lefatshe. O ne a thapilwe ke Cyril Ramaphosa, o a neng a sa tswa go tlhatlhama Zuma e le tautona. Go ya ka pampiri ya dikgang ya Mail & Guardian, le ntswa pele go ne go te o mo lotlhakoreng lwa ga Zuma, Letsatsi-Duba o ne a eme nokeng letsholo la ga Ramaphosa la go nna tautona wa ANC kwa bokopanong jwa masome a matlhano le bone.

Morago ga go tsena mo maemong ao, Letsatsi-Duba o ne a re o tlaa itebaganya thata le go phepafatsa lekgotla la tshiereletso sechaba, a akaretsa go dira tshekatsheko ya boitseanape le dipelaelo tsa go tlhoka go tshwara madi sentle. Fa godimo ga foo, Ka Seetebosigo, Ramaphosa o ne a thapa setlhopha sa maemo a ntlha se se sekasekang maikaelelo, bokgoni le boikanyego jwa lekgotla, setlhopha se modulasetilo wa sone e ne e le Sydney Mufamadi. Tshekatsheko e ne ya fitlhela gore lekgotla le ntse le dirisiwa botlhaswa ka sepolotiki.

Magatwe a botlhola

Ka Motsheganong 2019, pampiri ya Sunday Independent e ne ya gatisa tshenolo mo pating ya yone e e neng e bolela gore Letsatsi-Duba o tshela matshelo a mabedi, ke setlhola sa lekgotla la tshireletso. Go ya ka metswedi ya ya sephiri ya babegadikgang Piet Rampedi le Mzilikazi wa Afrika, Letsatsi-Duba o ne a na le seabe se setona mo lekgotleng leo ka 2005 go tsena Mopitlo 2017, fa tona wa pele wa tshireletso David Mahlobo a fedisa konteraka ya gagwe.

Moemedi kwa Turkey: 2021 go tsena gompieno

Letsatsi-Duba o ne a rutelwa go emela lefatshe kwa mafatsheng a sele e le moemedi wa ga Ramaphosa kwa Turkey. Ka Mopitlo 2020, pampiri ya Sunday Times e ne ya bega gore go ya koo go ne ga diega ka gore o ne a seka a kgona go tlholwa ka tsa tshireletso ka a ne a na le dikgatlhego tsa madi le dikgwebo tse di sa itsegaleng. Le fa go ntse jalo, o ne a simolola tiro kwa Ankara, Turkey ka Ngwanatsele a le malatsi a matlhano ngwaga wa 2021.

Ka nako ya gagwe kwa Ankara, kwa bokopanong jwa masome matlhano le botlhano ka Morule 2022, Letsatsi-Duba o ne a tlhophiwa gape mo sebakeng sa dingwaga di le tlhano e le leloko la komiti ya ANC.

Botshelo jwa gagwe

O ne a nyetswe ke Mose Jacob Duba, mogwebi wa kwa Polokwane o pele e neng e le tona wa puso ya Lebowa bantustan. O tlhokafetse ka ntlha ya kankere kwa Johannesburg ka Phatwe 2008.