Dithapelo Keorapetse

Dithapelo Keorapetse
Keorapetse ka 2025
Motsamaisa dipuisano tsa palamente ya Botswana
In office Ngwanatsele a le malatsi a supa ngwaga wa 2024 – Ngwanatsele a rogwa, ngwaga wa 2024
Pele Ga Gagwe	Phandu Skelemani
Moeteledipele wa diphathi tsa kganetso
Incumbent
Assumed office Phukwi a le lesome le bobedi, ngwaga wa 2022
Pele Ga Gagwe	Dumelang Saleshando
Morago Ga Gagwe	Dumelang Saleshando
Mopalamente wa bophirma jwa Selebi Phikwe
In office Phalane a le masome mabedi le borobabobedi ngwaga wa 2014 – Lwetse a le malatsi a matlhano ngwaga wa 2024
Pele Ga Gagwe	Gilson Saleshando
Morago Ga Gagwe	Reuben Kaizer
Ka Ga Ena
O tsetswe	Tlhakole a le masome mabedi le bonge, ngwaga wa 1982
Mokgatlho	Ntlhopheng o o ikemetseng
Dikamano tse dingwe tsa sepolotiki	Umbrella for Democratic Change fa e sale ka 2022, Botswana Congress Party go fitlhelela ka 2022

Dithapelo Lefoko Keorapetse (yo o tshotsweng ka Tlhakole a le masome mabedi le bone ngwaga wa 1982) ke lepolotiki la Botswana yo e leng motsamaisa dipuisano tsa palamente ya Botswana wa gompieno fa e sale ka Ngwanatsele ngwaga wa 2024. E ne e le mopalamente go tswa ka ngwaga wa 2014 go tsena 2024, pele e ne e le moeteledipele wa kganetso go tswa ka ngwaga wa 2022 go tsena 2024. Ke wa lekoko la Umbrella for Democratic Change (UDC), a sena go kobiwa kwa Botswana Congress Party (BCP) ka ngwaga wa 2022.

Botshelo jwa gagwe

Keorapetse o tshotswe ka Tlhakole a le masome mabedi le bone ngwaga wa 1982, o tswa kwa Selebi Phikwe, Botswana. Kwa ntle ga sepolotiki, o berekile e le morutuntshi wa sepolotiki le tsamaiso lefatshe kwa University of Botswana, kwa a berekileng go tswa ka ngwaga wa 2008 go tsena 2019, mme o ne a le mo boitapolosong jo bo sa duelelweng go tswa ka 2014 go tsena 2019. O bereketse gape kwa Botswana Police College le Botswana Defence Force (BDF).

Keorapetse o tseneletse sepolotiki ka ngwaga wa 1999, a nna leloko la Botswana Congress Party (BCP). Go tswa ka 2002 go fitlha 2005, e ne e le mokwaledi mogolo wa setlhopha sa BCP sa sekolo se segolwane sa UB, morago a nna mothusa tautona wa lekgamu la basha la BCP ka ngwaga wa 2011, morago a nna tautona was lekgamu leo go tswa ka 2012 go tsena 2015. O ne a nna gape mokwaledi wa tsa kgaso wa BPC. E ne e le mothusa ba ba kgatlhanong le tshenyetso setshaba, a bereka mo maemong ao kwa Directorate on Corruption and Economic Crime (DCEC) go tswa ka 2009 go tsena 2010.

Ka ngwaga wa 2014, Keorapetse o ne a emela ditlhopho tsa lefatshe e le ntlhopheng wa BCP kwa Selibe Phikwe, a fenya ka 49.1% fa go tshwantshanngwa le 36.7% wa yo a neng a mo setse morago. O ne a nna mopalamente o monnye mo Botswana, a tlhophiwa go nna moeteledipele wa kganetso mo palamenteng ya lesome le bongwe ya Botswana. O ne a tsenelela komiti ya madi a setshaba, morago a nna modulasetilo wa yone.

Keorapetse o ne a tlhophiwa gape ka ngwaga wa 2019 ka 59.1% was tlhopho. Ka ngwaga wa 2002, o ne a gaisanela maemo a moeteledipele wa kganetso le Dumelang Saleshando. O ne a atlega a amogela maemo ao, mme ene le maloko a mangwe a le mane a BCP ba ne ba kobiwa mo phathing go bo ba nnile kgatlhanong le komiti ya legare ya BCP mo go tseeng maemo ao. Ka jalo o ne a nna ntlhopheng yo o ikemetseng ka nosi, a ikamanya le Umbrella for Democratic Change (UDC). Keorapetse o ne a emela ditlhopho laboraro ka ngwaga wa 2024 a le ka fa tlase ga UDC, ka nako eo o ne a na le melao kakanyetso e robabobedi, ditshutiso di le mmalwa le dipotso di le makgolo, ebile a ngangisantse dikakanyetso tsa melao tse dikgolo.

Keorapetse o ne a latlhegelwa ke ditlhopho. Mme le fa go ntse jalo, ka Ngwanatsele o ne a tlhophiwa go nna motsamaisa dipuisano tsa palamente ya Botswana. Ka e ne e le ene fela a tlhophilweng, o ne a bona thotloetso go tswa mo mapalamenteng a diphathi tse di farologaneng, a tlhomiwa go nna motho wa lesome go nna motsamaisa dipuisano tsa palamente.