Ditlhopho tsa kakaretso tsa ngwaga wa 2024

Ditlhopho tsa kakaretso di ne tsa tshwarwa kwa lefatsheng la Botswana, ka ngwaga wa 2024, kgwedi ya Lwetse e tlhola malatsi a le masome a mararo (30) go aga palamente ya bo lesome le boraro (13) ya Botswana. Go ne go tlhophiwa mapalamente a le masome a marataro le bongwe (61), makhanselara a le makgolo a marataro le bofera bongwe (609).

Phathi ya Botswana Democratic Party (BDP), e e saleng e fenya ditlhopho tsa ntlha fa lefatshe le tsaya boipuso ka ngwaga wa 1966, e ne ya fenngwa ke phathi ya Umbrella for Democratic Change (UDC) morago ga gore batlhophi ka bontsi ba fetogele kwa diphathing tsa kganetso, ba bo ba e digela kwa maemong a bone.

Phathi ya UDC e ne ya tsaya maemo a ntlha ka manno a le masome a mararo le borataro (36). Se se ne sa tlhomamisa gore Duma Boko, moeteledipele wa UDC, ebile e le moeteledipele wa leloko la yone le legolo la Botswana National Front (BNF), o ne a tlhophiwa go nna tautona wa lefatshe la Botswana. Phathi ya Botswana Congress Party (BCP) e ne ya tsaya maemo a bobedi, mme ya nna party e kgolo ya kganetso. Phathi ya Botswana Patriotic Front (BPF) e na ya iponela kgolo thata, bogolo jang mo kgaolong ya legare go oketsa manno a yone mo palamenteng. BDP yone e ne ya fokodiwa go nna le ditilo di le nne fela, nngwe ya ditatlhegelo tse digolo e e diragaletseng phathi e e busang.

Tautona wa pele, Mokgweetsi Masisi o ne a amogela maduo ka letsatsi la 1 Ngwanatsele 2024, mme a netefatsa gore neelano ya puso ke ya kagiso. Moragonyana mo letsatsing leo tautona Boko o ne a ikanisiwa ke Moatlhodimogolo Terence Rannowane, a mo letla go bopa puso ya ntlha ntlheng ga BDP, sale boipuso.