Dorcus makgato malesu

Dorcas Makgato-Malesu
Makgato ka 2021
Tsalo	Serowe, Botswana
Letso	Motswana
Ke mo	Motswana
Thuto	Sheffield University, BSc Hons in General Management in Catering Systems.

Dorcus Makgato o tsholetswe mo motseng wa Serowe,Botswana.O goletse mo toropokgolo Gaborone.O berekile e le Tona mo khuduthamaga ya puso ya lefatshe la Botswana.E ne e le mongwe wa banana ba ba neng ba nale tsholofelo ebile e tshwaileng sesupo sa letsatsi la segopotso mo lefatshe la Botswana fa le ipelela boipuso ba gwanta pele ga ga tautona wa ntlha ka ngwaga wa 1976.Go simolola ka ngwaga wa 2019 ene ele Moemedi wa lefatshe la Botswana kwa lefatsheng la Australia

Makgetho Malesu o ne a wetsa tiro ya gagwe ya bo nna Mokomishinara yo Mogolo wa Botswana kwa Australia ka ngwaga 2023 mme a direla mo tirong eno ya bodipolomate dingwaga di le nne pele a boela kwa Botswana.

Thuto

O tsene sekolo sa gagwe se segolwane kwa Sheffield University mo lefatsheng la UKkwa a feletseng a aloga mo dithutong tsa BSc Hons in General Management in Catering Systems.

Tiro

Makgato e ne e le mookamedi mogolo wa dithoto tsa mafatshe a sele tsa Botswana le ditlhabololo le tsa dipeeletso tsa madi magareng ga ngwaga wa 2007 le 2009 fa a neng a supa dikgoreletsi tsa dipeeletso le go ngoka Puso ya Botswana go dira diphetogo tsa maemo a a tokafaditsweng a peeletso, a a akaretsang go nna le seabe le go dirisana le bannaleseabe ba ba botlhokwa le lekalana la sephiri. O ne a dirisa maemo a Mokhuduthamaga wa bothati go fetola ditheo tsa go bereka ga mokgatlho le go tokafatsa mekgwa ya yone e e neng ya dira gore khamphani e nne nngwe ya balaodi ba ba kgatlhang thata ba go rotloetsa dipeeletso mo Aforika.

Pele a tsenela botsamaisi jwa dipeeletso, Makgato o ne a bereka kwa Barloworld Limited ele mokaedi wa ditirelo tsa kgwebo magareng ga ngwaga wa 2001 le 2007 mme gape e ne e le mokaedi wa khuduthamaga wa franchise ya Nashua o ne a ana le maikarabelo a kaelo ya togamaano le tiragatso ya khamphane. Pele a tsena mo Barloworld o ne a le tlhogo ya Commercial le Human Resource Division ya Air Botswana.

Maitemogelo a gagwe a ile a thusa Makgato mo tirong e a neng a e dira pele kwa lephateng la kgwebo le madirelo. Nngwe ya maikaelelo a gagwe a magolo e ne e le go leka go dira gore Botswana e nne lefelo le le kgatlhang la go dira kgwebo mo lefatsheng lotlhe. O ne a solofela go dirisa maemo a gagwe go thusa naga go tsweletsa madirelo le kgwebisano e e tshwarelelang. Fa e sale a simolola tiro ya bodihedi ka ngwaga wa 2010, o nonotshitse dikamano magareng ga Botswana le dinaga tsa boagisani mo borwa le botlhaba jwa Aforika, fa a ntse a tlhagisa maiteko a go tiisa boitshupo jwa Botswana mo madirelong a diteemane le a naga ka bophara. E ne e le Tona ya Boitekanelo le Tona ya pele ya Kgwebo le Madirelo ka ngwaga wa 2014.O kgonne go etelela pele le go tlhama mekgatlho ya basadi, jaaka Women in Sports Botswana le BDP Woman's League.