Doreen Sioka

Motlotlegi Doreen Sioka Mopalamente
Tona wa tekatekano ya bong le tlhokomelo ya bana
In office Mopitlo a le lesome le borobabobedi ngwaga wa 2015 – Mopitlo a le lesome le motso ngwaga wa 2025
President	Hage Geingob
Pele Ga Gagwe	Rosalia Nghidinwa
President	Hifikepunye Pohamba
Pele Ga Gagwe	Marlene Mungunda
Morago Ga Gagwe	Rosalia Nghidinwa
Tona wa pereko le selegae
President	Hifikepunye Pohamba
Pele Ga Gagwe	Immanuel Ngatijizeko
Morago Ga Gagwe	Erkki Nghimtina
Mothusa motsamaisa dipuisano tsa palamente
President	Hifikepunye Pohamba
Pele Ga Gagwe	Willem Konjore
Morago Ga Gagwe	Loide Kasingo
Ka Ga Ena
O tsetswe	Phatwe a le lesome le borobabobedi ngwaga wa 1960 Kasheshe
Mosetshaba wa	Namibian
Mokgatlho	SWAPO
Mo/Bakapelo	Victor Sioka
Bana	ba le bararo
Alma mater	Management College of Southern Africa
Tiro	Mopolotiki
Tiro	Morutabana

Doreen Nampiye Sioka (o o tshotsweng ka 1960) ke mopolotiki wa kwa Namibia. E ne e le leloko la palamente ya Namibia go tswa ka 1994 go tsena Mopitlo a le masome mabedi le motso ngwaga wa 2025 mo phathing ya SWAPO, gape e le tona go tswa ka 2005 go tsena Mopitlo a le masome mabedi le motso ngwaga wa 2025, o berekile e le tona wa tekatekano ya bong, nyeletso lehuma le tlhokomelo ya matshelo a batho.

Botshelo jwa a le mmotlana le go tshaba

Sioka o tshotswe ka Lwetse a le lesome le borobabobedi ngwaga wa 1960, kwa motseng wa Kasheshe kwa kgaolong ya Zambezi, a tsena sekolo se sebotlana kwa motseng wa kwa ga bone. Fa a le dingwaga di le lesome le botlhano, o ne a tshabela kwa Zambia, ka ntlha ya kgotlhang kwa South West Africa gareng ga sesole sa puso ya tlhaolele le balwela kgololesego ba Namibia.

Fa a ne a gobetse mo tlhaselong ya sesole sa Aforika Borwa kwa Oshatotwa ka 1976 o ne a nna leloko la Liberation Army of Namibia, a tsaya karolo mo mo ditlhaselong tsa Katima Mulilo ka 1977 le 1978 e le mongwe wa masole a basadi ba bararo fela.

Morago ga tlhaselo ya 1988 o ne a berekela seromamowa sa Voice of Namibia, a tsweledisa dithuto tsa gagwe. O ne a amogela setlankana sa bobegadikgang le motlobo wa dibuka kwa Ndola a fetsa sekolo se segolwane kwa Roosevelt kwa Freetown, Sierra Leone. Sioka o ne a ya go bereka e le morutabana kwa Namibia Health and Education Centre kwa Kwanza-Sul, Angola, go fitlhelela ka lobakanyana fela pele ga boipuso jwa Namibia.

Tiro ya sepolotiki

Morago ga boipuso jwa Namibia ka 1989 Sioka o ne a tshwara maemo a a farologaneng a sepolotiki mo khanseleng ya SWAPO ya basadi. O ne a tlhophiwa go ya palamenteng ka 1994, le komiti ya legare ya SWAPO ka 1997. Ka 2005, Sioka o ne a tlhophiwa go nna mothusa motsamaisa dipuisano tsa palamente ya bone.

Morago ga ditlhopho tsa lefatshe la Namibia tsa 2009, Sioka o ne a thapiwa go nna tona wa tekatekano ya bong, le tlhokomelo ya bana, mo kabakanyong ya matona ka Morule 2012, morago ga bokopano jwa SWAPO, maemo a gagwe a bo tona a ne a fetolwa go nna tona wa pereko le selegae, a tlhatlhama Immanuel Ngatjizeko.

Fa Hage Geingob a nna tautona ka 2015, Sioka o ne a busediwa kwa mameong a go nna tona wa tekatekano ya bong, le tlhokomelo ya bana. O ne a nna mo maemong a morago ga Geingob a sena go tlhopha palamente ya gagwe mo legatong la bobedi. Ka 2020, bagwanti ba ShutItAllDown ba ne ba gwetlha gore a ithole marapo morago ga ba sena go supa fa a sa kgone go rarabolola kgang ya kgotlhang ya baratani kwa Namibia.

Botshelo jwa gagwe

Doreen Sioka o nyetswe ebile o na le bana ba le bararo. Ntle le degree tsa gagwe tse a nnileng le tsone ka nako ya fa a tshabile, o ne a fetsa dithuto di le pedi, a nna le high diploma le setlankana sa tshireletso go tswa kwa Cambridge Tutorial College le diploma ya kgebo go tswa kwa Management College of Southern Africa (MANCOSA).