Doris Dlakude

Motlotlegi Doris Dlakude Mopalamente
Mothusa motlhokomedi wa phathi e e busang
Incumbent
Assumed office Seetebosigo a le masome mabedi ngwaga wa 2013
President	Jacob Zuma Cyril Ramaphosa
Motlhokomedi mogolo	Mathole Motshekga Stone Sizani Jackson Mthembu Pemmy Majodina
Pele Ga Gagwe	Mmamoloko Kubayi (a tshwareletse) Bulelani Magwanishe
Mopalamente
Incumbent
Assumed office Tlhakole a robabongwe ngwaga wa 2010
Constituency	Mpumalanga
Ka Ga Ena
O tsetswe	Phatwe a le lesome le borataro ngwaga wa 1969
Mokgatlho	African National Congress
Mo/Bakapelo	Vusi Dlakude

Doris Eunice Dlakude (o o tshotsweng ka Phatwe a le lesome le borataro ngwaga wa 1969) nako tse dingwe le peletiwa Dorris kgotsa Dorries, ke mopolotiki wa kwa Aforika Borwa go tswa kwa Mpumalanga. Ke mothusa motlhokomedi wa phathi e e busang kwa palamenteng. O thapilwe mo maemong ao ka Seetebosigo 2013, a emetse African National Congress, o sale a nna mopalamente ka Tlhakole 2010.

Botshelo jwa a le mmotlana le thuto

A tshotswe ka Phatwe a le lesome le borataro ngwaga wa 1969, Dlakude o alogile ka matric go tswa kwa Mjokwane Senior Secondary School kwa Komatipoort kwa e neng e le Transvaal botlhaba pele. O na le Honours Degree ya puso le boeteledipele go tswa kwa University of Witwatersrand.

Tiro ya gagwe ya pele ya polotiki

Dlakude o nnile mo maemong a a farologaneng mo phathing ya gagwe ya African National Congress (ANC); e ne e le motshwara madi wa kgaolo wa lekgotla la banana la ANC kwa Ehlanzeni; o ne a le mo komiting ya kgaolo ya ANC le lekgotla la bomme la ANC kwa Mpumalanga, o feditse ditlha di le thataro e le mokwaledi wa lekalana la kwa ga bone. O nnile mopalamente ka Tlhakole a le malatso a robabongwe ngwaga wa 2010, a tsaya maemo a Nomatyala Hangana a neng a a ithotse.

Mothusa motlhokomedi: 2013 go tsena gompieno

Ka Seetebosigo a le masome mabedi ngwaga wa 2013, ANC ene ya itsise fa Dlakude a tlaa nna mo maemong a mothusa motlhokomedi wa phathi e e busang; o ne a thusa Stone Sizani, o le ene e neng e le gone a thapiwang, a tlhatlhama Mmamoloko Kubayi, o a neng a ntse a tshwareletse mo maemong ao. Sizani le Dlakude ba ne ba ba thapiwa gape morago ga ditlhopho tsa 2014, mme Sizani o ne a ithola marapo ka Mopitlo a le malatsi a mabedi ngwaga wa 2016, Dlakude o ne a tshwarelela maemo a motlhokomedi-mogolo go fitlhelela Jackson Mthembu a thapiwa dibeke tse tharo morago.

Ka nako eo, Dlakude o ne a le mo komiting ya nakwana e e tlhamilweng go tsibogela Nkandlagate. O ne a sireletsa tautona Jacob Zuma ka nako ya digangisano tsa komiti e, mme ene le Kubayi ba ne ba gapa leitlho la metswedi ya dikgang fa ba tsewa senepe ba itaka dinala ka nako ya bokopano jwa komiti eo.

Morago ga ditlhopho tsa 2019, Pemmy Majodina o ne a thapiwa e le motlhokomedi fa Dlakude a ne a tswelela a e le mothusi. John Steenhuisen, moeteledipele wa phathi ya kganetso ya Democratic Alliance, a re o ne a akanya gore ANC e latlhegetswe ke selwana mo go Dlakude...ka o ne a ka dira motlhokomedi wa tlhwatlhwa.

Botshelo jwa gagwe

O nyetswe ke Vusi Dlakude, o o tlhageletseng kwa kgotlatshekelong ya mmakaseterata wa Nkomazi ka tsheko ya go sa bue boammaruri o le mo maikanong, a lebisitswe molato wa go kgothosa ka Firikgong 2018. O na le kgwebo ya lefelo le le bayang baswi.