Edith Lucie Bongo

Edith Lucie Bongo Ondimba
Edith Lucie Bongo
Mohumagadi wa gabon
Mohumagadi wa Gabon
In office Phatwe a le malatsi a mane ngwaga wa 1989 – Mopitlo a le lesome le bone ngwaga wa 2009
President	Omar Bongo
Pele Ga Gagwe	Patience Dabany
Morago Ga Gagwe	Sylvia Ajma Valentin
Ka Ga Ena
O tsetswe	Edith Lucie Sassou Nguesso Mopitlo a le lesome ngwaga wa 1964 Brazzaville, Republic of the Congo
O Tlhokafetse	Mopitlo a le lesome le bone ngwaga wa 2009 Rabat, Morocco
Mokgatlho	Democratic
Mo/Bakapelo	Omar Bongo
Bana	Ba le babedi
Batsadi	Denis Sassou Nguesso
Tiro	Ngaka

Edith Lucie Bongo Ondimba (o a neng a fana ka Sassuo Nguesso pele; Mopitlo a le lesome ngwaga wa 1964 a tlhokafala ka Mopitlo a le lesome le bone ngwaga wa 2009) e ne e le mohumagadi wa Gabon e le mosadi wa ga tautona Omar Bongo go tswa ka 1989 go tsena 2009. E ne e le bontlha jwa lolwapa loora Bongo.

Botshelo jwa gagwe

Edith Lucie Bongo Ondimba o tshotswe ka Mopitlo a le lesome ngwaga wa 1964. Rraagwe e ne e le Denis Sassou Nguesso, o morago a neng a nna tautona wa Republic of the Congo (go tswa ka 1979 go tsena 1992, le 1997 go tsena gompieno).  Lonyalo lwa gagwe le tautona Bongo ka Phatwe a le malatsi a mane ngwaga wa 1989, lo ne lo bonwa e le sekai sa botsalano gareng ga mafatshe a mabedi, go ya ka Reuters.

O ne a ithutetse bongaka, e le ngaka ya bana, HIV/AIDS e le nngwe ya malwetsi a a itebagantseng. O ne a thusa go tlhama go ikopanya ga bahumagadi ba Aforika go lwantsha AIDS, a tlhama mekgatlho ya bana ba ba sa tlhokomelesegeng le batho ba ba nang le bogole.

Botshelo jwa gagwe le loso.

Ka 2009, o ne a robadiwa kwa sepateleng sa Rabat,kwa Morocco. Ka Mopitlo a le lesome le bone ngwaga ws 2009, o ne a tlhokafala kwa sepateleng seo, malatsi a le mane morago ga letsatsi la matsalo a gagwe a masome a mane le botlhano. Pego e e neng e bega loso lwa gagwe ga e a papamatsa se se bakileng loso kgotsa bolwetsi jwa gagwe. O ne a sa tlhagelela mo setshabeng dingwaga di ka nna tharo pele ga loso lwa gagwe. Morago ga phitlho ya puso kwa Libreville, Gabon, setopo sa ga Edith Bongo se ne sa isiwa kwa Edu, kwa motseng wa ga rraagwe kwa bokone jwa Congo, go bolokwa ka fa ngwaong kwa mabitleng a lolwapa ka Mopitlo a le masome mabedi ngwaga wa 2009. Phitlho, e e neng e supiwa mo ditshwantshong tsa motshikinyego tsa Gabon le Congo, e ne e tseneletswe ke tautona Bongo, Sassou Nguesso le ditautona tsa mafatshe a Benin, Central African Republic,Democratic Republic of Congo,Equatorial Guinea le Togo.

Morago ga loso lwa gagwe go ne ga itsisiwe mo setshwantshong sa motshikinyego sa Gabon ka Motsheganong a le malatsi a marataro ngwaga wa 2009 gore Omar Bongo o emisitse ditiro tsa gagwe ka nakwana  tsa botautona gore a kgone go sidilega le go boela mo maemong. Pego e ne ya gatelela gore Bongo o amilwe thata ke bolwetsi le go tlhokafala ga mosadi wa gagwe. Tautona Bongo o ne a tlhokafala morago ga kgwedi ka Seetebosigo a robabobedi ngwaga wa 2009, dikgwedi di le tharo morago ga loso lwa ga Edith, kwa kokelwaneng kwa Barcelona,Spain.