Elijah Ngurare

Motlotlegi Elijah Ngurare
Ngurare ka 2025
Tonakgolo wa Namibia
Incumbent
Assumed office Mopitlo a le masome mabedi le motso ngwaga wa 2025
President	Netumbo Nandi-Ndaitwah
Deputy	Natangwe Ithete
Pele Ga Gagwe	Saara Kuugongelwa
Mokwaledi mogolo wa lekgotla la banana la SWAPO
In office 2007–2015
Pele Ga Gagwe	Paulus Kapia
Morago Ga Gagwe	Veikko Nekundi
Mokwaledi wa phatlalatso mafoko
In office 2002–2007
Morago Ga Gagwe	Job Amupanda
Ka Ga Ena
O tsetswe	Elijah Tjitunga Ngurare 1970 Phalane a le masome mabedi le borobabobedi Nkurenkuru, Kavango
Mosetshaba wa	Namibian
Mokgatlho	SWAPO
Mo/Bakapelo	Albertina Mbute Ngurare
Bana	ba le bane
Bonno	Windhoek
Alma mater	Central State University, University of Dundee, University College Cork

Tjitunga Elijah Ngurare (o o tshotsweng ka Phatwe a le masome mabedi le borobabobedi ngwaga wa 1970) ke mopolotiki wa kwa Namibia, gape ke morutuntshi o e leng tonakgolo ya Namibia ya gompieno. Ke leloko le mo ema nokeng wa SWAPO, phathi e e busang ya Namibia, o tlhatlogile maemo ka go simolola kwa lekgotleng la banana la SWAPO,pele a bereka e le mokwaledi wa ditlhaeletsanyo, go gasa mafoko le go gwetlha batho go tswa ka 2002,pele ga a nna mokwaledi mogolo ka 2007. O nnile mo maemong a go fitlhelela ka 2015, fa a ne a lelekwa mo phathing.

O berekile e le morutuntshi kwa University of Namibia morago a nna mookamedi wa lephata la temothuo, Ka Mopitlo a le masome mabedi le motso ngwaga wa 2025,tautona Netumbo-Nandi Ndaitwah o ne a mo thapa go nna tonakgolo wa lefatshe la Namibia.

Botshelo jwa a le mmotlana le thuto

Ngurare o tshotswe ka Phatwe a le masome mabedi le borobabobedi ngwaga wa 1970 kwa Nkurenkuru kwa Kavango, kwa e neng e le South West Africa ka nako eo, mo lolwapeng lwa boesengmang ka nako ya ntwa ya molelwane wa Aforika Borwa. Rraagwe o ne a na le basadi ba bangwe ba le bane, mmaagwe e le ene o mmotlana mo botsalanong joo. Fa a le mosimanyana, o ne a tlhokomela dikgomo tsa ga rraagwe le dipudi jaaka basimane ba bangwe ka nako eo. Ke ene a motona mo baneng ba ga mmaagwe ba ba borobabongwe.

Ngurare o tsene sekoll kwa ELCIN Nkurenkuru,Linus Shashipapo,Rundu le Kolin Foundation kwa Arandis, o ne a ya go tsweledisa dithuto kwa Central State University kwa Ohio (USA) ka thuso ya madi ya ga tautona. O alogile ka maemo a a kwa godimo ka degree ya metswedi ya metsi le go e tlhokomela gammogo le botsalano jwa mafatshe. O ne a ya go dira dithuto tsa molao kwa University of Dundee kwa Scotland kwa a neng a dirisa dithuso tsa madi tsa chevening, a dira gape PhD kwa National University of Ireland ka 2009.

Tiro ya sepolotiki

Ditiro tsa ga Ngurare tsa sepolotiki di simologile ka 1983 fa a tsena sekolo kwa Nkurenkuru le kwa Linus Shashipapo, kwa a neng a le moithuti fa go tlhamiwa lekgotla la baithuti ka 1984. O nnile leloko la SWAPO ka 1986, a nna mo maemong a a farologaneng ebile a le matlhagatlhaga mo boeteleding pele jwa makgamu, makgotla le dikgaolo tsa lekgotla la banana la SWAPO. Morago ga go fetsa sekolo se segolwane. Ngurare o ne a kopa dithuso tsa madi go ya sekolong kwa moseja, o ne a kopa le mo go tonakgolo wa nako eo Hage Geingob ka 1992, mme go bolelwa fa a ne a seka a dumelelwa. O ne a kgona go dira dithuto tsa gagwe kwa United States, kwa a feditseng dingwaga di le lesome.

Fa a boa, o ne a tsenelela polotiki gape, a nna mongwe wa mapolotiki a Namibia a a itseng ka maranyane. Ka nako e bontsi bo neng bo ikaegile ka go tseelwa dikgang tsa botlhokwa ke bakwaledi, o ne a kwala tsa gagwe mo khomputirang ebile o sale a amogela go dirisa maranyane, a a dirisa go tsisa lekgotla la banana gautshwane le banana ba Namibia. Ka ngwaga wa 2004, ka fa a neng a itebaganya le sepolotiki ka teng go ne go kgatlhile bananan. O ne a thapa diopedi di tshwana le Gazza, The Dogg le Gal Level go diragatsa kwa meletlong ya SWAPO.

Ka ngwaga wa 2015, o ne a latlhegelwa ke maemo a gagwe a bokwaledi,a kobiwa mo SWAPO ene le motlhami wa Affirmative Repositioning Job Amupanda go bo ba gogile leina la phathi mo seretseng ba bo ba roga baeteledipele ba phathi. O ne a busediwa kwa SWAPO morago ga ditsheko tse dintsi ka 2017. O ne a nna mookamedi wa metswedi ya metsi a legae ka Mopitlo 2020 mo lephateng la temothuo. Ngurare o berekile gape e le mothusa mookamedi wa lephata leo. O nea ithola marapo mo maemong ao ka Morule a le malatsi a marataro ngwaga wa 2024 go ya palamenteng. Mothusa tautona wa SWAPO Netumbo Nandi-Ndaitwah o ne a mo tlhopha go nna mo lenaaneng la go ya palamenteng. Morago ga go fenya ditlhopho ga SWAPO ka 2024, Ngurare o ne a tlhomiwa tonakgolo wa Namibia ka Mopitlo a le masome mabedi le motso ngwaga wa 2025.

Tsa kgwebo

O berekile a le mo lekgotleng l baokamedi kwa koporaseng ya Namdeb Diamond, Namdeb Holdings, Africa Online, Multichoice Namibia, Kalahari H oldings le Namibia Water Corporation.

Botshelo jwa gagwe

Ngurare o nyetse Dr. Albertina Mbute Ngurare. Ba na le bana ba le bane. Ke Mokeresete o o tsenang kereke ya Lutere, ebile a ya kerekeng kgapetsakgapetsa.

Kwa ntle ga tsa sepolotiki, e ne e le leloko la setlhopha sa diopedi sa Rasta Rebels kwa Kaisosi, Rundu ka dingwaga tsa 1980.