Elizabeth Addo

Elizabeth Addo (yo o tshotsweng ka ngwa wa 1993,kgwedi ya Lwetse e rogwa) ke motshameki wa kgwele ya dinao wa kwa Ghana yo o tshamekelang setlhopha sa Al-Riyadh sa Saudi. Gape ke mokapotene wa setlhopha sa bosetšhaba sa kgwele ya dinao sa basadi sa Ghana.

Tiro ya setlhopha

Addo o simolotse tiro ya gagwe kwa Ghana, a tshamekela setlhopha sa Tesano Ladies F.C. ka 2003 mme moragonyana a saenela Athleta Ladies F.C e e bidiwang "Ashaiman Ladies" e e neng e le kwa Ashaiman ka ngwaga wa 2007–2012. O ne a fetsa dipaka di le mmalwa koo mme moragonyana a tsenelela setlhopha se segolo sa Nigeria sa Rivers Angels F.C. go tloga ka 2012 go fitlha ka 2014. Tiragatso ya gagwe e thusitse setlhopha go fenya Liki ya Kgwele ya Dinao ya Basadi ya Nigeria ya 2012–13 le Liki ya Kgwele ya Dinao ya Basadi ya Nigeria ya 2013–14 a le ka fa tlase ga motsamaisi wa Rivers Angels F.C. Edwin Okon. Basadi ba Port Harcourt, ba ne ba oketsa ketapele gabedi mo motsotsong wa bo masome matlhano le borataro morago ga motshameko o montle mo lebokosong la Amazon la dijarata di le lesome le boferabobedi o o neng wa nosiwa ke Addo.

Addo o ne a boela kwa Ghana ka 2014 mme moragonyana a tsenelela setlhopha sa ŽFK Spartak Subotica kwa Serbia ka one ngwaga oo.

Ferencvárosi TC, 2015–16

Ka ngwaga wa 2015, Addo o ne a boela kwa Yuropa mme a kopanela le setlhopha se segolo sa Hungary sa Ferencvárosi TC kwa Budapest kwa Hungary. O ne a le karolo e e botlhokwa ya setlhopha sa ntlha ka fa tlase ga motsamaisi Balázs Dörnyei mme a fenya sekgele sa liki ya Női NB I ya Hungary ya 2015–16 le Sejana sa Basadi sa Hungary ka 2016.

Addo o ne a tsewa e le mongwe wa batshameki ba bararo ba ba kwa godimo ba setlhopha. O tshamekile metshameko e le masome a mabedi le bosupa ya liki mme a nosa dino di le lesome le bosupa go thusa setlhopha sa gagwe go fenya sekgele sa Liki ya Női NB I ya Hungary.O ne a nosa nno ya go lekalekanya mo motsotsong wa bo 89 kgatlhanong le moganetsi wa MTK e e neng ya fetola mola wa dino Ferencvárosi TC 1–1 MTK. Nno ya gagwe ya go lekalekanya e ne ya thusa setlhopha sa gagwe go tshwanelegela makgaolakgang a Sejana sa FA sa Hungary ka diphenalethi. O ne a tshamekela setlhopha sa gagwe metsotso e e tletseng e le masome a le boferabobedi go fenya Honved ka 5-0 mo makgaolakgannyeng.

Addo o ne a tshamekela Club Ferencváros mo Liking ya Basadi ya UEFA ya 2015–16 mme a tsaya maemo a bobedi ka nako ya kgato ya ditlhopha.Ka 2016, Addo e ne e le mongwe wa batshameki ba le bararo ba ba neng ba tlhophilwe go bona awate ya Motshameki wa Kgwele ya Dinao wa Basadi wa Ngwaga wa Női NB I wa 2015–16.

Kvarnsvedens IK, 2016–2017

Ka Phatwe 2016, setlhopha sa Kvarnsvedens IK sa Liki ya Damallsvenskan se ne sa saena Addo yo o neng a tsenetse setlhopha ka phetisetso ya mahala. Addo o tshamekile metshameko e le 8 mo liking, kwa a neng a nosa dino di le 5 mo Kvarnsvedens IK. O ne a tshwailwe leina la gagwe mo Sweden Damallsvenskan Best XII ya kgwedi ya Lwetse 2016.

Seattle Reign and loan to Western Sydney Wanderers, 2018

Addo o ne a saenile konteraka ya go tsenela Boston Breakers mo NWSL, le fa go ntse jalo Breakers e ne ya menagana pele ga paka ya 2018.O ne a tlhophiwa ke Seattle Reign mo Tlhatlhobong ya go Phatlalatsa ka tlhopho ya boferabobedi.

Ka ngwaga wa 2018 ,kgwedi ya la 11 Diphalane e tlhola malatsi lesome le bongwe 2018, Addo o ne a saeniwa ka kadimo go Wanderers ya Bophirima jwa Sydney mo pakeng ya W-League ya 2018–2019.

Jiangsu Suning

Ka Moranang 2019, setlhopha sa Liki ya Basadi ya China sa Jiangsu Suning se ne sa mo saena mo tumalanong ya ngwaga o le mongwe morago ga go kgaogana le Seattle Reign morago ga gore konteraka ya gagwe e fele kwa a neng a kopanela le molekane wa gagwe wa pele wa setlhopha, Tabitha Chawinga kwa tlelapong ya Sweden ya Kvarnsvedens.Go nna ga gagwe le tlelapo go ne ga fela ka bonako go feta ka fa go neng go tshwanetse ka teng ka maswabi ka ntlha ya leroborobo la COVID-19 ka ngwaga wa 2020. Fa a ne a le kwa tlelapong o ne a tshameka metshameko e le lesome le bone, a nosa makgetlo a le tlhano le go thusa dino di le lesome. Mo nakong e khutshwane eo le setlhopha o ne a gapa dijana di le nne, Super League ya Basadi ya China, Sejana sa FA sa Basadi, Kgaisano ya FA le Sejana sa Super sa Basadi. Addo e ne e le karolo ya konokono ya setlhopha se se neng sa tsaya maemo a bobedi mo Kgaisanong ya ntlha ya Ditlhopha tsa Basadi tsa AFC mo pakeng ya gagwe ya ntlha.

Apollon Ladies

Morago ga go tshameka ngwaga o le mongwe mo Liking ya Basadi ya China Addo, o ne a saenela setlhopha sa maemo a a kwa godimo sa Cyprus sa Apollon Ladies FC ka 2020.Addo o ne a tshameka lekgetlo la ntlha mo setlhopheng sa Cyprus sa Apollon Ladies FC ka kgwedi ya Ngwanatsele a tlhola malatsi a le mane ka ngwaga wa 2020 fa ba ne ba fenya Swansea Ladies ka 3-0 mo tikologong ya ntlha ya go tlhopha ya Liki ya Basadi ya UEFA.

North Carolina Courage, 2021

Ka ngwaga wa 2021, kgwedi ya Ferikgong e tlhola malatsi a le lesome le boferabobedi, Addo o ne a boela kwa United States morago ga go fudugela kwa setlhopheng sa setšhaba sa Liki ya Kgwele ya Dinao ya Basadi sa North Carolina Courage ka tumalano ya ngwaga o le mongwe, ka kgetho ya go okelediwa dikgwedi di le lesome le bobedi.

Djurgårdens IF

Ka Moranang 2021, o ne a nna leloko la Djurgårdens IF.O ne a tlogela setlhopha morago ga setlha.O ne a tshameka metshameko e le masome a mabedi mme a nosa nno e le nngwe kwa Damallsvenskan mo setlhopheng.

Beşiktaş

Ka ngwaga wa 2022,kgwedi ya Mopitlwe, Addo o ne a saenela setlhopha sa Turkey sa Beşiktaş.

Al Hilal

Ka ngwaga wa 2022 , kgwedi ya Sedimonthole, Addo o ne a tsenela setlhopha sa Liki ya Basadi ya Saudi sa Al Hilal.

Tiro ya boditšhabatšhaba

Setlhopha sa basha

Addo e ntse e le motshameki wa boditšhabatšhaba yo o feletseng wa Ghana fa e sa le ka ngwaga wa 2007 . Fa a le dingwaga di le 14 , o ne a tshameka le setlhopha sa bosetšhaba sa ba ba ka fa tlase ga dingwaga di le 14 kwa Sejaneng sa Lefatshe sa Basadi sa FIFA U-14 sa 2007 se se neng se tshwaretswe kwa Switzerland mme a nna moeteledipele wa setlhopha go ya kwa makgaolakgannyeng mme kwa bofelong a nna bommampodi .

O ne a le mokapotene wa Ghana kwa Sejaneng sa Lefatshe sa Basadi sa FIFA sa U-17 sa 2008 se se neng se tshwaretswe kwa New Zealand mme e ne e le motlatsa mokatisi wa setlhopha sa basadi sa Ghana sa U-17 (Black Maidens) kwa Sejaneng sa Lefatshe sa Basadi sa FIFA sa U-17 sa 2010 sa 2010.Addo e ne e le karolo ya setlhopha sa setšhaba se se neng se gaisana mo Sejaneng sa Lefatshe sa Basadi sa FIFA U-20 sa 2010 se se neng se tshwaretswe kwa Jeremane mme a gaisana kwa Sejaneng sa Lefatshe sa Basadi sa FIFA U-20 sa 2012 se se neng se tshwaretswe kwa Japane.

Setlhopha se segolo

Gape o ne a le karolo ya setlhopha sa bosetšhaba se se neng se gaisana ka 2014 Ditshwanelego tsa Bommampodi ba Basadi ba Aforika.O ne a le gareng ga Ghana Squared e e neng e lebagane le Cameroon mo metshamekong ya go tlhopha ya Metshameko ya Diolimpiki ya Rio ya 2016 kwa Lebaleng la Metshameko la Accra -Ghana O ne a tshameka mo motshamekong wa botsalano kgatlhanong le Jeremane ka ngwaga wa 2016,Phukwi a tlhola malatsi a le masome le bobedi. Ka ngwaga wa 2016,Moranang a tlhola malatsi a le lesome le bobedi, o ne a nna le seabe se segolo mo go tlhopheleng Ghana ya Na21 O ne a etelela setlhopha sa Ghana pele jaaka mokapotene go ya kwa maemong a Boraro mo Sejaneng sa Ditšhaba sa Basadi sa Aforika sa 2016.O fentse dikabelo tse pedi tsa monna wa metshameko mme a nosa dino di le 3 mo Kgaisanong go feleletsa e le motshwaradino wa boraro le motshwaradino yo o kwa godimo wa setlhopha sa Ghana.Ka ntlha ya ditiro tsa gagwe kwa kgaisanong o ne a bidiwa mo Setlhopheng sa Kgaisano.O ne a le karolo ya setlhopha sa Ghana kwa Sejaneng sa Ditšhaba sa Basadi sa Aforika sa 2018 se se neng se tshwaretswe kwa Ghana. Ka Mopitlwe 2020, e ne e le karolo ya setlhopha sa Ghana se se neng se tsaya karolo mo Sejaneng sa Basadi sa Turkey sa 2020 se e leng kgaisano ya kgwele ya dinao ya basadi ya taletso ya ngwaga le ngwaga e e tshamekelwang kwa Turkey.O ne a etelela setlhopha pele go fetsa mo maemong a bobedi mo setlhopheng sa bonefa a ntse a tsaya maemo a boraro ka kakaretso mo kgaisanong ya go gapa mmentlele wa boronse le sekgele.

Dino tsa boditšhabatšhaba

No.	Letsatsi	Lefelo	Moganetsi	Dino	Maduo	Kgaisano
1.	12 April 2015	Rufaro Stadium, Harare, Zimbabwe	Zimbabwe	2–1	2–2	2015 African Games qualification
2.	31 May 2015	Accra Sports Stadium, Accra, Ghana	Egypt	3–0	3–0	2015 CAF Women's Olympic qualifying tournament
3.	20 November 2016	Stade Municipal de Limbe, Limbe, Cameroon	Kenya	2–1	3–1	2016 Women's Africa Cup of Nations
4.	23 November 2016		Nigeria	1–1	1–1
5.	26 November 2016	Stade Ahmadou Ahidjo, Yaoundé, Cameroon	Mali	3–0	3–1
6.	3 November 2018	Nkoloma Stadium, Lusaka, Zambia	Zambia	2–0	2–3	Friendly
7.	20 November 2018	Accra Sports Stadium, Accra, Ghana	Mali	1–1	1–2	2018 Women's Africa Cup of Nations
8.	10 March 2020	Starlight Sport Complex, Antalya, Turkey	Kenya	1–0	3–1	2020 Turkish Women's Cup
9.				2–0

Ditlotla

Rivers Angels

• Nigeria Women Premier League: 2014
• Aiteo Cup: 2013, 2014

Ferencváros

• Női NB I: 2015–16
• Nöi Magyar Kupa: 2015–16

Jiangsu Suning

• Chinese Women's Super League: 2019
• Chinese Women's FA Cup: 2019
• Chinese Women's FA Tournament: 2019
• Chinese Women's Super cup: 2019
• AFC Women's Club Championship runners-up: 2019

Ghana

• Africa Women Cup of Nations third-place: 2016
• Turkish Women's Cup third-place: 2020

Ka bo ga gagwe

• Africa Women Cup of Nations 2016: Best XI
• Ghana Women's Footballer of the Year: 2019
• Africa Women's Player of the Year 2016: Top 3
• Africa Women's Player of the Year 2018: Top 10
• Africa Women's Player of the Year 2019: Top 10
• IFFHS CAF Women's Team of the Decade: 2011–2020

Tshedimosetso tse dingwe

• List of Ghana women's international footballers