Ellen Serwaa Nee-Whang

Ellen Serwaa Nee-Whang (o o tshotsweng ka Ngwanatsele a le malatsi a mabedi ngwaga wa 1952) ke moemedi wa lefatshe la Ghana kwa mafatsheng a sele.

Thuto

O tsene sekolo se segolwane sa Aburi Girls' School, kwa a alogileng ka GCE Ordinary Level le Advancef Level. Ka ngwaga wa 1973, o ne a dira degree tsa English le Diploma tsa botsalano jwa mafatshe kwa University of Ghana.

Tsa pereko

Ka 1974, o ne a tsena mo tirong ya mafatshe a sele ya lefatshe la gagwe. Go tswa ka 1985 go tsena 1989, o ne a bereka e le mogakolodi kwa kemeding ya Ghana kwa Monrovia,Liberia, a neetswe tiro ya go etelela pele ofisi ya mafatshe a sele. Ka dingwaga tsa 1989 le 1993, o ne a bereka mo lephateng la mafatshe a sele la Ghana. Go tswa ka 1993 go tsena 1997, e ne e le moeteledipele wa ofisi ya mafatshe a sele kwa bodireding jwa sennela ruri jwa Ghana kwa United Nations kwa Geneva,Switzerland. Go tswa ka Moranang 2000, go tsena Ngwanatsele 2005, e ne e le moemedi kwa Pretoria,Aforika Borwa, a emetse dipuso tse di farologaneng kwa Maseru,Antananarivo,Port Louis,Victoria Mbabane le Moroni. Go tswa ka Firikgong 2006 go tsena Phalane 2008,o berekile e le mookamedi wa lephata la mafatshe a sele.

Go tswa ka Ngwanatsele 2008 go tsena Morule 2012, e ne e le moemedi kwa Bern,Switzerland a eme gape kwa Vienna,Austria. E ne e le moemedi kwa ofising ya United Nations kwa Geneva go tswa ka 2009 go tsena 2012. O ithotse marapo ka 2012.