Emile Short

Emile Francis Short
Molaodi wa ntlha wa ditshwanelo le tshiamiso ya tsamaiso
In office 1993 – Morule 2010
President	Jerry Rawlings
Deputy	Anna Bossman
Morago Ga Gagwe	Lauretta Lamptey
Ka Ga Ena
O tsetswe	Tlhakole a le malatsi a marataro ngwaga wa 1943 Cape Coast
Mosetshaba wa	Ghanaian
Mo/Bakapelo	Gladys Quarshie Short
Bana	Maxine Beauport Short Emil Short Jennifer Mograbi Short
Alma mater	St. Augustine's College University of London London School of Economics and Political Science
Tiro	Moatlhodi Morutegi

Emile Francis Short ke moatlhodi wa kwa Ghana,gape e le moithuti le molaodi wa ntlha wa ditshwanelo tsa setho le tshiamiso kwa Ghana.

Botshelo jwa a le mmotlana le thuto

Short o tshotswe ka Tlhakole a le malatsi a marataro ngwaga wa 1943, kwa Cape Coast,Gold Coast. E le ngwana wa ga Joseph Short, mmueledi wa kwa Sierra Leone le Wilhelmina Short, o a neng a fana ka Smith pele, motho wa lotso lwa Fante o bontlha jwa lotso lwa gagwe e leng lwa Sierra Leone ka rraagwemogolo mo lotlhakoreng lwa ga rraagwe, Francis Smith (moatlhodi), moatlhodi wa kgotlatshekelo kgolo ya Gold Coast. O simolotse sekolo se sebotlana kwa Jubilee School, kwa Cape Coast. Fa a le dingwaga di le lesome le bobedi, o ne a kwadisiwa kwa St Augustine's College kwa Cape Coast go dira setlankana sa O Level le A Level. Fa a fetsa sekolo se segolwane, Short o ne a ya go tsweledisa kwa University of London, kwa a ithutetseng LLB ya molao. O simolotse go bereka kwa England ka 1966 morago ga go ithutela setlankana sa Barrister at Law kwa Lincoln's Inn. O ne a aloga ka Master's degree wa molao go tswa kwa London School of Economics and Political Science. A simolola go bereka mo go tsa molao kwa Ghana ka 1973, morago ga go ithutela molao wa ngwao kwa Ghana School of Law. O na gale le doctorate ya tlotla go tswa kwa Northwestern University kwa Illinois.

Tsa Pereko

Short o simolotse tiro ya semolao kwa Sierra Leone, kwa a thapilweng e le mmueledi wa lefatshe ka 1968 morago ga go ruta ka nakwana kwa Middlesex Polytechnic kwa London,United Kingdom. O simolotse tiro ya molao kwa Ghana ka 1974 kwa Max-Idam Chambers kwa Cape Coast. O rutile kwa sekolong sa University of Cape Coast kwa kgaolong e e kwa legareng la Ghana, a bereka gape e le mogakolodi wa United Nations Development Programme, le mokwaledi wa mafatshe a selekane kwa London, le kwa Carter Center kwa United States.

O ne a tlhomiwa molaodi wa ditshwanelo le tshiamiso kwa Ghana kwa tshimologong ya palamente ya bone ka 1993, ka tautona Jerry Rawlings.

Ka 2004, o ne a tsaya malatsi a boikhutso a go sa buiwang gore a fela leng, mo maemong a gagwe kwa CHRAJ go nna moatlhodi wa United Nations International Criminal Tribunal for Rwanda kwa Arusha Tanzania morago ga a sena go tlhophiwa mo maemong ao ke United Nations General Assembly. Se ke ka nako ya go atlholelwa melato ya ntwa kwa Rwanda. O ne a boela maemo a gagwe kwa CHRAJ ka Phatwe 2009. O ne a ithola marapo ka Morule 2010.

Short o nnile mogakolodi gape mo molaong wa mafatshefatshe, ditshwanelo tsa setho le tshiamiso mo makgethong a le mantsi.