Esther Mahlangu
Esther Nikwambi Mahlangu (o o tshotsweng ka Ngwanatsele a le lesome le motso ngwaga wa sekete makgolo a robabongwe masome a mararo le botlhano) ke motaki wa kwa Aforika Borwa o o itsegeng ka botaki jo bo senogileng jo bo rotloeditsweng ke lotso lwa gagwe lwa Ndebele. A godiseditswe kwa masimong kwa kgaolong ya Mpumalanga, o simolotse go penta fa a santse a le ngwana mme o ne a seka a amogela temogo epe go fitlhelela ka dingwaga tsa sekete makgolo a robabongwe le masome a robabobedi. Ke mongwe wa batho ba ba tumileng ka go penta matlo ka mokgwa wa Ndebele ebile o bakile gore batho ba mafatshefatshe ba tlhome mofuta o leitlho ka go o dirisa mo didirisiweng tse dingwe jaaka tshipi le diaparo.
Tiro ya gagwe e supilwe mo lefatsheng ka bophara ebile e tlhageletse a e dira le dikompone tse ditona di sthwana le BMW le Rolls-Royce. Fa godimo ga tiro ya gagwe ya botaki, Mahlangu o tsere karolo mo go ruteng le go somarela ngwao, a bula sekolo sa botaki kwa legaeng la gagwe go fetisa kitso ya go penta ga se Ndebele a e fetisetsa kwa dikokomaneng ba ba santseng ba leba botlana. Ke mongwe wa bataki ba ba istegeng thata ba Aforika Borwa.[1]
Botshelo jwa a sa le mmotlana
[fetola | Fetola Motswedi]Mahlangu o tshotswe ka Ngwanatsele a le lesome le motso ngwaga wa sekete makgolo a robabongwe masome a mararo le botlhano kwa masimong kwa ntle ga Middelburg, Mpumalanga, Aforika Borwa. Ke ngwana wa ntlha mo go ba robabongwe, a na le bo kgaitsadie ba le barataro le batsalwa le ene ba basadi ba le babedi, ke leloko la ba Ndebele ba kwa borwa.[2] O simolotse go penta a le dingwaga di le lesome, a rutilwe ke mmaagwe le nkukuagwe go ya ka ngwao ya se Ndebele, e mo go yone basetsana ba ithutang go penta go baakanyetsa go kgabisa malwapa a bone kwa ntle morago ga lonyalo.[3][4]
Tsa pereko
[fetola | Fetola Motswedi]Go tswa ka ngwaga wa sekete makgolo a robabongwe le masome a robabobedi go tsena ngwaga wa sekete makgolo a robabongwe masome a robabongwe le motso, Mahlangu e ne e le monni wa motse wa mo ditsong wa Botshabelo, e le mabolokelo a ditsoa a neng a seegetswe kwa thoko go ruta baeng ka ngwao ya Matebele.[5][6] O ne a amogela temogo e le lantlha ka ngwaga wa sekete makgolo a robabobedi le borobabongwe kwa ditshupong tsa Magiciens de la terre, tse di neng di tshwaretswe kwa Centre Pompidou le Grand halle de la Villete kwa Paris.[1][3][7][8] O ne a laleditswe morago ga gore basekaseki go tswa kwa ofising ya boemedi ya France, ba akaretsa morulaganyi Andre Magnin,[1] ba etele Aforika Borwa ka ngwaga wa sekete makgolo a robabongwe masome a robabobedi le borataro mme ba bona mekgabisa kwa lolwapeng lwa gagwe.[9] Fa a goroga kwa Paris, o ne a fitlhela barulaganyi ba ditshupo ba agile setshwano sa ntlo ya gagwe, e a neng a e pentile a lebeletswe ke batho ba le dikete.[10] Ditshupo tse maikaelelo a tsone e ne e le go supa botaki jwa mafatshe a e seng a bophirima,[1] katlego ya tsone e ne ya tsisa tiro ya ga Mahlangu fa pele ga batho ba mafatshefatshe.[9][11] Mo dikgweding tse pedi tse a neng a di ntse kwa France, o ne a feleletsa go penta mo teng ga mabolokelo a botaki a Angouleme.[10] Ka ngwaga wa sekete makgolo a robabongwe masome a robabongwe, o ne a amogetse ditaletso go penta kwa mafatsheng le go supa tiro ya gagwe mo mafatsheng a feta lesome le bobedi.[1]
Metswedi
[fetola | Fetola Motswedi]- 1 2 3 4 5 Mun-Delsalle, Y.-Jean (7 June 2019). "Esther Mahlangu, One Of South Africa's Most Famous Artists, Perpetuates Traditional Ndebele Painting". Forbes. Archived from the original on 11 February 2026. Retrieved 22 September 2026
- ↑ Magnin, André; Jacques Soulillou (1996). "Esther Mahlangu". Contemporary Art of Africa. H. N. Abrams. pp. 46 ff. ISBN 978-0-8109-4032-1.
- 1 2 McGlone, Peggy (3 October 2014). "Ndebele artist Mahlangu uses bold colors, striking graphics to honor African heritage". The Washington Post. Retrieved 22 September 2026
- ↑ Luckett, Helen (2019). Great Women Artists. London: Phaidon Press. p. 254. ISBN 978-0-7148-7877-5.
- ↑ "Esther Mahlangu CV" (PDF). Esther Mahlangu. Retrieved 22 September 2026
- ↑ "Reinventing Tradition: Esther Mahlangu". Southeby's. 17 February 2017. Retrieved 22 September 2026
- ↑ Cushing, Nathan (17 September 2014). "South African artist painting commissioned murals at VMFA". RVA News. Retrieved 22 September 2026
- ↑ Mabandu, Percy (6 March 2020). "Dr Esther Mahlangu in concealed colour". Art Africa Magazine. Retrieved 22 September 2026
- 1 2 Protzman, Ferdinand (28 September 1996). "Patterns of South African Life". The Washington Post. Retrieved 22 September 2026
- 1 2 "Esther Mahlangu". South African History Online. Retrieved 22 September 2026
- ↑ Merelli, Annalisa (31 July 2019). "The Paris exhibition that changed global contemporary art". Quartz. Retrieved 22 September 2026