Faith Mazibuko

Mopalamente Faith Mazibuko
Mazibuko ka Motsheganong 2019
Mokhanselara wa ditlhabololo wa Gauteng
Incumbent
Assumed office Phukwi a le malatsi a mararo ngwaga wa 2024
Premier	Panyaza Lesufi
Pele Ga Gagwe	Mbali Hlophe
Mokhanselara wa pabalesego ya setshaba wa Gauteng
In office Motsheganong a le malatsi a le masome mararo ngwaga wa 2019 – Seetebosigo a le lesome le bone ngwaga wa 2024
Premier	David Makhura Panyaza Lesufi
Pele Ga Gagwe	Sizakele Emelda Nkosi-Malobane
Ka Ga Ena
O tsetswe	Moranang a le malatsi a mabedi ngwaga wa 1965 Charteston Nigel Transvaal
Mokgatlho	African National Congress

Nonhlanhla Faith Mazibuko (o o tshotsweng ka Moranang a le malatsi a mabedi ngwaga wa 1965) ke mopolotiki wa kwa Aforika Borwa go tswa kwa Gauteng. Ke mokhanselara wa gompieno wa ditlhabololo. O sale a nna leloko la lekgotla la peomolao la kwa Gauteng go tswa ka 1996 go tsena 2004, le go tswa ka 2009 go tsena gompieno. Mazibuko ke leloko la African National Congress.

A tsholetswe kwa Charteston kwa Nigel, Mazibuko o alogile ka dithuto tsa matric go tswa kwa sekolong se segolwane sa Sekano-Ntoane. O ne a ikwadisetsa a bo a aloga ka dithuto tse di farologaneng go tswa kwa dikolong tse di farologaneng tse dikgolwane tsa ithutelo ditiro. Ke leloko la African National Congress, o ne a le matlhagatlhaga mo lekgotleng la banana la phathi eo a bereka mo makgotleng a phathi a a farologaneng. O nnile leloko la lekgotla la peomolao la kgaolo ya Gauteng ka 1996.

Ka ngwaga wa 2004, o ne a tlhophiwa go ya khanseleng ya dikgaolo e le moemedi wa sennela ruri go tswa kwa Gauteng. Mazibuko o ne a boela kwa lekgotleng la peomolao ka 2009, a thapiwa e le mokhanselara wa tlhabololo dikago. O nnile mokhanselara wa pabalesego ya setshaba ka Ngwanatsele 2010. Morago ga ditlhopho tsa 2014, Mazibuko o ne a tlhophiwa go nna mokhanselara wa lephata le le neng le sa tswa go atolosiwa la temothuo, ttikologo, tlhabololo magae le matshelo a batho. Ka Phalane 2015, Mazibuko o ne a fudusediwa kwa lephateng la metshameko, ditso, botaki le ngwao. O ne a thapiwa go nna mokhanselara wa pabalesego ya setshaba ka Motsheganong 2019 pele ga a nna mokhanselara wa ditlhabololo ka Phukwi 2024.

Botshelo jwa a le mmotlana le thuto

Faith Nohlanhla Mazibuko o tshotswe ka Moranang a le malatsi a mabedi ngwaga wa 1965 kwa motsaneng wa Charteston kwa Nigel kwa e neng e le kgaolo ya Transvaal ya Aforika Borwa pele. O tsene sekolo kwa Jabavu East Community School le St Matthews Roman Catholic School pele ga a tsena Marian Hill School kwa Pinetown kwa e neng e le kgaolo ya Natal. Mazibuko o ne a fudugela kwa Transvaal a aloga kwa Sekano-Ntoane. O ne a ikwadisetsa dithuto tsa degree kwa University of South Africa a itebagantse le thuto, sekgoa le ditso.

Mazibuko o feditse thuto ya Executve Leadership kwa University of Witwatersrand. O ne a ya go dira setlankana sa boeteledipele le dipuisano le sa boeteledipele jwa setshaba e sepolotiki kwa Rhodes University le Afrika Intellectual Resources ka tatelano.

O ne a ya go dira thuto e khutshwane mo go lweleng ditshwanelo tsa setso sa Aforika. O ithutetse le tsa dikomiti tsa tshireletso kwa Cadres School kwa Havana, Cuba.

Polotiki

Fa a santse a le monana, Mazibuko o ne a le leloko le le matlhagatlhaga la makgotla a a latelang: lekgotla la baithuti ba Soweto, lekgotla la baithuti ba BaKeresete, lekgotla la banana ba Soweto, le Soweto Civic Organisation. E ne e le leloko la tlhwatlhwa la lekgotla la banana la African National Congress kwa Moroka, Soweto, gape e le mookamedi wa lekalana leo. Mazibuko e ne e le leloko la komiti ya lekgotla la banana ya kgaolo a bereka gape e le mokwaledi wa metshameko, botaki le ngwao.

Ka nako ya gagwe kwa Diepkloof, e ne e le mokwaledi wa lekalana la Vuyani Mabaxa. Mazibuko o ne a tlhophiwa gape e le leloko la komiti-kgolo ya ANC wa kgaolo kgolo ya Johannesburg. Mazibuko o ne a tlhomamisiwa e le leloko la lekgotla la peomolao la kgaolo ya Gauteng ka 1996. Ka nako ya gagwe e le mopalamente, e ne e le motlhokomedi wa ANC gape a bereka mo dikomiting tse di tlhophilweng di tshwana le ya botsogo, thuto, botaki le ngwao.

Ka ngwaga wa 2004, lekgotla la peomolao la Gauteng le ne la mo tlhopha go nna moemedi wa sennela ruri mo khanseleng ya dikgaolo a emetse kgaolo ya Gauteng.

Kwa NCOP, o ne a bereka mo dikomiting tsa nakwana tse di farologaneng. O ne gape e le modulasetilo wa komiti ya nakwana ya lekgotla la tlhabololo banana. Mazibuko e ne e le modulasetilo wa lekgotla la basadi le mothusa motlhokomedi. Ka Motsheganong 2010, o ne atlhophiwa go ya komiting ya kgaolo ya ANC kwa Gauteng. Ke mokwaledi wa pele wa lekgotla la bomme la ANCWL le modulasetilo wa Gauteng wa ANCWL.

Puso ya kgaolo ya Gauteng

Mokhanselara wa tlhabololo dikago

Morago ga ditlhopho tsa 2009, Mazibuko o ne a boela lekgotleng la peo molao . O ne a thapiwa e le mokhanselara wa tlhabololo dikago ke moeteledipele o mosha Nomvula Mokonyane.

Mokhanselara wa tshomarelo setshaba

Ka Ngwanatsele ngwaga wa 2010, o ne a thapiwa e le mokhanselara wa tshomarelo setshaba, a tlhatlhama Khabisi Mosunkutu. Bheki Nkosi o ne a mo tlhatlhama e le mokhanselara wa tlhabololo dikago.

Mokhanselara wa temothuo, tikologo, tlhabololo magae le tlhabololo matshelo a batho

Morago ga go tlhophiwa ga ga David Makhura e le moeteledipele ka Motsheganong 2014, o ne a thapiwa e le mokhanselara wa temothuo, tikologo, tlhabololo magae le tlhabolo matshelo a batho. Sizakele Emelda Nkosi-Malobane o ne a mo tlhatlhama go nna mokhanselara wa pabalesego ya setshaba.

Mokhanselara wa metshameko, ditso, botaki le ngwao

Ka Phalane 2015, Makhura o ne a itsise fa Mazibuko a tla fapaanela maemo le mokhanselara wa metshameko, ditso, botaki le ngwao, Molebatsi Bopape. Mazibuko o ne a amega mo mangangeng fa kgatiso ya gagwe a leka go pateletsa babereki ba gagwe go tlhokomologa ditsamaiso tsa theko go fefofatsa go tsisiwa ga didirisiwa tsa mabala a metshameko pele ga ditlhopho tsa 2019, e tlhagelela mo metsweding ya dikgang.

Mokhanselara wa pabalesego ya setshaba

Mazibuko o boetse kwa maemong a mokhanselara wa pabalesego ya setshaba morago ga ditlhopho tsa 2019. O ne a tlhatlhamiwa ke Mbali Hlophe e le mokhanselara wa metshameko, botaki, ngwao le itloso bodutu.

Ka Phalane 2022, moeteledipele o mosha o a neng a sa tswa go tlhophiwa Panyaza Lesufi o ne a tlhoma Mazibuko e le mokhanselara wa pabalesego ya setshaba.

Mokhanselara wa tlhabololo matshelo a batho

Morago ga ditlhopho tsa 2024, Mazibuko o ne a tlhomiwa mokhanselara wa ditlhabololo tsa matshelo a batho.