Fikile Mthwalo

Fikile Mthwalo
Tsalo	(1989-04-13) 13 April 1989 Maseru, Lesotho
Alma mater	University of Cape Town (B.A.) New York University Tisch School of the Arts (M.F.A.)
Tiro	Actor, script writer, TV presenter, entrepreneur
Dingwaga tsa a le mo tirong	1998–present

Fikile Mthwalo (o tshotswe Moranang a le lesome le boraro 1989), ke modiragatsi wa Aforika Borwa yo o tsholetsweng kwa Lesotho, mokwadi wa difilimi le mogwebi. O tumile thata ka dikarolo tsa gagwe mo difiliming tse di tumileng tsa It's Complicated, Isidingo le Gold Diggers

Botshelo jwa gagwe

O tshotswe Moranang a le lesome le boraro 1989 kwa Lesotho ke rre wa Mosotho le mme wa Mokenya/Motanzania. O na le monnawe yo mmotlana yo o nnang kwa Cape Town. Go tloga ka 2001 go fitlha ka 2005, o ne a tsena sekolo kwa kholetšheng ya boditšhabatšhaba ya Machabeng e e kwa Maseru. Morago ga moo o ne a fudugela kwa Bloemfontein, Aforika Borwa mme a wetsa Matric ka 2007, kwa Sekolong sa Basetsana sa St Michael. Ka 2009, o ne a tsenelela Yunibesithi ya Motsekapa mme a aloga ka Dikirii ya Bodiragatsi ya go Tlhagisa Difilimi le Ditshwantsho tsa motshikhinyego.

O nyalane le modiragatsi-ka-ene wa Aforikaborwa Atandwa Kani ka Sedimonthole 2015. O kopane le Kani ka nako ya motseletsele wa thelebišene kwa ba neng ba beeletsana le go nyalana ngwaga morago ga moo. Ba ne ba rulaganya lobolo lwa lenyalo la bone la setso morago ga lenyalo la bone. Atandwa ke morwadi wa ga John Kani le Mandi Kani. Fikile le Atandwa ba kgaogane ka 2019 mme ba tlhalana ka kagiso ka 2023 go ikaegilwe ka dipharologano tse di sa kgoneng go letlanngwang.

Tiro

O simolotse tiro ya gagwe ya bodiragatsi mo setoring se se tumileng sa Isidingo. O ne a nna mongwe wa ba ba kwa godimo ba le masome mabedi le bone ba ba neng ba fitlha kwa makgaolakgannyeng mo 'Patlong ya Mogasi wa O Access' e e neng ya gasiwa mo Channel O. Ka 2015, o ne a dira karolo ya gagwe ya ntlha ya go etelela pele mo thelebisheneng ka go tshameka karolo ya 'Ipeleng' mo motseletseleng wa It’s Complicated. Ntle le moo, o ile a kopanela le dipapatso tse di mmalwa tsa thelebishene tse di akaretsang Metropolitan, PEP, Omo, Shoprite, Etiselat Nigeria, Ponds, Hi-Malt Nigeria le Nivea UK. O ne a tlhagelela mo filiming ya thelebišene ya Gold Diggers kwa a neng a tshameka karolo ya 'Hlengiwe' gone. Ga jaanong jaana Fikile o fetsa bontsi jwa nako ya gagwe kwa New York le kwa Los Angeles.

Thuto

Fikile o amogetse dikirii ya gagwe ya ntlha ya go tlhagisa difilimi le ditshwantsho tsa motshekhinyego kwa Yunibesithing ya Cape Town (UCT), kwa a alogileng gone ka tlotlo ka 2012. Ka 2015 o ne a newa thuso e e feletseng ya go tsenelela Lenaneo la Dialogane la go Diragatsa la Yunibesithi ya New York. Ka 2018 o ne a aloga ka Masters wa Fine Arts mo bodiragatsing.