Jump to content

Florence Lathrop

Tsenya dikgolaganyo
Go tswa ko Wikipedia

Florence Lathrop Field Page ( o tshotswe ka kgwedi ya Phalane e le masome a boferabongwe (29) ka ngwaga wa 1858 abo a thokafala ka kgwedi ya Seetebosigo e le borataro (6)ka ngwaga wa 1921) e ne e le motho wa maemo a a kwa godimo wa kwa Amerika e bile e le motho yo o ratang go thusa ba bangwe. O ne a tsholelwa mo lelapeng le le tlotlegang la Barbour, mme Page o ne a nna motho yo o itsegeng thata mo setšhabeng e bile e le motho yo o ratang go thusa batho. Page o ne a tsewa e le leloko la batho ba maemo a a kwa godimo ba kwa ditoropong tsa Amerika.[1]O ne a nyalwa gabedi, la ntlha ke Henry Field (monnawe Marshall Field), mme morago ke Thomas Nelson Page. Mo godimo ga go nna leloko la lelapa la Barbour ka go tsholwa, ka lenyalo la gagwe la bobedi o ne a nna leloko la malapa a mangwe a mabedi a a itsegeng a Virginia: malapa a ga Nelson le Page.

Botshelo go tswa bonnyaneng, thuto le lelapa

[fetola | Fetola Motswedi]

O tshotswe ka kgwedi ya Phalane e le lesome le boferabongwe (19) ka ngwaga wa 1858, kwa Alexandria, Virginia.[2] E ne e le morwadia Jedediah Hyde Lathrop le Mariana Bryan Lathrop (yo gape a itsiweng jaaka "Minerva" le "Minna"). [3]Bana ba gaabo ba ne ba akaretsa Bryan Lathrop, Barbour Lathrop, le Minna Lathrop.[3]

E ne e le setlogolo sa puritan John Lothropp mo letlhakoreng la ga rraagwe.[4]E ne e le leloko la lelapa la Barbour ka mmaagwe. Mmemogolo wa ga mmaagwe e ne e le Mary Barbour Bryan (morwadia Thomas Barbour, le kgaitsadie James Barbour le Philip P. Barbour).[2][4]Rremogolo wa ga mmaagwe e ne e le Daniel Bryan.

Lelapa la gaabo le ne le humile, ka rraagwe a ne a na le khumo e ntsi ka go beeletsa mo ditlamong, gammogo le go dira mo dibankeng ka tirisanommogo le Riggs Bank.[5]

Batsadi ba gagwe e ne e le maloko a a nonofileng a mokgatlho wa badiri, mme, pele ga Ntwa ya Selegae ya Amerika, ba lelapa la gagwe ba ne ba tswa kwa Alexandria, Virginia go ya go nna kwa Chicago, Illinois, kwa motswala wa bone Thomas Barbour Bryan (malome wa gagwe) a neng a le teng go tloga ka ngwaga wa1852.[1]O goletse kwa motsesetoropong wa Cottage Hill, gompieno ke Elmhurst, Illinois, [2]lefelo le malome wa gagwe Thomas Barbour Bryan a neng a tsewa jaaka "rre" wa lone. [2][6]Lelapa la gagwe le ne la aga ntlo ya bone ya "Huntington" koo ka ngwaga wa 1864, gaufi le ntlo ya "Eagles Nest" ya ga Thomas Barbour Bryan.[7][8]

Fa a ntse a gola, Florence o ne a rutwa kwa gae, pele a romelwa kwa moseja go ya go fetsa dithuto tsa gagwe kwa Paris, kwa Fora, e leng sengwe se se neng se le mo fesheneng mo malapeng a a humileng a Maamerika a nako eo gore bana ba bone ba se dire.[9] Ka dingwaga di le nne, o ne a fetsa dikgwedi di le mmalwa tsa ngwaga a ithuta kwa Paris.[9]

Botshelo jwa fa a godile

[fetola | Fetola Motswedi]

Lenyalo la ntlha

Lenyalo la gagwe le Henry Field, mme moragonyana le Thomas Nelson Page, le ne la tshwarelwa kwa Byrd's Nest Chapel, e e neng ya tsewa senepe fano ka ngwaga wa 1900.

Ka kgwedi ya Phalane e le masome a mabedi le boferaongwe (29) ka ngwaga wa 1879, fa a le dingwaga di le masome a mabedi le bongwe (21), o ne a nyala Henry Field wa dingwaga di le 38 kwa Byrd's Nest Chapel, e e leng fa gare ga lelapa la gaabo la "Huntington" le la ga malome wa gagwe Thomas Barbour Bryan la "Eagle's Nest" kwa Elmhurst.[8][10]Henry Field e ne e le molekane yo monnye mo Field, Leiter & Company, kgwebo ya mogolowe Marshall Field.Henry Field e ne e le ramatlotlo.

Morago ga lenyalo la bone, ba babedi ba ne ba nna kwa moseja kwa Paris ka dingwaga di le pedi, ka Henry Field a dira jaaka moreki wa kwa moseja kwa Yuropa wa Field, Leiter & Company, e e neng e tla bidiwa Marshall Field & Company.

Fa ba sena go boela kwa United States, boora Field ba ne ba nna kwa Chicago. Ka Mopitlwe 1882, Florence o ne a tshola ngwana wa bone wa ntlha, morwadie yo a neng a mmitsa ka leina la kgaitsadie yo o tlhokafetseng Minna (yo moragonyana a neng a tla bidiwa Minna Field Page). [11]Ka kgwedi ya Sedimonthole ka ngwaga wa 1883 o ne a tshola morwadie wa bobedi, yo a neng a mmitsa Florence (yo kwa bofelong a neng a nyala ka leina la Florence Field Lindsay).[12] Ka ngwaga wa 1888, o ne a tshola ngwana wa boraro wa mosetsana, yo a neng a mmitsa Gladys. Glayds o ne a swa dikgwedi di le robedi morago ga go tsholwa.[13][14]

Fa ba ga Field ba ne ba boela kwa United States ka ngwaga wa 1882, Henry Field o ne a tsaya khunologo ya ngwaga go tswa kwa Marshall Field & Company, a boa fela ka bokhutshwane pele a tlogela kgwebo ka ngwaga wa 1883, ka ntlha ya botsogo jwa gagwe jo bo neng bo sa tswelele sentle. O ne a boela kwa khampaning ka bokhutshwane gape go tloga ka ngwaga wa 1885 go fitlha ka ngwaga wa 1889 pele a boela gape kwa tirong.

Ka ngwaga wa 1890, malatsi a le mararo pele ga Keresemose, Henry Field o ne a tlhokafala ka tshoganetso morago ga go lwala ka lobakanyana.[15]O ne a fitlhwa kwa Graceland Cemetery, kwa mabitleng ao malome wa gagwe Thomas Barbour Bryan a neng a a theile, le ao morwarraagwe Bryan Lathrop a neng a direla jaaka moporesidente wa one. E ne e le motlholagadi yo o humileng.

Go nyala gape

Dingwaga di le pedi morago ga loso lwa ga Henry Field, o ne a kopana le Thomas Nelson Page. Page e ne e le leloko la malapa a a tlotlegang a ga Nelson le Page a Virginia.[16] Ka ngwaga wa1893, o ne a mo kopa gore a mo nyale. Ba ne ba nyalana kwa Byrd's Nest Chapel ka June 6, 1893, fa pele ga balosika ba le masome marataro le ditsala tse di gaufi. Mongwe wa baruti ba babedi ba ba neng ba dira mmogo mo lenyalong e ne e le Moruti Frank Page, morwarraagwe monyadi. The Byrd's Nest Chapel e ne e le kwa ntlong ya ga malomeagwe e bong Thomas Barbour Bryan le mosadi wa gagwe Jennie Byrd Bryan (née Page). Jennie Byrd Bryan e ne e le ntsalae Rre. Page (go raya gore bana ba ga Bryans  ⁇ Jennie le Thomas  ⁇  ga se fela bontsalae ba ntlha le ene, mme gape e ne e le balosika ba ba kgakala le monna wa gagwe yo mosha).[17]

Go ise go ye kae morago ga go nyalana, ba ne ba fudugela kwa Washington, D.C.[ Ba babedi ba ne ba ka se nne le bana mo lenyalong la bone. 30] The Pages e ne e tsewa e le karolo ya setšhaba sa boditšhabatšhaba sa kofi, mme ba ne ba etela kwa Lontone, Paris, Riviera, Roma, e bile ba ne ba ya le kwa Egepeto. Ba ne ba fetsa selemo sa bone (go tloga ka Motsheganong kgotsa Seetebosigo go fitlha ka Diphalane) kwa ntlong ya bone ya selemo "Rock Ledge" kwa York Harbor, Maine.[18]

Maiteko a go thusa batho

[fetola | Fetola Motswedi]

E ne e le motho yo o ratang go thusa batho. O ne a ntsha madi a mantsi go tlhama mananeo a booki a boitekanelo jwa setšhaba kwa Chicago, Hanover County, Virginia, New York City, le Washington, D.C.[19]O ne a le monei wa dimpho tsa Associated Charities of the District of Columbia.[19] O ne a abela ka metlha kwa Chicago Symphony Orchestra (e kgaitsadie Bryan Lathrop le ene e neng e le moamogedi wa yone), mme a tswelela go abela ka metlha kwa Art Institute of Chicago. [19]O ne a neela dithutô tsa Page-Barbour kwa Yunibesithing ya Virginia.[1]O ne a thusa dikereke tsa Episcopal, go akaretsa le St. Kereke ya Episcopal ya ga John.[19] Ka gwaga wa 1915, o ne a rulaganya lenaneo le legolo la namolo go thusa batswasetlhabelo ba thoromo ya lefatshe ya 1915 Avezzano kwa Italy. O ne a dira go thusa batho ba ba neng ba tlhokafetse mo ntweng ya ntlha ya lefatshe kwa Italy.[2]

O ne a tlhokafala kwa Southborough, Massachusetts ka kgwedi ya Seeteboesigo e le borataro (6) ka ngwaga wa 1921.[20] Boswa jwa gagwe bo ne bo fopholediwa go nna boleng jwa $2,000,000.[21]

  1. 1 2 3 Funigiello p. 3
  2. 1 2 3 4 5 Funigiello p. 21
  3. 1 2 "Bryan001". www.elmhursthistory.org. Elmhurst Historical Society. Archived from the original on May 28, 2021. Retrieved January 1, 2021
  4. 1 2 Funigiello p. 14
  5. ↑ Funigiello pp. 2, 14–15
  6. ↑ Funigiello p. 25
  7. ↑ "Elmhurst". DuPage County Historical Society. September 23, 2019. Archived from the original on August 14, 2020. Retrieved May 13, 2021."Elmhurst". DuPage County Historical Society. September 23, 2019. Archived from the original on August 14, 2020. Retrieved May 13, 2021.
  8. 1 2 "Amid Spring Flowers Thomas Nelson Page Married to Mrs. Henry Field Simple Country Wedding". The Inter Ocean. Chicago. June 7, 1893. p. 3. Retrieved August 9, 2024 – via Newspapers.com.
  9. 1 2 Funigiello p. 25
  10. ↑ Written at Chicago. "Mrs. Henry Field to Wed". The Daily News-Dealer. Wilkes-Barre, Pennsylvania (published May 4, 1893). May 3, 1893. p. 1. Retrieved August 9, 2024 – via Newspapers.com
  11. ↑ "Florence Page's Bequests Divide $750,000 Estate". Chicago Tribune. September 25, 1921. p. 14. Retrieved August 9, 2024 – via Newspapers.com
  12. ↑ Funigiello p. 28 and 45
  13. ↑ Funigiello p. 28
  14. ↑ Funigiello p. 29
  15. ↑ Funigiello p. 33
  16. ↑ Myers, Quinn (October 2, 2019). "Ask Geoffrey: The History of the Art Institute Lions". WTTW News. Retrieved May 12, 2021.
  17. ↑ "Woman of Many Friends". www.newspapers.com. The Inter Ocean. March 28, 1898. p. 8. Archived from the original on May 28, 2021. Retrieved December 31, 2020
  18. ↑ Funigiello p. 46
  19. 1 2 3 4 Funigiello p. 47
  20. ↑ "Mrs. Page, Wife of Diplomat, Dies in East". Chicago Tribune. June 7, 1921. p. 17. Retrieved August 9, 2024 – via Newspapers.com.
  21. ↑ "Mrs. Page Left $2,000,000". The New York Times. Washington (published June 30, 1921). June 29, 1921. p. 17. Retrieved August 9, 2024 – via Newspapers.com
Retrieved from "https://tn.wikipedia.org/w/index.php?title=Florence_Lathrop&oldid=46595"