Franck Biya

Franck Biya
Tsalo	Phatwe a le masome mabedi le motso ngwaga wa 1971 Yaounde, Cameroon
Tiro	Mogwebi
Batsadi(s)	Paul Biya Jeanne-Irene Atyam

Emmanuel Franck Olivier Biya (o o tshotsweng ka Phatwe a le masome mabedi le motso ngwaga wa 1971) ke mogwebi wa kwa Cameroon le ngwana wa tautona wa gompieno wa Cameroon Paul Biya.

Tiro

Biya o tsene sekolo kwa Cameroon pele ga a ya University of Southern California kwa a alogileng ka bachelor's degree ya political science le Economics ka 1994. O berekile e le moithuti kwa Bank of Central African States go tswa ka 1995 go tsena 1997. Go tswa ka 1997 go tsena 2004, e ne e le mopati wa kompone ya naga e bidiwa I.N.G.F. Ka 2004, o ne a tlhama Centure Capital PLC.

Kgonagalo ya go tlhatlhama

Franck Biya o akanyeditswe fa a tlaa tlhatlhama rraagwe ebong Paul Biya o a saleng a nna tautona ka 1982.

Mo ditlhophong tsa 2011 tsa botautona tse Paul a neng a di emetse, Franck o ne a bonwa a eteletse pele letsholo la ga rraagwe. O ne a akanyeditswe go emela ditlhopho tsa 2018 mo boemong jwa ga rraagwe, le ntswa se se ne sa seka sa diragala. Baema nokeng ba ga Franck ba le mmalwa ba ne ba tlhama makgotla a a farologaneng go mo ema nokeng, makgotla a tshwana le Citizens Movement.

Ba ba kgatlhanong le lolwapa loora Biya ba ne ba re Cameroon ga se lefatshe la bogosi le gore Franck ga a tshwanela go tlhatlhama botautona.

Botshelo jwa gagwe

Franck Biya o tsholetswe kwa Yaounde e le ngwana wa ga Paul Biya le mosadi wa gagwe wa ntlha Jeanne-Irene Atyam. O nyetse ebile o na le bana ba le bane.