Fransina Kahungu
Fransina Ndateelela Kahungu (o o tshotsweng ka 1970) ke mopolotiki wa kwa Namibia o o berekang e le mokhanselara wa toropo ya Windhoek. Pele o berekile e le mothusa ratoropo wa Windhoek ka 2016 le 2017 le e le ratoropo wa Windhoek ka 2019 go tsena 2020. Kahungu o nnile leloko la khansele ya basadi ya SWAPO, e le mokwaledi ka 2022.
Botshelo jwa gagwe a le mmotlana le thuto
[fetola | Fetola Motswedi]Kahungu o tswa kwa motseng wa Okapanda. O ne a fudugela kwa Windhoek ka 1994 a dira dithuto tsa diploma tsa thuto kwa sekolong se segolwane sa ithuteloditiro sa University of Namibia. Fa a le moithuti kwa Ombalantu Secondary, Kahungu o ne a nna le seabe mo polotiking e le leloko la mokgatlho wa baithuti ba Namibia. Go tswa ka 1998 go tsena 2017m Kahungu o ne a bereka e le morutabana, a tloga a nna motsamaisi wa sekolo se sebotlana sa Olof Palme, se se kwa Windhoek kwa go nnang batho ba ba ipeileng fela kwa Greenwell Matongo.[1]
Tiro ya gagwe ya sepolotiki
[fetola | Fetola Motswedi]Kahungu o ne a tlhophiwa pele e le leloko la khansele ya Windhoek ka 2010 a nna mothusa mokwaledi wa SPWC ka 2016. Fa a le mo khanseleng ya toropo, o ne a bereka e le mothusa ratoropo wa Windhoek ka 2016 le 2017.[1]
O nea tlhophiwa go nna ratoropo wa toropo eo ka Morule a le lesome le boraro ngwaga wa 2019, morago ga ratoropo wa nako eo Muesee Kazapua a seo a le kwa ditlhophong tsa bo mmasepala.[2][3] Go ya ka pego ya pampiri ya dikgang ya Namibia Press Agency, Kazapua le mmueledi wa toropo Harold Akwenye ba ne ba supa fa boeteledipele jwa toropo bo sa fetoga, le gore Kazapua e santse e le ratoropo wa toropokgolo. Agatha Ashilelo, modulasetilo wa komiti ya toropokgolo Windhoek, o ne a supa gore Kahungu o emeletse Kazapua ele ratoropo go ya ka tshwetso e e tserweng ke komiti ya kgaolo ya SWAPO.[4]
Ka Firikgong 2020, pampiri ya dikgang ya Namibia Economist le Namibia Broadcasting Corporation ba ne ba bega fa ofisi ya ga ratoropo e boletse fa e fudugela kwa lefelongle le kwa Babylon, fa ofisi ya ga mothusa ratoropo e ne e tlaa sala kwa lefelong la pele. Thulaganyo e e ne e tlaa nna go fitlhelela nako ya ga Kahungu a le ratoropo e fela.[5][6]
Ka Morule a le malatsi a mabedi ngwaga wa 2020, Job Amupanda o ne a tlhophiwa go nna ratoropo morago ga gore ba kganetso ba mo tlhophe.[7][8] Kahungu o ne a tlhatlhama Eunice Iipinge go nna mokwaledi wa khansele ya bomme ya SWAPO ka Tlhakoel 2022.[9]
Metswedi
[fetola | Fetola Motswedi]- 1 2 Ikela, Selma (18 December 2019). "Fransina Kahungu: From classroom to mayor". New Era Live. Retrieved 14 October 2025
- ↑ "Fransina Kahungu elected Mayor of Windhoek". Namibian Broadcasting Corporation. 13 December 2019. Archived from the original on 16 December 2019. Retrieved 14 October 2025.
- ↑ "Kazapua is no show at Windhoek elections". The Namibian. 13 December 2019. Retrieved 14 October 2025.
- ↑ "City of Windhoek has rubbished reports that Windhoek Mayor, has been booted out of his mayoral post". Windhoek: Namibia Press Agency. 11 December 2019 – via The Free Library.
- ↑ "Windhoek Mayor relocates office to Babylon". Namibian Broadcasting Corporation. 21 January 2020. Archived from the original on 22 January 2020. Retrieved 14 October 2025.
- ↑ Rasmeni, Mandisa (21 January 2020). "Windhoek Mayor moves her office to Babylon". Namibia Economist. Retrieved 14 October 2025
- ↑ "Progressive forces will take charge of Windhoek – Amupanda". The Namibian. 27 November 2020. Retrieved 14 October 2025
- ↑ Tjitemisa, Kuzeeko (3 December 2020). "Job's mayoral dream comes true". New Era Live. Retrieved 14 October 2025.
- ↑ Muronga, Petrus. "Kahungu elected as SPWC leader". The Namibian. Archived from the original on 14 May 2022. Retrieved 14 October 2025.