George Yankey

George Sipa-Adjah Yankey
Tona wa botsogo ko Ghana
In office Tlhakole 2009 – Phalane 2009
President	John Atta Mills
Pele Ga Gagwe	Courage Quashigah
Morago Ga Gagwe	Benjamin Kunbuor
Ka Ga Ena
O tsetswe	Nzema, Ghana
Mokgatlho	National Democratic Congress
Tiro	Mmueledi

George Sipa-Adjah Yankey ke mmueledi le mopolotiki wa kwa Ghana. Ke moeteledipele wa pele wa Ghana Gas, o berekile gape e le tona wa botsogo wa kwa Ghana ka puso ya ga Atta Mills.

Thuto

Yankey o tsene sekolo kwa Nsein Senior High a dira setlankana sa O Level. O ithutetse molao kwa Ghana School of Law. O alogile ka PhD ka 1987 go tswa kwa University of Warwick kwa United Kingdom.

Tsa Pereko

Yankey o berekile mo lephateng la madi la Ghana, o ne a le tlhogo ya lephata la molao ka dingwaga tsa 1989 go tsena 1995. O ne a nna mookamedi wa molao, mohama o o ikemetseng le metheo ya madi kwa lephateng leo go tswa ka 1996.

Polotiki

Yankey ke leloko la National Democratic Congress. Morago ga tlhopho ya 2008 ya botautona, tautona John Atta Mills o ne a mo thapa go nna tona wa botsogo mo pusong ya gagwe ka Tlhakole 2009.

Morago ga dipatlisiso tse di neng di dirilwe ke ofisi ya melato e e tseneletseng ya United Kingdom, Mabey and Johnson Limited, kompone e e neng e ntsha tshipi e e kwa Twyford,Berkshire e ne ya lebisiwa molato ka 2009. Se se ne sa baka gore kompone e supe fa e batlile go rotloetsa ba ba tsayang ditshwetso mo dikonterakeng tsa setshaba kwa Jamaica le Ghana ka dingwaga tsa 1993 go tsena 2001. Matona a Ghana a le matlhano, a akaretsa Yankey, o a neng a belaelwa a tsere dikete di le lesome le botlhano, a ne a tlhagelela mo kgang e ya kompone. Yankey o ne a latosa magatwe ao mo puong e e duleng morago ga katlholo ya Mabey and Johnson ya dikete di le thataro tsa sedikadike ke kgotlatshekelo ha Southwark Crown. Le ntswaa ne a ganetsa, Yankey o ne a ithola marapo jaaka tona wa botsogo gore a phepafatse leina la gagwe. Go ithola marapo go ne ga amogelwa ke tautona Mills, o fa godimo, a neng a laletsa komiti ya ditshwanelo tsa setho go sekaseka tsheko eo.

Kompone ya Ghana National Gas

Morago ga tshekatsheko, Dr. Yankey o ne a seka a bonwa molato ope. O ne a thapiwa ke tautona John Atta Mills e le moeteledipele wa Ghana National Gas Company. Mo maemong a gagwe, o ne a eteletse pele kompone le go aga dikago tsa phatlalatso ya gase. O ne a tlhatlhamiwa ke Benjamin Asante ka Tlhakole 2017.